Jeremias 32:24 - Marahay na Bareta Biblia

²⁴ “An mga taga Babilonia nagtambak na nin daga sa palibot kan syudad tanganing masakop ini, asin nagsasalakay na sinda. An syudad mahuhulog sa saindang kamot huli kan gera, gutom, asin peste. Nagkakatotoo na an gabos mong itinaram.

Jeremias 32:24 ပူးပေါင်းရင်းမြစ်များ

2 Samuel 20:15

Naaraman kan mga tawohan ni Joab na yaon si Sheba duman, kaya nagduman sinda asin pinalibotan ninda an syudad. Nagtambak sinda nin daga sa luwas kan kudal asin nagpoon na magkalot sa tangod kan kudal tanganing mapukan ini.

Isaias 37:33

“Iyo ini an sinabi kan Kagurangnan dapit sa emperador nin Asiria: ‘Dai siya makakalaog sa syudad na ini, ni makakapalayog nin bosog tumang digdi. Mayong soldados na may kalasag na makakarani sa syudad, ni makakatugdok nin sakatan sa palibot kaini.

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 20:5

Papabayaan kong masamsam kan mga kaiwal ninda an gabos na kayamanan kan syudad na ini asin masadiri an gabos na rogaring ninda, maski na an mga kayamanan kan mga hade nin Juda. An gabos na bagay dadarahon ninda sa Babilonia.

Jeremias 24:10

Mapadara ako sainda nin gera, gutom, saka peste sagkod na mayo na nin matada sainda sa daga na itinao ko sainda asin sa saindang mga ginikanan.”

Jeremias 29:17

An Kagurangnan nin mga hukbo nagsasabi, ‘Papadarahan ko sinda nin gera, gutom, asin peste; iaarog ko sinda sa ralapang higera na dai na pwedeng kakanon.

Jeremias 29:18

Lalamagon ko sinda sa paagi nin gera, gutom, saka peste, asin an gabos na nasyon sa kinaban magkakatirikbahan dangan magkakatarakot sa mangyayari sainda. Sa gabos na nasyon na pagwawarakan ko sainda, pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 32:25

Alagad ika an nagsugo sako, o Kagurangnan Dios, na bakalon an oma sa atubangan kan mga saksi, maski an syudad na ini nakatalaan nang sakopon kan mga taga Babilonia.”

Jeremias 32:28

Itatao ko an syudad na ini ki Hadeng Nebukadnezzar nin Babilonia saka sa saiyang hukbo; sasakopon ninda ini

Jeremias 32:3

Ibinilanggo ako duman ni Hadeng Zedekias huli kan pagpahayag ko na an Kagurangnan nagtaram nin siring, “Ipapasakop ko an syudad na ini sa hade nin Babilonia

Jeremias 32:36

Nagtaram sako an Kagurangnan, an Dios nin Israel, “Jeremias, sinasabi kan mga tawo na an syudad na ini mahuhulog sa kamot kan hade nin Babilonia huli sa gera, gutom, asin peste. Hinanyoga ngunyan an iba pang sasabihon ko.

Jeremias 32:5

Dadarahon si Zedekias sa Babilonia saka magdadanay duman sagkod na magiromdoman ko siya. Maski pa labanan niya an mga taga Babilonia, dai siya manggagana. Ako, an Kagurangnan, an nagtaram.”

Jeremias 33:4

Ako, an Kagurangnan, an Dios nin Israel, nagsasabi na magagaba an mga harong sa Jerusalem saka an palasyo sa Juda bilang bunga kan pagpalibot saka pagsalakay kan mga kaiwal.

Jeremias 34:17

Kaya ako, an Kagurangnan, nagsasabi na nagsuway kamo sako; dai nindo itinao sa kapwa nindo Israelita an saindang katalingkasan. Huli kaini, itatao ko saindo an katalingkasan: an katalingkasan na magadan sa gera, peste, asin gutom. Gigibohon ko kamong sarong katakotan sa gabos na nasyon sa kinaban.

Jeremias 52:4

kaya nag-abot si Nebukadnezzar kaiba an bilog niyang hukbo dangan sinalakay an Jerusalem kan ikasampolong aldaw kan ikasampolong bulan kan ikasiyam na taon kan paghahade ni Zedekias. Nagkampo sinda sa luwas kan syudad, nagtugdok nin panlaom na mga kudal sa palibot kaiyan,

Jeremias 52:6

Kan ikasiyam na aldaw kan ikaapat na bulan kan taon na idto, kan makuri na an gutom sa syudad, mala ta mayo na nin nakakakan an mga tawo,

Jeremias 6:6

Pinagbotan kan Kagurangnan nin mga hukbo an mga hadeng ini na magpalod nin mga kahoy saka magtambak nin mga daga tanganing malaom ninda an Jerusalem. Nagtaram siya, “Papadusahan ko an Jerusalem huli ta syudad ini nin pang-aapi.

Ezekiel 14:21

Ini an tataramon nin Kagurangnan Dios: “Mapadara ako nin apat na mangirhat na padusa sa Jerusalem—gera, makuring gutom, lalaw na mga hayop, asin peste—tanganing gadanon an mga tawo saka mga hayop.

Ezekiel 21:22

Sa too niyang kamot yaon an bosog na may ngaran ‘Jerusalem’! Sinasabihan siya kaini na magbugtak nin mga trosong panrumpag nin trangkahan, magtambak nin daga asin magkalot nin mga trinsera.

Ezekiel 21:27

Pagkarumpag, pagkarumpag! Iyo, ipaparumpag ko an syudad. Alagad dai ini mangyayari sagkod na dumatong an saro na pinili ko na igwa nin deretso sa pagpadusa sa syudad. Sa saiya itatao ko an deretsong ini.

Ezekiel 26:8

Magagadan sa espada an gabos na nag-eerok sa pinakadakulang kabtang na daga kan nasyon. An mga kaiwal makalot nin mga trinsera, matambak nin daga sa palibot, asin magibo nin sarong kudal nin mga kalasag laban saimo.

Ezekiel 4:2

Dangan, bilang pagladawan nin sarong pagsalakay, bugtakan mo nin mga trinsera asin tambakan mo nin daga an palibot kaiyan. Magpatindog ka nin mga kampo sa palibot kaiyan asin bugtakan mo nin mga trosong panrumpag nin kudal an palibot kaiyan.

Habakkuk 1:10

Tinutuyatuya ninda an mga hade asin sinusubahan sana ninda an haralangkaw na opisyal. Pinagngingisihan sana ninda an mga bantayan huli ta tinatambakan ninda iyan nin daga dangan sinasakop iyan.

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Mateo 24:35

Mapapara an langit asin an daga, alagad an sakong mga tataramon dai nanggad mapapara.

Deuteronomio 4:26

Saksi ko an langit asin an daga laban saindo ngunyan na aldaw, na kun suhayon nindo ako, mapapara kamo sa daga. Dai maghahalawig an saindong buhay sa ibong kan Jordan, sa daga na saindong sasakopon. Magagadan kamo gabos.