Jeremias 34:15 - Marahay na Bareta Biblia

¹⁵ Dai pa sana nahahaloy nagsolsol kamo asin ginibo nindo an matanos sa sakong panhiling sa paagi kan pagpahayag na tatalingkasan nindo an saindong mga oripon na Israelita. Naggibo kamo nin tipan sa atubangan ko sa laog kan Templo na pinagsasambahan sako.

Jeremias 34:15 ပူးပေါင်းရင်းမြစ်များ

2 Mga Hade 12:2

Ginibo ni Joas an matanos sa atubangan nin Kagurangnan sa bilog niyang pagkabuhay, huli ta tinukdoan siya kan padi na si Jehoiada.

2 Mga Hade 14:3

Ginibo niya an matanos sa atubangan nin Kagurangnan, alagad bako siya arog sa saiyang ginikanan na si Hadeng David, huli ta inarog niya an ginibo kan saiyang ama na si Joas.

2 Mga Hade 23:3

Nagtindog siya sa kataed kan harigi asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro. Dangan an bilog na banwaan nanuga na ootobon an tipan.

Nehemias 10:29

nakikisumaro sa samuyang mga lider sa pagsumpa na kami mamumuhay sosog sa Katogonan nin Dios, na itinao nin Dios huli ki Moises na saiyang sorogoon; na kukuyogon mi an gabos na pagboot samo nin Kagurangnan na samong Kagurangnan; na ootobon mi an gabos niyang katogonan asin pagsusundon; na mapapairarom kami sa sarong maldisyon kun lapason mi iyan.

Salmo 119:106

Ootobon ko an sakong banal na panuga na kukuyogon an saimong matanos na mga katukdoan.

Salmo 76:11

Otobon nindo sa Kagurangnan na saindong Dios, an saindong panuga saiya. Gabos na nasyon sa palibot magdara nin mga dolot sa saiya na maninigong katakotan,

Isaias 58:2

Sinasamba ninda ako aroaldaw, asin sinasabi nindang boot nindang maaraman an sakong mga dalan saka mga pagboot. Sinasabi nindang boot nindang tawan ko sinda nin matanos na mga pagboot asin naoogma sinda sa pagsamba sako.”

Jeremias 32:34

Ibinugtak pa ninda an saindang makauuyam na mga dios-dios sa Templo na itinugdok para sa pagsamba sako, asin dinigtaan ninda iyan.

Jeremias 34:8

Nagkaoroyon si Hadeng Zedekias asin an mga taga Jerusalem na talingkasan

Levitico 25:10

Sa paaging ini, pinapalaen nindo an ikasingkwentang taon asin ipinapahayag nindo an katalingkasan sa gabos na nag-eerok sa daga. Sa taon na iyan ibabalik nindo sa dating kagsadiri o sa saiyang kapagarakian an gabos na ipinabakal nindang pagsadiri. An siisay man na ipinabakal bilang oripon, mapuli sa sadiri niyang pamilya.

Mateo 15:8

‘Inoomaw ako kan mga tawong ini kan saindang ngoso, alagad harayo sako an saindang mga puso.