Jeremias 34:11 - Marahay na Bareta Biblia

¹¹ alagad pakalihis nin halipot na panahon nagbago an saindang isip. Kinua giraray ninda an mga dating oripon saka pirit nindang inoripon.

Jeremias 34:11 ပူးပေါင်းရင်းမြစ်များ

Salmo 125:5

Alagad kun padusahan mo na an mga tampalasan, padusahan mo man an mga minasuhay sa saimong mga dalan. An katoninongan mapasa-Israel!

Salmo 36:3

An saiyang ngoso pano nin karatan asin kaputikan; mayo na siyang gibong tama asin marahay.

Exodo 8:15

Kan mahiling kan hade na garadan na an mga talapang, nagmatagas na naman siya asin dai niya dinangog si Moises saka si Aaron, sosog sa itinaram nin Kagurangnan.

Exodo 8:8

Dangan ipinaapod kan hade si Moises saka si Aaron asin sinabihan, “Ipamibi nindo sa Kagurangnan na haleon ining mga talapang asin tutugotan ko nang humale an mga tawo tanganing makapag-atang sa Kagurangnan.”

Exodo 9:28

Mamibi kamo sa Kagurangnan huli ta dai mi na matitios ining pagdaguldol asin pag-uran nin yelo. Nanunuga ako na papahaleon ko na kamo; asin dai na kamo maghahaloy digdi.”

Mga Talinhaga 26:11

An lolong na minagibo liwat kan parehong kalolongan garo man sana ayam na minabalik sa saiyang isinuka.

Parahulit 8:11

An mga tawo andam sa paggibo nin karatan, huli ta an krimen dai tolos pinapadusahan.

Jeremias 34:10

Nagkaoroyon man an gabos na tawo saka an saindang mga lider na talingkasan an saindang mga oripon asin na dai na nanggad ninda ooriponon an mga ini. Pinatalingkas ninda an mga ini,

Jeremias 34:12

Dangan tinaraman ako nin Kagurangnan,

Jeremias 34:16

Alagad nagbago an saindong isip asin pinagbasang-basang nindo an sakong ngaran kan kuahon giraray nindo an mga oripon na tinalingkasan nindo sosog sa kamawotan nindo; pinirit nindo sinda na magin oripon giraray.

Jeremias 34:21

Itatao ko man si Hadeng Zedekias nin Juda saka an saiyang mga opisyal sa mga boot gumadan sainda. Itatao ko sinda sa hukbo kan Babilonia, na nag-ontok na sa pagsalakay saindo.

Jeremias 37:5

Pinapalibotan na an Jerusalem kan hukbo nin Babilonia kan madangog ninda na nagbalyo na sa pagdolonan nin Egipto an hukbo kan Egipto, kaya nag-atras sinda.

Oseas 6:4

Alagad nagsasabi an Kagurangnan, “Ano an gigibohon ko saimo Israel? Ano an gigibohon ko saimo Juda? Hidali sanang nawawara an saindong pagkamoot sako arog kan alopoop sa pagkaaga; nakakaagid iyan sa ambon na nawawara amay pa an aldaw.

Oseas 7:16

Padagos sinda sa pagtalikod sako asin minaduman sinda sa sarong dios-dios na mayong kapangyarihan. Dai sinda malalaoman siring sa sarong tiko na pana. Magagadan sinda sa espada huli kan kapalangkawan kan saindang mga lider, asin ngingisihan sinda kan mga taga Egipto.”

Sofonias 1:6

Pupuhoon ko an mga nagtalikod asin dai na nagsusunod sako; an mga dai na nagdodolok sako o nakikimaherak na giyahan ko sinda.”

1 Samuel 24:19

Huli ta kun makua na nin sarong tawo an saiyang kaiwal, pinapaligtas pa daw niya? Bendisyonan ka logod nin Kagurangnan huli kan ginibo mo sako ngunyan na aldaw!

1 Samuel 26:21

Nagsimbag si Saul, “Nagkasala ako. Magbalik ka David, aki ko! Dai na ako mag-iisip na gadanon ka, huli ta dai mo ako ginadan ngunyan na banggi. Nagin lolong ako, asin dakula an ginibo kong karatan!”