Jeremias 33:3 - Marahay na Bareta Biblia

³ “Apoda ako, asin sisimbagon taka; ipapahayag ko saimo an dakula saka hilom na mga bagay na dai mo pa naaaraman.

Jeremias 33:3 ပူးပေါင်းရင်းမြစ်များ

Salmo 145:18

Harani siya sa gabos na minaapod saiya; sa gabos na minaapod saiya nin tudok sa puso.

Salmo 25:14

Mga katood nin Kagurangnan an mga may pagkatakot saiya; an saiyang tipan ipinapahayag niya sainda.

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Salmo 91:15

Kun apodon niya ako, sisimbagon ko siya; iibahan ko siya sa kasakitan. Ililigtas ko siya asin oomawon.

Isaias 45:3

An mga kayamanan hale sa madiklom saka tagong mga lugar itatao ko saimo, dangan maaaraman mo na ako an Kagurangnan, asin na inapod ka sa saimong ngaran kan Dios nin Israel.

Isaias 48:6

“An gabos kong sinabi nangyari na ngunyan; kaipuhan akoon nindong totoo an sakong mga hula. Ngunyan sasabihan ko kamo dapit sa mga bagay na maabot pa, mga bagay na dai ko pa ipinahayag kaidto.

Isaias 65:24

Maski dai pa sinda nakakatapos kan pagpamibi, sisimbagon ko na sinda.

Jeremias 23:35

Embes kaiyan, an dapat na ihapot nin lambang saro sa saiyang mga katood asin mga kadugo iyo, ‘Anong kasimbagan an itinao nin Kagurangnan? Ano an itinaram nin Kagurangnan?’

Jeremias 29:12

Dangan maapod kamo, madolok saka mamimibi sako, asin dadangogon ko kamo.

Jeremias 32:17

“O Kagurangnan Dios, ginibo mo an kalangitan asin an daga huli kan dakula mong kapangyarihan saka kosog; mayo nin dipisil para saimo.

Jeremias 32:27

“Ako an Kagurangnan, an Dios kan gabos na tawo; mayo nin dipisil para sako.

Daniel 2:18

Sinabihan niya sindang mamibi sa Dios nin langit dapit sa misteryong ini, tanganing dai sinda magadan kaiba kan mga parahatol sa Babilon.

Daniel 2:22

Siya an nagpapahayag kan mga bagay na hararom asin hilom; siya an nakakaaram kun ano an nasa kadikloman, asin napapalibotan siya nin liwanag.

Daniel 2:23

Inoomaw taka asin ginagalangan, Dios nin sakuyang mga ginikanan. Ika an nagtao sako nin kosog asin kadonongan; sinimbag mo an sakong pamibi asin ipinahiling samo an isasabi sa hade.”

Joel 2:32

Alagad makakaligtas an nag-aapod sa ngaran nin Kagurangnan. Sosog sa itinaram nin Kagurangnan, ‘An iba sa Jerusalem makakadulag; an sakong pinili makakatagal.’”

Amos 3:7

Mayo pang ginibo an Kagurangnan Dios na dai ngona ipinahayag sa saiyang mga sorogoon, an mga propeta.

Mikas 7:15

Maggibo ka nin mga milagro para sa samo, “Kagurangnan, Kagurangnan siring kan ginibo mo kaidto kan iluwas mo kami sa Egipto.

Mateo 13:35

Ginibo niya ini tanganing maotob an sinabi kan propeta, “Mataram ako sainda sa paagi nin mga parabola; ipapahayag ko sainda an mga bagay na natatago poon na lalangon an kinaban.”

Mga Gibo 2:21

Dangan, an siisay man na mag-apod sa ngaran nin Kagurangnan, makakaligtas.’

1 Corinto 1:2

Para sa simbahan nin Dios sa Corinto, sa gabos na kinonsagra ki Cristo Jesus, inapod na magin banal kaiba kan gabos na tawo saen man na lugar na nagsasamba sa satong Kagurangnan na Jesu-Cristo, an Kagurangnan ninda asin Kagurangnan man nyato:

Efeso 3:20

Sa Dios, na sa paagi kan saiyang kapangyarihan na naghahade sato nakakagibo kan gabos na bagay labi pa sa satong hinahagad o iniisip,

Deuteronomio 4:29

Hihidawon nindo duman an Kagurangnan na saindong Dios, asin kun hahanapon nindo siya sa bilog nindong puso, makukua nindo siya.

Deuteronomio 4:7

“Arin na mapangyaring nasyon an igwa nin dios na harani saiya, arog sa Kagurangnan na satong Dios, na harani nin marahay sa sato, kun minaapod kita saiya?

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.