Jeremias 36:25 - Marahay na Bareta Biblia

²⁵ Maski nakimaherak sa hade si Elnatan, si Delaias, asin si Gemarias na dai pagsuloon an kasuratan, dai sinda dinangog kan hade.

Jeremias 36:25 ပူးပေါင်းရင်းမြစ်များ

Genesis 37:22

Dai kita magpabulos nin dugo; ihulog ta na sana siya sa bubon na ini digdi sa kalangtadan, alagad dai ta siya pagkulogan.” Sinabi niya ini tanganing iligtas si Jose sa saindang mga tugang dangan papulion siya sa saiyang ama.

Mga Talinhaga 21:29

Midbid kan matanos an saiyang sadiri, alagad an tampalasan kaipuhan pang magsagin-sagin.

Jeremias 26:16

Dangan tinaraman kan mga lider asin kan mga tawo an mga padi saka an mga propeta, “An lalaking ini dai maninigong padusahan nin kagadanan huli ta nagtaram siya sato sa ngaran nin Kagurangnan na satong Dios.”

Jeremias 26:22

Alagad sinugo ni Hadeng Jehoiakim si Elnatan na aking lalaki ni Acbor asin an nagkapirang lalaki tanganing kuahon si Urias sa Egipto.

Jeremias 36:10

Dangan binasa ni Baruc an gabos na ipinasurat ko saiya, mantang naghihinanyog an gabos na tawo. Ginibo niya ini sa laog kan Templo, sa kwarto ni Gemarias na aking lalaki ni Safan, na sekretaryo. An kwarto niya nasa itaas na patyo na harani sa palaog kan Bagong Trangkahan kan Templo.

Jeremias 36:12

Nagduman siya sa palasyo, sa kwarto kan sekretaryo, na pinagtiponan kan gabos na opisyal tanganing mag-orolay. Yaon duman si Elisama na sekretaryo, si Delaias na aking lalaki ni Semaias, si Elnatan na aking lalaki ni Acbor, si Gemarias na aking lalaki ni Safan, si Zedekias na aking lalaki ni Hananias, asin an iba pang mga opisyal.

Mateo 27:4

Nagsabi siya, “Nagkasala ako! Pinasaluiban ko an sarong tawong mayong sala!” Alagad nagsimbag sinda, “Ano an labot mi kaiyan? Problema mo na iyan!”