Jeremias 36:14 - Marahay na Bareta Biblia

¹⁴ Kaya sinugo kan mga opisyal si Jehudi (na aking lalaki ni Netanias, na makoapo ni Selemias, asin apo sa tuhod ni Cusi) tanganing magsabi ki Baruc na darahon sainda an kasuratan na binasa niya sa mga tawo. Dinara sainda ni Baruc an kasuratan.

Jeremias 36:14 ပူးပေါင်းရင်းမြစ်များ

2 Mga Hade 25:23

Kan mabaretaan ini kan mga opisyal saka mga soldados nin Juda na dai nagsuruko, nagduman sinda ki Gedalias sa Mizpa. An mga opisyal na ini iyo si Ismael na aking lalaki ni Netanias, si Johanan na aking lalaki ni Kareas, si Seraias na aking lalaki ni Tanhumet na taga Netofa, asin si Jaazanias na taga Maaca.

Jeremias 36:2

“Kumua ka nin suratan asin isurat mo an gabos na sinabi ko saimo manongod sa Israel, sa Juda saka sa gabos na nasyon. Isurat mo an gabos na itinaram ko saimo magpoon kan enot takang kaolayon, kan si Josias iyo an hade, sagkod ngunyan na aldaw,

Jeremias 36:21

Dangan sinugo kan hade si Jehudi na kuahon an kasuratan. Kinua niya an kasuratan sa kwarto ni Elisama saka binasa sa hade asin sa gabos na opisyal na nagtitirindog sa palibot kan hade.

Jeremias 36:4

Kaya inapod ko si Baruc na aking lalaki ni Nerias asin sinabi ko saiya an gabos na itinaram sako nin Kagurangnan; ini gabos isinurat ni Baruc.

Jeremias 40:8

Kaya nagduman ki Gedalias sa Mizpa si Ismael, na aking lalaki ni Netanias, si Johanan na aking lalaki ni Kareas, si Seraias na aking lalaki ni Tanhumet, an mga aking lalaki ni Efai na taga Netofa, asin si Jezanias na taga Maaca, kaiba an saindang mga tawohan.

Jeremias 41:16

Dangan tinipon ni Johanan asin kan mga lider kan hukbo an mga tawo—mga soldados, mga babae, mga aki, saka mga eunuko—na binihag ni Ismael hale sa Mizpa pakatapos na gadanon kaini si Gedalias.

Sofonias 1:1

Iyo ini an mensahe na itinao nin Kagurangnan ki Sofonias kan panahon na si Josias na aking lalaki ni Amon iyo an hade nin Juda. (Si Sofonias aking lalaki ni Cusi na aking lalaki ni Gedalias; si Gedalias aking lalaki ni Amarias na aking lalaki ni Hadeng Ezekias.)

Mateo 10:16

“Magdangog kamo! Sinusugo ko kamo na garo mga karnero sa tahaw nin mga lobo. Magpakamaingat kamo arog kan mga halas asin magpakamahoyo arog kan mga salampati.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.