Jeremias 35:14 - Marahay na Bareta Biblia

¹⁴ An mga kapagarakian ni Jonadab nagkuyog kan saiyang pagboot na dai mag-inom nin arak, asin sagkod ngunyan mayo sainda nin nag-iinom nin arak. Danay akong nagtaram saindo, alagad dai kamo nagkuyog sako.

Jeremias 35:14 ပူးပေါင်းရင်းမြစ်များ

Nehemias 9:26

“Alagad an saimong banwaan nagrebelde asin dai nagkuyog saimo; nagtalikod sinda sa saimong katogonan. Ginadan ninda an mga propeta na nagpatanid sainda, na nagtaram sainda na dai magtalikod saimo. Dakul na beses sindang naglanghad saimo,

Nehemias 9:30

Dakul na taon matinios na pinatanidan mo sinda. Pinasabongan mo an saimong mga propeta tanganing magtaram sainda, alagad dai sinda nagdangog; kaya ipinasakop mo sinda sa ibang mga nasyon.

Isaias 30:9

Matumang sinda sa Dios, danay na nagpuputik, danay na nagtatalikod sa katukdoan nin Kagurangnan.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Jeremias 11:7

Huli ta kan darahon ko an saindang mga ginikanan sa luwas kan Egipto, maigot ko sindang pinatanidan na kuyogon ako, asin padagos na pinapatanidan ko an mga tawo sagkod ngunyan.

Jeremias 26:5

asin sa paagi nin paghinanyog sa mga tataramon kan sakong mga sorogoon, an mga propeta, na danay kong ipinapadara sa saindo. Dai nanggad nindo kinuyog an mga itinaram ninda.

Jeremias 29:19

Mangyayari ini sainda huli ta dai ninda kinuyog an mensahe na danay kong ipinapadara sainda sa paagi kan mga sorogoon kong mga propeta. Habo nanggad sindang maghinanyog.

Jeremias 32:33

Tinalikodan ninda ako asin maski padagos ko sindang tinutukdoan, dai sinda naghinanyog saka nag-adal.

Jeremias 35:16

An mga kapagarakian ni Jonadab nagkuyog kan pagboot na itinao sainda kan ginikanan ninda, alagad kamo dai nagkuyog sako.

Jeremias 35:6

Alagad nagsimbag sinda, “Dai kami nag-iinom nin arak huli ta pinagbotan kami kan samong ginikanan na si Jonadab, na aking lalaki ni Recab na sagkod pa man dai kami mag-inom nin arak, siring man an samong mga kapagarakian.

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.