Jeremias 33:17 - Marahay na Bareta Biblia

¹⁷ Ako, an Kagurangnan, nanunuga na danay na magkakaigwa nin kapagarakian ni David na maghahade sa Israel,

Jeremias 33:17 ပူးပေါင်းရင်းမြစ်များ

2 Samuel 3:29

Humugpa logod an padusa ki Joab asin sa bilog niyang pamilya! Sa lambang henerasyon nin saiyang pamilya, magkaigwa logod nin may helang na turo o daot o magkaigwa nin bakla o magadan sa ralaban o mayong kinakakan!”

2 Samuel 7:12

Kun ika magadan dangan ilubong sa kaibahan kan saimong mga ginikanan, gigibohon kong hade an saro kan saimong mga aking lalaki asin papakosogon ko an saiyang kahadean.

2 Samuel 7:13

Siya an matugdok nin Templo para sako, asin gigibohon kong magdanay an saiyang trono sagkod pa man.

1 Mga Hade 2:4

Kun kukuyogon mo siya, ootobon nin Kagurangnan an panugang ginibo niya sako: ‘Kun magigin maimbod sako an saimong kapagarakian dangan kun ootobon ninda an sakong mga pagboot sa bilog nindang puso asin kalag, dai ka mahahalean nin kasalihid sa trono nin Israel.’

1 Mga Hade 8:25

Kaya ngunyan, O Kagurangnan, Dios nin Israel, otobon mo an ibang panuga na ginibo mo sa sakong ama kan taraman mo siya na danay na magkakaigwa siya nin kapagarakian na maghahade sa Israel, kun magkuyog sinda saimo siring kan ginibo niya.

2 Mga Hade 11:2

Si Joas na aking lalaki ni Ahazias iyo sana an dai nagadan. Gagadanon na sana siya kaiba kan iba, alagad hilom na ilinigtas siya kan tiya niyang si Jehosheba, na aki ni Hadeng Jehoram asin tugang sa ama ni Ahazias. Si Joas saka an paraaling niya itinago ni Jehosheba sa sarong kwartong torogan sa Templo, kaya an aki nakaligtas sa kagadanan sa kamot ni Atalia.

1 Mga Cronica 17:27

Nakikimaherak ako na bendisyonan mo an sakong kapagarakian tanganing magdanay sinda sagkod pa man sa saimong atubangan; huli ta an saimong bendisyon, O Kagurangnan, bendisyon sagkod lamang.”

Salmo 132:12

Kun otobon kan mga aki mo an sakuyang tipan, asin an mga pagboot na itatao ko sainda, an saindang mga aki matukaw man sa saimong trono sagkod pa man.”

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Jeremias 17:25

Dangan malaog sa mga trangkahan nin Jerusalem an saindang mga hade saka mga prinsipe na igwa nin kapangyarihan na pareho kan ki David. Kaiba kan mga taga Juda saka mga taga Jerusalem malunad sinda sa mga karwahe saka sa mga kabayo, asin an syudad nin Jerusalem magdadanay na pano nin tawo.

Jeremias 35:19

Kaya ako, an Kagurangnan nin mga hukbo, an Dios nin Israel, nanunuga na si Jonadab na aking lalaki ni Recab danay na magkakaigwa nin sarong lalaking kapagarakian na maglilingkod sako.”