Jeremias 34:22 - Marahay na Bareta Biblia

²² Itatao ko an pagboot asin mabalik sinda sa syudad na ini. Sasalakayon ninda ini, sasakopon, saka susuloon. Iaarog ko sa desyerto an mga banwa nin Juda na mayo nin nag-eerok. Ako, an Kagurangnan, an nagtaram.”

Jeremias 34:22 ပူးပေါင်းရင်းမြစ်များ

2 Samuel 16:11

Dangan sinabihan ni David si Abisai asin an gabos niyang opisyal, “Kun boot ngani akong gadanon kan sakong aki, tadaw ta minangalas kamo sa Benjaminitang ini? Sinabihan siya nin Kagurangnan na maldisyonon ako, kaya pabayaan nindo siya na magmaldisyon sako.

2 Mga Hade 25:6

Binihag ninda si Zedekias dangan dinara ki Hadeng Nebukadnezzar, na yaon kaidto sa Ribla, asin duman itinao saiya ni Nebukadnezzar an maninigong padusa.

2 Mga Hade 25:9

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

2 Mga Cronica 36:17

Kaya dinara nin Kagurangnan an hade nin Babilonia tanganing salakayon sinda. Ginadan kan hade an gabos na hoben na lalaki nin Juda maski an mga yaon duman sa Templo. Dai siya naherak sa kiisay man, aki man o gurang, lalaki man o babae; an gabos itinao nin Dios sa saiyang mga kamot.

Isaias 13:3

Pinaluwas na nin Kagurangnan an saiyang mapaabaw-abaw saka makokosog na mga soldados tanganing makilaban sa sarong banal na gera asin padusahan an saiyang mga naaanggotan.

Isaias 24:12

Pagkarumpag an natada sa syudad, asin raot an mga trangkahan kaini.

Isaias 37:26

“Dai mo nabaretaan na ako an nagplano kan gabos na iyan kaidto? An gabos na plano ko kaidtong panahon pinapangyari ko ngunyan. Tinawan taka nin kapangyarihan tanganing gabaon an pinapusog na mga syudad.

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Isaias 64:10

An saimong banal na mga syudad nakakaagid sa sarong desyerto; an Jerusalem sarong raot na lugar na mayo nin nag-eerok,

Jeremias 2:15

Nag-urungal sinda saiya na garo mga leon; ginibo nindang desyerto an saiyang daga, asin rinaot ninda an saiyang mga banwa, kaya mayo na nin nag-erok duman.

Jeremias 32:29

saka susuloon. Susuloon ninda ini kaiba an mga harong saen pinaanggot ako kan mga tawo huli kan pagtutong ninda nin insenso para ki Baal sa saindang mga atop, saka pag-ula nin arak na dolot sa mga dios-dios.

Jeremias 33:10

Nagtaram an Kagurangnan, “Nagsasabi an mga tawo na an lugar na ini garo sarong desyerto, na mayo nin tawo o hayop na nag-eerok. Tama sinda; mamondo mananggad an mga banwa nin Juda saka an mga tinampo nin Jerusalem; mayo nin nag-eerok duman maski tawo o hayop. Alagad sa mga lugar na iyan madadangog mo giraray

Jeremias 34:2

Tinaraman ako nin Kagurangnan, an Dios nin Israel, na magduman ki Hadeng Zedekias nin Juda saka taraman ini nin siring, “Ako, an Kagurangnan, an matao kan syudad na ini sa hade nin Babilonia, asin susuloon niya an syudad.

Jeremias 38:23

Nagsabi pa ako, “Dadarahon kan mga taga Babilonia an gabos mong agom saka aki; dai ka makakadulag sainda. Dadarahon ka bilang sarong bihag kan hade nin Babilonia, asin susuloon an syudad na ini.”

Jeremias 39:8

Sinulo kan mga taga Babilonia an palasyo kan hade asin an mga harong kan mga tawo, dangan rinumpag ninda an mga kudal kan Jerusalem.

Jeremias 4:7

Arog sa sarong leon na nagluluwas sa saiyang tagoan, nagluluwas an sarong pararaot nin mga nasyon. Nagdadangadang na siya tanganing raoton an Juda. An mga syudad nin Juda raraoton asin mayo na nin mag-eerok diyan.

Jeremias 44:22

Sa mismong aldaw na ini, raot an saindong daga saka mayo nin nag-eerok. Nagin iyan sarong tanawon na nakakatakot, asin an ngaran kaiyan ginagamit kan mga tawo bilang sarong maldisyon, huli ta dai na natagalan nin Kagurangnan an saindong karatan saka makauuyam na mga gibo.

Jeremias 50:13

Huli sa sakong kaanggotan mayo nin mag-eerok sa Babilon; papabayaan iyan na raot, asin an mag-aaragi diyan magkakamorongnan saka magngangaralas.

Jeremias 52:13

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

Jeremias 52:7

nalagbas an mga kudal kan syudad. Maski napalibotan kan mga taga Babilonia an syudad, nakadulag pagkabanggi an gabos na soldados ni Zedekias. Nag-agi sinda sa trangkahan na nasa duwang kudal, na harani sa tatamnan kan hade. Nagdulag sinda pasiring sa Araba.

Jeremias 9:11

Nagtataram an Kagurangnan, “An Jerusalem gigibohon kong sarong tambak nin mga raot, sarong lugar na eerokan nin mga lalaw na ayam; an mga syudad nin Juda magigin sarong desyerto, lugar na mayong nag-eerok na tawo.”

Mga Panambitan 1:1

Mapungaw na nagtutukaw an Jerusalem, na dating pano nin mga tawo! Dakula siya kaidto sa gabos na nasyon, ngunyan arog na sa sarong babaeng balo! Kaidto saro siyang prinsesa sa tahaw nin mga syudad, ngunyan saro nang oripon.

Ezekiel 13:22

“Huli kan saindong kaputikan, pinapaluya nindo an boot kan mga matanos na tawo na habo ko man na kulogan. Inoolang nindo an mga maraot na tawo sa pag-ontok kan maraot nindang gibo asin ikaligtas an saindang buhay.

Amos 3:6

Dai daw natatakot an mga tawo kun pinapatanog an panggerang trompeta sa laog nin syudad? Minaabot daw an kapahamakan sa sarong syudad kun dai iyan ipinadara nin Kagurangnan?

Mikas 7:13

Alagad magigin sarong desyerto an daga huli kan karatan kan mga nag-eerok diyan.

Zacarias 1:12

Dangan nagtaram an anghel, “O Kagurangnan nin mga hukbo, setentang taon na ngunyan na naaanggot ka sa Jerusalem saka sa mga syudad nin Juda. Sagkod nuarin pa kaya bago mo ipahiling sainda an pagkaherak?”

Zacarias 7:14

Arog sa sarong bagyo, ipinalid ko sinda sa harayo tanganing mag-erok sinda sa mga dayuhan na daga. Nagin sarong mamondong lugar an marahay na dagang ini, na mayo nin nag-eerok.”

Mateo 22:7

Huli kaini naanggot an hade, kaya sinugo niya an mga soldados na gadanon idtong mga kriminal, saka suloon an saindang syudad.