Jeremias 33:12 - Marahay na Bareta Biblia

¹² Nagtaram an Kagurangnan nin mga hukbo, “Sa dagang ini, na garo desyerto saka mayo nin nag-eerok na tawo o hayop, magkakaigwa giraray nin mga pasabsaban na pagdadarahan kan mga pastor kan saindang mga karnero.

Jeremias 33:12 ပူးပေါင်းရင်းမြစ်များ

Awit nin mga Awit 1:7

Sabihi ako, sakong namomotan, saen na pasabsaban mo dadarahon an saimong mga hayop? Saen mo sinda papahingaloon sa kainitan nin aldaw? Tadaw ta kaipuhan hanapon taka sa kaibahan kan ibang pastor sa tahaw kan mga hayop?

Isaias 65:10

Sasambahon ninda ako asin papangenotan ko an saindang mga hayop tanganing manabsab sa Kapatagan nin Sharon sa solnopan asin sa Kapantayan nin Acor sa sirangan.

Jeremias 17:26

Maabot an mga tawo hale sa mga banwa nin Juda asin sa mga baryo sa palibot nin Jerusalem; maabot man an mga tawo hale sa teritoryo nin Benjamin, hale sa mga poon kan bulod, hale sa mga bukid, asin hale sa habagat na parte kan Juda. Madara sinda sa sakong templo nin mga tinutong na atang asin mga sakripisyo, mga dolot na pagkakan saka insenso, patin mga dolot nin pasasalamat.

Jeremias 31:12

Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Jeremias 31:24

An mga tawo mag-eerok sa Juda asin sa gabos niyang banwa, siring man an mga paraoma asin an mga pastor kaiba an saindang mga karnero.

Jeremias 32:15

Nagtaram an Kagurangnan nin mga hukbo, an Dios nin Israel, na magkakaigwa giraray nin pagbabarakalan nin mga harong, oma, asin ubasan sa dagang ini.”

Jeremias 36:29

Pinagbotan ako nin Kagurangnan na taraman an hade nin siring, “Sinulo mo an kasuratan, asin hinapot mo si Jeremias kun tadaw ta sinurat niya na maabot an hade nin Babilonia, raraoton an dagang ini, asin gagadanon an mga tawo saka hayop.

Jeremias 50:6

“An sakong banwaan garo mga karnerong nawawara huli ta pinabayaan sinda kan saindang mga pastor. Arog sa mga karnero, naglagalag sinda hale sa sarong bukid pasiring sa saro pang bulod, asin nalingawan na ninda an saindang toril.

Jeremias 51:62

Dangan mamibi ka, ‘Kagurangnan, sinabi mo na raraoton mo an lugar na ini, tanganing mayo na nin mag-erok digdi, tawo man o hayop, dangan magin sarong desyerto ini sagkod lamang.’

Ezekiel 36:35

Dangan mataram sinda, ‘An dagang ini na alang kaidto arog na ngunyan sa tatamnan nin Eden; an mga syudad na ginaraba, sinamsaman, mamondo, pinag-eerokan na ngunyan asin pinapapusog.’

Hageo 1:4

“Banwaan ko, tano ta nag-eerok kamo sa marahay na pagkatugdok na mga harong mantang raot an sakong Templo?