Jeremias 36:12 - Marahay na Bareta Biblia

¹² Nagduman siya sa palasyo, sa kwarto kan sekretaryo, na pinagtiponan kan gabos na opisyal tanganing mag-orolay. Yaon duman si Elisama na sekretaryo, si Delaias na aking lalaki ni Semaias, si Elnatan na aking lalaki ni Acbor, si Gemarias na aking lalaki ni Safan, si Zedekias na aking lalaki ni Hananias, asin an iba pang mga opisyal.

Jeremias 36:12 ပူးပေါင်းရင်းမြစ်များ

2 Mga Hade 22:12

Dangan pinagbotan niya si Hilkias na padi, si Ahikam na aking lalaki ni Safan, si Akbor na aking lalaki ni Micaias, an sekretaryo na si Safan, asin si Asaias na sorogoon kan hade,

2 Mga Hade 22:14

Si Hilkias, Ahikam, Akbor, Safan, asin si Asaias nagduman ki Hulda na sarong babaeng propeta na nag-erok sa bagong kabtang kan Jerusalem. (An agom ni Hulda na si Sallum, na aking lalaki ni Tikva asin makoapo ni Harhas, iyo an namamahala kan mga gubing sa Templo.) Isinaysay ninda ki Hulda an nangyari.

2 Mga Hade 22:3

Kan ikadyes y otsong taon nin paghahade ni Hadeng Josias, sinugo niya sa Templo an sekretaryo na si Safan, na aking lalaki ni Azalias asin makoapo ni Mesullam. Siring kaini an saiyang pagboot ki Safan:

2 Mga Hade 24:8

Dyes y otsong taon si Jehoiakin kan siya magin hade nin Juda, asin tolong bulan siyang naghade sa Jerusalem. An saiyang ina iyo si Nehusta na aki ni Elnatan na taga Jerusalem.

Jeremias 26:10

Kan maaraman kan mga lider nin Juda an nangyari, hidali sindang nagduman sa Templo hale sa palasyo asin nagtukaw sinda sa may Bagong Trangkahan.

Jeremias 26:22

Alagad sinugo ni Hadeng Jehoiakim si Elnatan na aking lalaki ni Acbor asin an nagkapirang lalaki tanganing kuahon si Urias sa Egipto.

Jeremias 26:24

Alagad huli ta tinabangan ako ni Ahikam na aking lalaki ni Safan, dai ako ikinatao sa mga tawo tanganing gadanon.

Jeremias 36:25

Maski nakimaherak sa hade si Elnatan, si Delaias, asin si Gemarias na dai pagsuloon an kasuratan, dai sinda dinangog kan hade.

Jeremias 38:4

Dangan nagduman sa hade an mga opisyal saka nagsabi, “Kaipuhan ipagadan an tawong ini. Pinapaluya niya an boot kan mga soldados asin kan mga tawo na natada sa syudad huli kan mga itinataram niya. Dai siya naghihingowa na tabangan an mga tawo; an boot sana niya iyo na mapahamak sinda.”

Jeremias 41:1

Kan ikapitong bulan, nag-abot sa Mizpa si Ismael na aking lalaki ni Netanias asin makoapo ni Elisama, sarong kaayon kan pamilya kan hade saka saro sa mga pangenot na opisyal kan hade, may kaibahan na sampolong lalaki tanganing makipaghilingan ki Gobernador Gedalias. Mantang nagkakakan sinda,