Jeremias 35:4 - Marahay na Bareta Biblia

⁴ dangan dinara ko sinda sa Templo. Ipinag-iba ko sinda sa kwarto kan mga disipulo ni Hanan na aking lalaki ni Igdalias. An kwartong ini nasa itaas kan kwarto ni Maaseias na aking lalaki ni Sallum, na sarong halangkaw na opisyal sa Templo, asin harani sa mga kwarto kan ibang mga opisyal.

Jeremias 35:4 ပူးပေါင်းရင်းမြစ်များ

1 Mga Hade 12:22

Alagad tinaraman nin Dios si Propeta Semaias

1 Mga Hade 13:1

Sa pagboot nin Kagurangnan, sarong propetang gikan sa Juda an nagpasiring sa Betel. Nag-abot siya duman mantang nakatindog si Jeroboam sa atubang kan altar tanganing magtutong nin insenso.

1 Mga Hade 13:26

Kan madangog ini kan gurang na propeta, nagsabi siya, “Siya an propeta na naglapas kan pagboot nin Kagurangnan! Itinao siya nin Kagurangnan sa leon na ruminonot saka guminadan saiya bilang kaotoban kan tataramon saiya nin Kagurangnan.”

1 Mga Hade 17:18

Sinabihan kan babaeng balo si Elias, “Sorogoon nin Dios, tadaw ta ginibo mo ini sako? Nagdigdi ka daw tanganing ipagiromdom sa Dios an sakong mga kasalan asin magin dahelan kan pagkagadan kan sakong aking lalaki?”

1 Mga Hade 17:24

Nagsimbag an babae, “Ngunyan aram ko na saro kang sorogoon nin Dios asin an Kagurangnan nagtataram sa paagi mo!”

1 Mga Hade 20:28

Sarong propeta an nagduman ki Hadeng Ahab asin nagsabi, “Iyo ini an itinaram nin Kagurangnan: ‘Huli ta nagsasabi an mga taga Siria na ako sarong dios kan kabukidan asin bako kan kapantayan, tatawan taka nin kapangganahan laban sa dakula nindang hukbo. Dangan maaaraman nindo na ako an Kagurangnan.’”

2 Mga Hade 1:9

Dangan an sarong opisyal na may kaibahan na singkwentang soldados sinugo kan hade ki Elias. Nakua kan opisyal si Elias na nagtutukaw sa ibabaw nin sarong bulod asin sinabihan, “Sorogoon nin Dios, ipinagboboot kan hade na maghilig ka.”

2 Mga Hade 12:9

Dangan nagkua si Jehoiada nin sarong kahon, linabotan an takop, asin ibinugtak idto sa kataed kan altar, sa toong parte palaog sa Templo. Digdi ilinalaog kan padi na nagbabantay sa pintoan an gabos na kwarta na itinao kan mga parasamba.

2 Mga Hade 25:18

Laen pa kaini, binihag ni Nebuzaradan, na pamayong opisyal kan hukbo kan hade, si Seraias na Halangkaw na Padi, si Zofonias na ikaduwang padi, asin an tolong bantay sa Templo.

2 Mga Hade 5:14

Kaya naglugsot siya sa Jordan, luminadop nin pitong beses, sosog sa tataramon ni Eliseo asin an saiyang kublit nagin siring sa kublit nin sadit na aki; nagin malinig siya.

2 Mga Hade 5:20

nagsaboot si Gehazi na sorogoon ni Eliseo, “Pinahale kan sakong kagurangnan si Naaman na dai nagbayad. Inako niya kutana an dinara saiya kan Siro. Huli sa ngaran kan buhay na Kagurangnan lalamagon ko siya asin makua ako sa saiya nin maski ano.”

2 Mga Hade 6:10

Kaya pinatanidan kan hade nin Israel an mga lalaki na nag-eerok sa lugar na idto, asin nagbantay sinda. Nangyari ini nin nagkapirang beses.

2 Mga Hade 7:17

Nangyari na ibinugtak kaidto kan hade an trangkahan kan syudad sa pamamahala kan kapitan; tinirimaktimakan siya kan mga tawo duman sa trangkahan asin nagadan, siring kan sinabi ni Eliseo kan an hade magduman saiya,

2 Mga Hade 7:2

An kapitan kan mga bantay kan hade nagsabi ki Eliseo, “Imposible iyan; maski bukasan pa nin Kagurangnan an mga bintana nin langit!” “Mahihiling mo ini, alagad dai ka makakanamit kan pagkakan,” an simbag ni Eliseo.

1 Mga Cronica 9:27

Nag-erok sinda harani sa Templo, huli ta katongdan ninda an magbantay kaini asin sa pagbukas kan mga trangkahan aga-aga.

2 Mga Cronica 8:14

Bilang pagkuyog sa mga pagboot ni David na saiyang ama, itinalaan niya an aroaldaw na trabaho kan mga padi asin kan mga Levita na matarabang mantang nag-aawit an mga padi asin nag-ootob kan saindang katongdan. Itinalaan man niya an aroaldaw na grupo nin mga bantay kan Templo para sa mga trangkahan kaini, siring kan ipinagboot ni David na sorogoon nin Dios.

Salmo 84:10

Sarong aldaw sa laog nin saimong mga patyo orog na marahay ki sa sangribong aldaw sa ibang lugar. Papaorogon ko an magtindog sa trangkahan kan harong nin sakong Dios, ki sa mag-erok sa harong nin mga tampalasan.

Jeremias 21:1

Sinugo sako ni Hadeng Zedekias nin Juda si Pasur na aking lalaki ni Malkias asin an padi na si Sofonias na aking lalaki ni Maaseias. Dara ninda an siring na kahagadan:

Jeremias 26:10

Kan maaraman kan mga lider nin Juda an nangyari, hidali sindang nagduman sa Templo hale sa palasyo asin nagtukaw sinda sa may Bagong Trangkahan.

Jeremias 35:3

Kaya kinua ko an bilog na kamaganakan ni Recab—si Jaazanias (na aking lalaki nin sarong Jeremias man an ngaran, na aking lalaki ni Habazzinias), asin an gabos niyang tugang na lalaki saka mga aking lalaki

Jeremias 52:24

Laen pa kaini, binihag ni Nebuzaradan na pamayong opisyal kan hukbo kan hade, si Seraias na halangkaw na padi, si Sofonias na ikaduwang padi, asin an tolong bantay sa Templo.

Ezekiel 40:38

Sa patyong nasa luwas, igwa nin sarong edipisyong kasugpon kan trangkahan na nasa laog, sa parteng amihan. Agihan ini pasiring sa dakulang kwarto na atubang sa patyo, asin digdi hinuhugasan an binunong mga hayop na tututongon bilang sakripisyo.

Ezekiel 43:8

Itinugdok kan mga hade an pintoan kan saindang palasyo sa kataed kan pintoan kan sakong Templo, kaya saro sanang kudal an pagultanan nyamo. Dinigtaan ninda an banal kong ngaran sa paagi kan makauuyam na mga bagay na saindang ginibo, kaya sa sakong kaanggotan tinunaw ko sinda.

Deuteronomio 33:1

Iyo ini an mga bendisyon na ipinahayag ni Moises, an sorogoon nin Dios, sa banwaan nin Israel bago siya nagadan.

1 Timoteo 6:11

Alagad ika na tawong sadiri nin Dios, maglikay ka sa gabos na bagay na ini. Hingowahon mo an katanosan, kabanalan, pagtubod, pagkamoot, pakatagal, asin kahoyoan.

2 Timoteo 3:17

tanganing an tawong naglilingkod sa Dios magin sangkap asin andam sa paggibo kan gabos na karahayan.

Josue 14:6

Sarong aldaw, nagkapirang mga tawo na gikan sa tribu ni Juda an nagduman ki Josue sa Gilgal. An saro sainda, si Caleb na aki ni Jefunne na Keneceo, nagsabi saiya, “Aram mo an itinaram nin Kagurangnan ki Moises, an sorogoon nin Dios, manongod sa satong duwa duman sa Kades-barnea.

1 Samuel 2:27

Nagduman ki Eli an sarong propeta na may darang mensahe hale sa Kagurangnan asin nagsabi, “Kan an saimong ginikanan na si Aaron asin an saiyang pamilya mga oripon pa kan hade nin Egipto, nagpamidbid ako ki Aaron.