Jeremias 33:9 - Marahay na Bareta Biblia

⁹ An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Jeremias 33:9 ပူးပေါင်းရင်းမြစ်များ

2 Mga Cronica 20:29

Natakot an gabos na nasyon na nakadangog kun paano dinaog nin Kagurangnan an mga kaiwal nin Israel.

Nehemias 6:16

Kan maaraman ini kan gabos ming kaiwal sa mga kataraed na nasyon, nagkatarakot sinda gabos asin nagkasoropog, huli ta aram ninda na an trabaho nahaman sa tabang nin samuyang Dios.

Esther 8:17

Kan basahon an pagboot kan hade sa lambang syudad saka probinsya, maogmang nagpyesta an mga Judio, nagbangkete saka nag-ogma. Dakul na tawo an nagpahayag na sinda mga Judio, huli ta natakot sinda sa mga Judio.

Salmo 130:4

Alagad yaon saimo an pagpatawad, tanganing ika samong katakotan.

Salmo 40:3

Bagong awit itinukdo niya sako, sarong awit nin pag-omaw sa satuyang Dios. Dakul an makakahiling saka matatakot, asin magsasarig sinda sa Kagurangnan.

Isaias 43:21

Sinda an banwaan na ginibo ko para sako, asin mag-aawit sinda sako nin mga pag-omaw!”

Isaias 55:13

Embes kan mga tonok matalubo an mga kahoy na sipres; embes kan mga binit matalubo an mga marambong na kahoy. Ini an magigin sarong tanda na magdadanay sagkod lamang, sarong giromdom kan ginibo ko, an Kagurangnan.”

Isaias 60:5

Mahihiling mo ini asin mapapano ka nin kaogmahan; maglulukso ka sa dakulang kagayagayahan. Dadarahon saimo an kayamanan kan mga nasyon; an saindang kayamanan madatong hale sa ibong kan dagat.

Isaias 62:1

Magtataram ako tanganing pakosogon an boot kan Jerusalem; dai ako magkakaalo sagkod na ligtas na siya, asin nagliliwanag an saiyang kapangganahan siring sa sarong karaba sa pagkabanggi.

Isaias 62:12

Aapodon kang “An Banal na Banwaan nin Dios,” “An Banwaan na Ilinigtas nin Kagurangnan.” An Jerusalem aapodon “An Syudad na Namomotan nin Dios,” “An Syudad na Dai Pinabayaan nin Dios.”

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Isaias 62:7

Kaipuhan na dai ninda siya pagtawan nin kapahingaloan sagkod na makabalik sa dati an Jerusalem— sarong syudad na inoomaw kan bilog na kinaban.

Isaias 64:2

Magtatakig sinda siring sa tubig na nagkakalakaga sa ibabaw kan kalayo. Madya asin pahayagan an saimong kapangyarihan sa mga kaiwal mo, asin patakiga an mga nasyon huli kan saimong presensya!

Jeremias 13:11

Siring kan habay na minahusto sa habayan, binoot kong maigot na mamugol sako an mga taga Israel saka an mga taga Juda. Ginibo ko ini tanganing sinda magin sakong banwaan saka magdara sinda nin kaomawan asin kamurawayan sa sakong ngaran; alagad habo ninda akong kuyogon.”

Jeremias 16:19

Kagurangnan, ika an nag-iingat sako asin nagtataong kosog; tinatabangan mo ako sa panahon nin kasakitan. Hale sa mga poro kan kinaban madolok saimo an mga nasyon saka masabi, “An mga dios kan samong mga ginikanan gabos mayong halaga.

Jeremias 24:6

Babantayan ko sinda asin ibabalik sa dagang ini. Papatindogon ko sinda asin dai ko rurumpagon; itatanom ko asin dai ko sinda gagaboton.

Jeremias 26:6

Kun padagos kamong dai magkuyog, gigibohon ko sa Templong ini an ginibo ko sa Shilo, dangan gagamiton kan gabos na nasyon sa kinaban an ngaran kan syudad na ini bilang sarong maldisyon.”

Jeremias 29:1

Nagsurat ako sa mga padi, sa mga propeta, sa mga lider kan banwaan, asin sa iba pang ipinatapok ni Nebukadnezzar sa Babilonia hale sa Jerusalem.

Jeremias 3:17

Sa panahon na iyan, aapodon an Jerusalem na ‘An Trono nin Kagurangnan,’ asin an gabos na nasyon matiripon duman sa pagsamba sako. Dai na ninda susunodon an ipinapagibo sainda kan matagas saka maraot nindang mga puso.

Jeremias 3:19

Nagsasabi an Kagurangnan, “Israel, binoot kong akoon ka bilang sakong aking lalaki asin tawan ka nin sarong matubang na daga, an daga na pinakamagayon sa bilog na kinaban. Binoot kong apodon mo akong ama, asin dai ka na nanggad matalikod sako.

Jeremias 31:14

Babasogon ko nin masiram na kakanon an mga padi, asin makokontento an sakong banwaan kan sakong karahayan. Ako, an Kagurangnan, an nagtaram.”

Jeremias 31:4

Papatindogon ko giraray kamo. Magtutugtog giraray kamo kan saindong mga tamborin asin maogma kamong magsasayaw.

Jeremias 32:42

“Siring kan pagpadara ko kan dakulang kasakitan na ini sa banwaan na ini, papadarahan ko man sinda kan marahay na mga bagay na ipinanuga ko sainda.

Jeremias 33:14

Nagtaram an Kagurangnan, “Maabot an panahon na ootobon ko an panuga na ginibo ko sa mga taga Israel asin mga taga Juda.

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Jeremias 44:8

Tadaw ta pinapaanggot nindo ako sa pagsamba nindo sa mga ladawan asin pagsakripisyo sa mga dios-dios digdi sa Egipto, na saindong pinag-eerokan? Ginigibo daw nindo ini sa pagraot kan saindong mga sadiri, tanganing magin subahan kamo kan gabos na nasyon saka gamiton ninda an saindong ngaran bilang sarong maldisyon?

Jeremias 49:25

Pinabayaan na an bantog na syudad na dati sarong maogmang syudad.

Ezekiel 26:20

Dangan ihuhulog taka sa kinaban nin mga gadan sa kaibahan kan mga tawong nabuhay kan suanoy na panahon. Mag-eerok ka diyan sa kaibahan kan mga gadan, sa tahaw kan suanoy na mga gaba. Huli kaiyan, dai ka na pag-eerokan, ni magkakaigwa nin lugar sa daga kan mga nabubuhay.

Ezekiel 36:35

Dangan mataram sinda, ‘An dagang ini na alang kaidto arog na ngunyan sa tatamnan nin Eden; an mga syudad na ginaraba, sinamsaman, mamondo, pinag-eerokan na ngunyan asin pinapapusog.’

Ezekiel 39:13

An lambang saro sa daga matabang sa paglubong, asin oomawon sinda sa aldaw nin sakuyang panggana. Ako, an Kagurangnan Dios, an nagtaram.

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Zacarias 1:17

Sinabihan man ako kan anghel na magpahayag: “Nagtataram an Kagurangnan nin mga hukbo na magigin mauswag giraray an saiyang mga syudad asin tatabangan niya giraray an Jerusalem saka aakoon na sadiri niya.”

Zacarias 12:2

“An Jerusalem gigibohon kong arog sa sarong kalis nin arak; mainom an mga nasyon sa palibot niya asin magsasayasay sinda siring sa mga burat. Kun palibotan na ninda an Jerusalem, an mga syudad sa natatada pang kabtang nin Juda mapapalibotan man.

Deuteronomio 30:5

tanganing masadirihan giraray nindo an daga na sadiri kaidto kan saindong mga ginikanan. Gigibohon niya kamong mas mauswag saka mas dakul ki sa saindong mga ginikanan.