Jeremias 32:23 - Marahay na Bareta Biblia

²³ Alagad kan mag-abot sinda asin masakop an dagang ini, dai ninda kinuyog an mga pagboot mo, ni namuhay sosog sa saimong katukdoan. Dai ninda ginibo an arin man sa mga pagboot mo, kaya pinadarahan mo sinda kan gabos na kasakitan na ini.

Jeremias 32:23 ပူးပေါင်းရင်းမြစ်များ

Esdras 9:7

Poon pa kan aldaw kan samong mga ginikanan sagkod ngunyan, kami, na saimong banwaan, nagkasala na nin makuri. Huli kan samong mga kasalan, kami, an samong mga hade, asin mga padi nahulog sa kamot kan mga dayuhan na hade, ginadan, binihag asin sinamsaman. Napasopog kami sagkod ngunyan.

Nehemias 9:15

“Kan sinda nagutom, tinawan mo sinda nin tinapay hale sa langit, asin nin tubig hale sa sarong gapo kan sinda napaha. Sinabihan mo sinda na sakopon an daga na pinanuga mong itatao sainda.

Salmo 78:10

Dai ninda inotob an saindang tipan sa Dios; dai sinda naglakaw sa dalan nin saiyang mga togon.

Jeremias 2:7

Dinara ko sinda sa sarong matubang na daga, tanganing magpakabasog sinda sa mga bunga asin sa iba pang marahay na mga bagay na makukua duman. Alagad paglaog ninda, rinaot ninda an sakong daga; dinigtaan ninda an dagang itinao ko sainda.

Jeremias 26:4

Tinaraman ako nin Kagurangnan na isabi sa mga tawo an siring, “Ako, an Kagurangnan, nagtaram na dapat kamong magkuyog sako sa paagi nin pag-otob kan katukdoan na itinao ko saindo,

Jeremias 44:10

Alagad sagkod ngunyan dai kamo nagpapakumbaba. Dai kamo nag-omaw sako ni namuhay sosog sa gabos na katogonan na itinao ko saindo asin sagkod sa saindong mga ginikanan.

Jeremias 7:26

Alagad mayo nin nagdangog ni nagpahalaga kan sakong tataramon. Orog na nagin matagas an saindang payo asin mas rebelde pa kamo ki sa saindong mga ginikanan.

Mga Panambitan 1:18

“Alagad tama an Kagurangnan, huli ta dai ko siya kinuyog. Dangoga nindo ako, kamo gabos na banwaan, asin hilinga an sakong kasakitan; an gabos kong mga hoben na lalaki asin babae napaduman sa pagkabihag.

Mga Panambitan 1:8

An Jerusalem nagkasala nin makuri, kaya siya nagin maati. Ikinakauyam siya ngunyan kan gabos na dating nag-omaw saiya, huli ta nahiling ninda an saiyang pagkanihuba; nag-aagrangay siya asin nagtatahob kan saiyang lalawogon.

Ezekiel 20:18

Embes kaiyan, pinatanidan ko an saindang kaakian: Dai kamo magsunod sa mga katogonan kan saindong mga ginikanan; dai nindo pag-arogon an saindang mga kaugalean, ni pagdigtaan an saindong sadiri, huli kan saindang mga dios-dios.

Ezekiel 20:21

“Alagad an henerasyon na idto nagtumang man sako. Dai sinda naglakaw sosog sa sakong mga pagboot asin sinuhay ninda an sakong mga togon, na nagdadara nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Ezekiel 20:8

Alagad nagtumang sinda sako asin dai ninda ako dinangog. Dai ninda itinapok an makauuyam na mga bagay na namotan ninda, asin dai ninda binayaan an mga dios-dios nin Egipto. Andam na kuta akong iula sainda an labi-labi kong kaanggotan duman sa Egipto.

Lukas 17:10

Arog man kamo kaiyan; kun nagibo na nindo an ipinapagibo saindo magsabi kamo, ‘Mga sorogoon sana kami; ginibo mi sana an samong katongdan!’”

Juan 15:14

Mga katood ko kamo kun gibohon nindo an mga ipinagboboot ko saindo.

Galacia 3:10

An mga nagsasarig sa pagkuyog kan Katogonan nasa pag-alaman nin maldisyon. Huli ta nasusurat, “An siisay man na dai naggigibo kan gabos na nasusurat sa libro kan Katogonan nasa pag-alaman nin maldisyon!”

Santiago 2:10

An siisay man na naglalapas kan saro sanang pagboot, naglalapas kan gabos na togon.

Josue 21:43

Itinao nin Kagurangnan sa Israel an gabos na dagang ipinanuga niya na itatao sa saindang mga ginikanan. Kaya kan masakop ninda ini, duman na sinda nag-erok.

Josue 23:16

Kun dai kamo magkuyog kan tipan na ipinagboot nin Kagurangnan na saindong Dios na sunodon nindo, saka kun maglingkod kamo dangan magsamba sa ibang mga dios, malaad saindo an kaanggotan nin Kagurangnan asin tolos na magagadan kamo, sagkod na mayo nang matada saindo digdi sa marahay na dagang itinao niya saindo.”