Jeremias 32:35 - Marahay na Bareta Biblia

³⁵ Naggibo sinda nin mga altar ki Baal sa Kapantayan nin Hinnom, tanganing idolot sa dios-dios na si Molec an saindang mga aking lalaki saka babae. Dai ako nagboot ni nag-isip na ipagibo sainda an siring na bagay asin papagkasalaon an mga taga Juda.”

Jeremias 32:35 ပူးပေါင်းရင်းမြစ်များ

1 Mga Hade 11:33

Gigibohon ko ini huli ta isinikwal ako ni Solomon asin nagsamba siya sa mga dayuhan na dios: ki Astarte, an diosa nin Sidon; ki Kemos, an dios nin Moab; asin ki Molek, an dios nin Ammon. Tinalikodan ako ni Solomon; nagkasala siya asin dai niya inotob an sakong mga togon saka mga pagboot, bakong arog kan gibo kan saiyang ama na si David.

1 Mga Hade 11:7

Sa bukid sa sirangan nin Jerusalem, nagpatugdok siya nin sarong altar para ki Kemos, an makauuyam na dios nin Moab, asin para ki Molek, an nakakauuyam na dios nin Ammon.

1 Mga Hade 14:16

Papabayaan nin Kagurangnan an Israel huli ta nagkasala si Jeroboam asin pinapagkasala niya an banwaan nin Israel.”

1 Mga Hade 15:26

Siring kan ama niyang naenot saiya, nagkasala man siya tumang sa Kagurangnan asin pinapagkasala niya an Israel.

1 Mga Hade 15:30

Nangyari ini huli ta pinaanggot ni Jeroboam an Kagurangnan, an Dios nin Israel, huli sa mga kasalan niya asin kan kasalan na ipinagibo niya sa Israel.

1 Mga Hade 16:19

Nangyari ini huli kan saiyang mga kasalan sa Kagurangnan. Arog ki Jeroboam, pinaanggot niya an Kagurangnan huli kan sadiri niyang mga kasalan asin huli ta pinapagkasala niya an Israel.

1 Mga Hade 21:22

An saimong pamilya magigin arog sa pamilya ni Jeroboam na aking lalaki ni Nebat, asin arog sa pamilya ni Baasa na aking lalaki ni Ahias, huli ta pinaanggot mo ako saka pinapagkasala mo an Israel!’

2 Mga Hade 21:11

“Ginibo ni Manases na hade nin Juda an makauuyam na mga bagay na ini, mga bagay na mas maraot ki sa mga ginibo kan mga Cananeo; asin huli kan saiyang mga dios-dios pinapagkasala niya an banwaan nin Juda.

2 Mga Hade 21:4

Naggibo siya nin paganong mga altar sa laog kan Templo, an lugar na sinabi nin Kagurangnan na dapat pagsambahan saiya.

2 Mga Hade 23:10

Binasang-basang ni Hadeng Josias an Tofet, an paganong lugar na pagsasambahan sa Kapantayan nin Hinnom, tanganing mayo na nin magsakripisyo kan saindang aking lalaki o aking babae bilang dolot ki Molek.

2 Mga Hade 23:15

Ipinagaba man niya an lugar na pagsasambahan sa Betel na ginibo ni Hadeng Jeroboam na aking lalaki ni Nebat, na nagpakasala sa Israel. Ipinarumpag niya an altar, ipinapedaso an mga gapo kaini saka ipinabayo nin pino; ipinasulo man niya an ladawan ni Asera.

2 Mga Hade 3:3

Alagad, siring ki Hadeng Jeroboam na aking lalaki ni Nebat, pinapagkasala niya an Israel asin habo niyang mag-ontok sa pagkakasala.

2 Mga Cronica 33:6

Isinakripisyo niya an saiyang mga aking lalaki bilang mga tinutong na atang duman sa Kapantayan nin Hinnom. Naghula siya, nagsalamangka asin nangkulam. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

2 Mga Cronica 33:9

Dinagka ni Manases na magkasala an mga banwaan nin Juda saka nin Jerusalem, kaya nagin mas makuri an kasalan na ginibo ninda ki sa kasalan kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Cronica 36:14

An mga lider nin Juda, an mga padi asin an bilog na banwaan dai man nagin maimbod sa Kagurangnan, kundi nagsunod sa makauuyam na mga gawe kan ibang mga nasyon, kaya nadigtaan ninda an Templo na an Kagurangnan mismo an nagpabanal.

Exodo 32:21

Sinabihan ni Moises si Aaron, “Ano an ginibo saimo kan mga tawong ini ta tinugotan mo sindang magkasala?”

Isaias 57:5

Sinasamba nindo an mga dios-dios huli sa pakikidorog sa tangod kan sagrado nindong mga kahoy. Idinodolot nindo an saindong mga aki bilang sakripisyo sa mga magapong lungib na harani sa mga sapa.

Jeremias 19:2

dangan ipag-iba sinda sa Kapantayan nin Hinnom, pakaluwas sa Trangkahan kan Paragibo nin Koron. Ipapahayag ko duman an mensahe na itatao niya sako.

Jeremias 30:14

Liningawan na kamo kan saindong ilusyon; dai na sinda nagmamakulog saindo. Huli ta tinawan ko kamo kan hampak nin sarong kaiwal, kan padusa nin sarong mayong herak na kalaban, huli ta dakula an saindong karatan asin kadakul kan saindong kasalan.

Jeremias 44:4

Padagos kong sinugo saindo an mga propeta na sakong mga sorogoon. Sinabihan ninda kamo na dai nindo paggibohon an makauuyam na bagay na ini na ikinakaongis ko.

Jeremias 7:30

“Guminibo nin karatan an mga taga Juda. An mga ladawan na kinakaongisan ko ibinugtak ninda sa sakong Templo asin dinigtaan ninda ini.

Jeremias 7:31

Sa Kapantayan nin Hinnom guminibo sinda nin altar na inapod Tofet, tanganing tutongon duman an saindang mga aking lalaki asin mga aking babae bilang sakripisyo. Dai ko ipinagboot sainda na gibohon ini—dai ngani ini naglaog sa sakong isip.

Ezekiel 23:37

Nakidorog sinda sa bako nindang agom asin nanggadan—nakidorog sa mga dios-dios asin ginagadan an mga aki ko sainda. Isinakripisyo ninda an saindang mga aking lalaki sa mga dios-dios.

Levitico 18:21

Dai nindo ipagtao an arin man sa saindong mga aki tanganing tutongon para sa dios na si Molec, huli ta dadarahan nindo nin kasosopgan an ngaran kan saindong Dios, an Kagurangnan.

Mga Gibo 7:43

Pinagburuligan nindo an tolda kan dios-dios na si Moloc, asin an bitoon kan dios-dios nindong si Refan; mga ladawan na ginibo nindo tanganing sambahon. Kaya itatapok ko kamo sa ibong kan Babilonia.’

Deuteronomio 12:31

Dai nindo pagsambahon an Kagurangnan na saindong Dios siring kan pagsamba ninda sa saindang mga dios-dios, huli ta sa saindang pagsamba, minagibo sinda nin mangirhat na mga bagay na ikinakaongis nin Kagurangnan. Maski an saindang mga aki tinututong ninda sa saindang mga altar.

Deuteronomio 18:10

Dai nindo pagtutongon sa altar an saindong mga aki bilang atang; dai nindo pagtugotan an siisay man na Israelita na maghula, maghimalad, magtood-tood o mangkulam,

Deuteronomio 24:4

ibibilang nang maati an babae; dai na siya pwedeng agomon giraray kan enot niyang agom. Ikakaongis nin Kagurangnan kun agomon niya giraray an babae. Dai nindo paggibohon an siring na karatan sa daga na itatao saindo nin Kagurangnan na saindong Dios.