Jeremias 32:18 - Marahay na Bareta Biblia

¹⁸ Nagpahiling ka nin danay na pagkamoot sa rinibong tawo, alagad pinadusahan mo an mga aki huli kan kasalan kan saindang mga magurang. O dakula asin mapangyaring Dios, na an ngaran Kagurangnan nin mga hukbo,

Jeremias 32:18 ပူးပေါင်းရင်းမြစ်များ

Genesis 49:24

Alagad nagin masarig an saiyang pana; Pinakosog an saiyang braso Kan kapangyarihan kan Makakamhan na Dios ni Jacob, Kan Pastor, an Gapo nin Israel.

2 Mga Hade 9:26

‘Nahiling ko kasuodma an paggadana ki Nabot asin sa saiyang mga aking lalaki. Nanunuga ako na papadusahan taka digdi sa lugar na ini.’ Kaya buhaton mo an saiyang bangkay asin itapok mo sa daga ni Nabot, tanganing maotob an tataramon nin Kagurangnan.”

Nehemias 1:5

“O Kagurangnan, Dios nin langit, dakula saka ginagalangan na Dios na maimbod na nag-ootob kan tipan asin danay na namomoot sa mga namomoot saimo saka nagkukuyog kan saimong mga togon;

Salmo 50:1

An Makakamhan na Dios, an Kagurangnan, nagtataram; inaapod niya an bilog na daga magpoon sa sirangan sagkod sa solnopan.

Salmo 89:9

Nasasakopan mo an kosog kan dagat; pinapatoninong mo an anggot kaining mga alon.

Exodo 34:6

Nag-agi an Kagurangnan sa atubangan niya asin nagtaram, “Ako, an Kagurangnan, iyo an Dios na maugayon asin maheherakon, an dai tolos naaanggot asin ipinapahiling ko an danay kong pagkamoot saka pagkamaimbod.

Exodo 34:7

Inootob ko an sakong panuga sa ribo-ribong henerasyon asin pinapatawad ko an karatan saka an kasalan; alagad sakuyang papadusahan an mga aki saka mga makoapo sagkod sa ikatolo asin sa ikaapat na henerasyon huli sa mga kasalan kan saindang mga magurang.”

Isaias 10:21

An kadikit na matatada kan mga taga Israel mabalik sa saindang makakamhan na Dios.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Jeremias 10:16

Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Jeremias 10:6

Kagurangnan, mayo nin makakaarog saimo; mapangyari ka, dakula saka mapangyari an saimong ngaran.

Jeremias 20:11

Alagad ika, Kagurangnan, kasurog taka; makosog ka saka mapangyari; an mga naglalamag sako magkakadarapa. Mawawaran sinda nin onra sagkod lamang huli ta dai sinda manggagana. An pagkawara kan saindang onra dai nanggad malilingawan.

Jeremias 31:35

An Kagurangnan iyo an nagtatao kan aldaw, bilang ilaw kun aldaw, an bulan asin an mga bitoon tanganing maliwanag kun banggi. Pinapahiro niya an dagat kaya naghahagubohob an mga alon; Kagurangnan nin mga hukbo an saiyang ngaran.

Jeremias 33:2

Tinaraman ako kan Kagurangnan, na naglalang kan daga saka nagporma kaiyan, asin nagbugtak kaiyan sa tamang lugar. Siya, na Kagurangnan an ngaran, nagtaram,

Jeremias 50:34

Alagad makosog an saindang Paratubos; an ngaran niya iyo an Kagurangnan nin mga hukbo. Siya an nakikilaban para sainda, asin mapadara siya nin katoninongan sa daga, alagad kahorasaan sa mga taga Babilonia.”

Daniel 2:45

Nahiling mo kun paanong nagpoon magligid an sarong gapo hale sa ampas maski mayo nin siisay man na nagduta kaiyan, asin kun paano tinamaan kaiyan an estatwa na gibo sa lansang, bronse, laboy, plata, saka bulawan. Mahal na Hade, sinasabihan ka kan dakulang Dios kun ano an mangyayari sa maabot na panahon. Sinasabihan taka kan bilog mong pangatorogan, asin itinao ko saimo an totoong kahulogan kaiyan.”

Habakkuk 1:12

Kagurangnan, poon sa kapinonan ika an Dios. Ika an sakong banal, na Dios asin mayo kang kapinonan saka kataposan. Kagurangnan, sakong Dios saka parasurog, pinili mo an mga taga Babilonia dangan pinakosog tanganing mapadusahan ninda kami.

Mga Bilang 14:18

‘Ako, an Kagurangnan, dai tolos naaanggot saka dakula sa pagkamoot, nagpapatawad kan kasalan patin kasombikalan. Alagad papadusahan ko an mga aki asin makoapo sagkod sa ikatolo patin ikaapat na henerasyon huli kan mga kasalan kan saindang mga magurang.’

Mateo 27:25

An gabos na tawo nagsimbag, “Kargo mi asin kan mga aki mi an saiyang kagadanan!”

Lukas 6:38

Magtao kamo asin tatawan man kamo nin Dios; tamang takad, dasok, yinogyog asin nagsusupay an itatao saindo. Kun ano an sukol na ginamit nindo, iyo man an gagamiton saindo nin Dios.”

Deuteronomio 10:17

Huli ta an Kagurangnan na saindong Dios iyo an Dios nin mga dios, an Kagurangnan nin mga kagurangnan, an dakula, an makakamhan asin maninigong katakotan na Dios. Dai siya nin inaapilan asin dai siya nag-aako nin mga suhol.

Deuteronomio 7:21

Kaya dai kamo matakot sainda. Kaiba nindo an Kagurangnan na saindong Dios; dakula siya asin dapat katakotan.