Jeremias 34:17 - Marahay na Bareta Biblia

¹⁷ Kaya ako, an Kagurangnan, nagsasabi na nagsuway kamo sako; dai nindo itinao sa kapwa nindo Israelita an saindang katalingkasan. Huli kaini, itatao ko saindo an katalingkasan: an katalingkasan na magadan sa gera, peste, asin gutom. Gigibohon ko kamong sarong katakotan sa gabos na nasyon sa kinaban.

Jeremias 34:17 ပူးပေါင်းရင်းမြစ်များ

Esther 7:10

Kaya binitay ninda si Haman sa bitayan na inandam niya para ki Mardokeo. Dangan napara an kaanggotan kan hade.

Jeremias 15:2

Kun hapoton ka ninda kun saen sinda dapat mapaduman, sabihan mo sinda na nagtaram akong: An iba sainda itinalaan nang magadan sa helang— iyan an saindang padudumanan! An iba sainda itinalaan nang magadan sa gera— iyan an saindang padudumanan! An iba sainda itinalaan nang magadan sa gutom— iyan an saindang padudumanan! An iba sainda itinalaan sa pagkabihag— iyan an saindang padudumanan!

Jeremias 15:4

Gigibohon kong matakot sainda an gabos na tawo sa kinaban huli kan ginibo ni Manases, na aking lalaki ni Ezekias, sa Jerusalem kan siya iyo an hade nin Juda.”

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Jeremias 29:17

An Kagurangnan nin mga hukbo nagsasabi, ‘Papadarahan ko sinda nin gera, gutom, asin peste; iaarog ko sinda sa ralapang higera na dai na pwedeng kakanon.

Jeremias 29:18

Lalamagon ko sinda sa paagi nin gera, gutom, saka peste, asin an gabos na nasyon sa kinaban magkakatirikbahan dangan magkakatarakot sa mangyayari sainda. Sa gabos na nasyon na pagwawarakan ko sainda, pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 32:24

“An mga taga Babilonia nagtambak na nin daga sa palibot kan syudad tanganing masakop ini, asin nagsasalakay na sinda. An syudad mahuhulog sa saindang kamot huli kan gera, gutom, asin peste. Nagkakatotoo na an gabos mong itinaram.

Jeremias 32:25

Alagad ika an nagsugo sako, o Kagurangnan Dios, na bakalon an oma sa atubangan kan mga saksi, maski an syudad na ini nakatalaan nang sakopon kan mga taga Babilonia.”

Jeremias 32:36

Nagtaram sako an Kagurangnan, an Dios nin Israel, “Jeremias, sinasabi kan mga tawo na an syudad na ini mahuhulog sa kamot kan hade nin Babilonia huli sa gera, gutom, asin peste. Hinanyoga ngunyan an iba pang sasabihon ko.

Jeremias 34:8

Nagkaoroyon si Hadeng Zedekias asin an mga taga Jerusalem na talingkasan

Jeremias 38:2

na an Kagurangnan nagtaram nin siring, “Magagadan sa gera o sa gutom o sa peste an siisay man na padagos na mag-erok sa syudad na ini. Alagad an magluwas saka magsuko sa mga taga Babilonia mabubuhay; ikakaligtas niya an saiyang buhay.”

Mga Panambitan 1:8

An Jerusalem nagkasala nin makuri, kaya siya nagin maati. Ikinakauyam siya ngunyan kan gabos na dating nag-omaw saiya, huli ta nahiling ninda an saiyang pagkanihuba; nag-aagrangay siya asin nagtatahob kan saiyang lalawogon.

Daniel 6:24

Dangan nagboot an hade na dakopon an mga lalaking nagsumbong ki Daniel, asin ihinulog sinda kaiba an saindang mga agom saka kaakian sa kalot na pano nin mga leon. Dai pa ngani sinda nagduduta sa salog kan kalot, pinag-aragawan na sinda kan mga leon asin binarari an saindang mga tolang.

Mateo 7:2

Huli ta huhusgaran kamo nin Dios siring kan paghusgar nindo; kun ano an sukol na ginagamit nindo, iyo man an gagamiton saindo.

Galacia 6:7

Dai nindo pagdayaon an sadiri nindo; an Dios dai maloloko nin siisay man. Kun ano an itinanom nin tawo, iyan man an saiyang aanihon.

Deuteronomio 19:19

itatao saiya an padusa na dapat kuta nang itao sa saiyang kapwa. Sa siring na paagi, mahahale an karatan na iyan sa tahaw nindo.

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.

Deuteronomio 28:64

“Iwawarak kamo nin Kagurangnan sa gabos na nasyon, sa gabos na poro nin daga; malingkod kamo duman sa mga dios-dios na gibo sa kahoy saka gapo, mga dios-dios na dai pa nindo sinamba ni kan saindong mga ginikanan.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.

Kapahayagan 16:6

Pinabulos ninda an dugo kan mga banal asin kan mga propeta, kaya tinawan mo man sinda nin dugo na inomon. Minaako sinda ngunyan kan maninigo sainda!”