Jeremias 33:24 - Marahay na Bareta Biblia

²⁴ “Dai mo namamasdan na nagsasabi an mga tawo na isinikwal ko an Israel saka Juda, an duwang pamilya na pinili ko? Kaya pinag-oolog-olog ninda an sakong banwaan asin dai na ninda ini ibinilang na sarong nasyon.

Jeremias 33:24 ပူးပေါင်းရင်းမြစ်များ

Salmo 71:11

Olay ninda, “Pinabayaan siya nin Dios; lamagon ta siya asin dakopon, huli ta mayo nin maligtas saiya.”

Salmo 83:4

Olay ninda, “Madya, puhoon ta an saindang nasyon, tanganing an Israel dai na nanggad giromdomon.”

Salmo 83:5

Nagkakaoroyon sinda sa saindang plano; naggigibo nin tipan tumang saimo;

Salmo 94:14

Dai pababayaan nin Kagurangnan an saiyang banwaan; an sadiri niyang pamana dai niya tatalikodan.

Isaias 11:13

Dai na pag-iimonan kan kahadean nin Israel an Juda, asin dai na magigin kaiwal nin Israel an Juda.

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Jeremias 3:7

Paghona ko, mabalik siya sako pakatapos na gibohon niya iyan. Alagad dai siya nagbalik, asin nahiling ini kan saiyang bakong maimbod na tugang, an Juda.

Jeremias 3:8

Nahiling man kan Juda na sinuhayan ko saka pinahale an Israel huli kan saiyang pagigin bakong maimbod saka pagigin maraot. Alagad dai natakot an Juda, an bakong maimbod na tugang kan Israel. Siya man nagin maraot na babae.

Jeremias 30:17

Itatao ko giraray saindo an marahay na hawak; bobolongon ko an mga lugad nindo maski nagsasabi an mga kaiwal nindo, ‘Isinikwal an Sion; mayo nin siisay man na nagmamakulog saiya!’ Ako, an Kagurangnan, an nagtaram.”

Jeremias 31:36

Nanunuga siya na sagkod na nagdadanay an siring na orden, magdadanay man an Israel bilang sarong nasyon.

Jeremias 31:37

Kun masukol na an kalangitan saka masiyasat an pundasyon kan daga, dangan pa sana niya isisikwal an banwaan nin Israel, huli kan gabos nindang ginibo. An Kagurangnan an nagtaram.

Jeremias 33:23

Tinaraman ako nin Kagurangnan,

Jeremias 33:26

Siring na ginibo ko nanggad ini, siring man papadanayon ko an sakong tipan sa mga kapagarakian ni Jacob asin ni David na sakong sorogoon. Pipilion ko an saro sa mga kapagarakian ni David tanganing paghadean an mga kapagarakian ni Abraham, Isaac, asin ni Jacob. Maheherakan ko an sakong banwaan saka papauswagon ko giraray sinda.”

Jeremias 51:5

Huli ta an saindang daga pano nin kasalan tumang sako, an Banal nin Israel, alagad ako, an Kagurangnan nin mga hukbo, dai nagpabaya sa Israel saka sa Juda.

Mga Panambitan 4:15

Nagkurahaw an mga tawo, “Humarayo kamo, mga maati! Dai nindo kami pagdutaan!” Kaya naglagalag sinda sa mga nasyon, mayo nin minaako sa sainda.

Ezekiel 25:3

Sabihan mo sinda na maghinanyog kan itinataram ko, an Kagurangnan Dios: Huli ta nag-ogma kamo kan mahiling nindong nadigtaan an sakong Templo, kan maraot an daga nin Israel, asin kan itinapok an banwaan nin Juda,

Ezekiel 26:2

“Aki nin tawo, nagtaram an Tiro manongod sa Jerusalem nin, ‘Rumpag na an Jerusalem! Mayo na an saiyang kosog sa negosyo! Mayo na kitang karibal!’

Ezekiel 36:2

Ini an tataramon ko sainda, ako an Kagurangnan Dios: An mga kaiwal nin Israel may kapasloan na nagsabi, ‘Ngunyan samuya na ining suanoy na kabubuldan!’

Ezekiel 36:20

Saen man sinda nagduman, dinarahan ninda nin kasosopgan an banal kong ngaran kan magsabi an mga banwaan manongod sainda, ‘Ini an banwaan nin Kagurangnan, alagad kaipuhan maghale sinda sa saiyang daga.’

Ezekiel 37:11

Nagtaram sako an Dios, “Aki nin tawo, arog sa mga tolang na ini an banwaan nin Israel. Nagsasabi sindang alang na sinda asin mayo na nin paglaom para sa maabot na panahon.

Ezekiel 37:22

Sasaroon ko sinda bilang saro sanang nasyon sa daga, sa kabukidan nin Israel. Magkakaigwa sinda nin saro sanang hade na mamamayo sainda, asin dai na sinda mababanga sa duwang nasyon o sa duwang kahadean.