Jeremias 35:7 - Marahay na Bareta Biblia

⁷ Sinabihan man niya kami na dai magtugdok nin mga harong, mag-oma asin dai magtanom sa ubasan o magbakal kaini. Pinagbotan niya kami na danay kaming mag-erok sa mga tolda, tanganing magpadagos kami sa pag-erok sa dagang ini saen nag-eerok kami arog sa mga dayuhan.

Jeremias 35:7 ပူးပေါင်းရင်းမြစ်များ

Genesis 25:27

Kan magdakula an kambal, si Esau, na mas gusto an buhay sa luwas nagin sarong marahay na paraayam; alagad si Jacob bakong paragirong asin mas gusto sa harong.

Genesis 36:7

Naghale siya huli ta an daga dai na nagkanigo sa saindang magtugang; dakul nang marahay an saindang mga hayop kaya dai na sinda pwedeng mag-erok sa parehong lugar.

Exodo 20:12

“Galangan nindo an saindong ama asin ina, tanganing mabuhay kamo nin halawig sa dagang itatao ko sa saindo.

Jeremias 35:9

Dai kami nagtugdok nin mga harong—nag-erok kami sa mga tolda—asin mayo kaming sadiring mga ubasan, oma, asin banhi. Sinunod nanggad nyamo an lambang pagboot samo ni Jonadab na samong ginikanan.

Efeso 5:18

Dai kamo magburat, huli ta mararaot an buhay nindo; kundi mapano logod kamo kan Espiritu.

1 Pedro 2:11

Mga namomotan kong tugang, nakikiolay ako saindo na kamo, bilang mga dayuhan saka mga nasa destyero sa kinaban na ini, dai kamo magpadaog sa mga kamawotan kan laman na danay na nakikilaban sa mga kalag nindo.