Jeremias 32:10 - Marahay na Bareta Biblia

¹⁰ Pinirmahan ko an kasuratan nin kabaklan saka sinelyohan; nagkua ako nin mga saksi asin an kwarta tinimbang ko.

Jeremias 32:10 ပူးပေါင်းရင်းမြစ်များ

Genesis 23:16

Nag-oyon si Abraham kaya tinimbang niya an halagang sinambit ni Efron sa atubang kan mga tawo—kwatro syentos na pedasong plata, sosog sa kinaugalean na timbang na ginagamit kan mga negosyante.

Genesis 23:20

Kaya an oma na dating pagsadiri kan mga Heteo asin an lungib duman nagin pagsadiri ni Abraham asin ginibo niya ining lulubngan.

An Libro ni Job 14:17

Papatawadon mo iyan dangan hahaleon; gabos kong ginibong karatan, saimong paparaon.

Awit nin mga Awit 8:6

Giboha akong sarong tanda sa saimong puso, sarong tanda sa saimong braso; huli ta an pagkamoot siring kakosog sa kagadanan, an pag-imon makuri siring sa lulubngan. An mga kikilat kaiyan gabos kikilat nin kalayo, sarong nagkakarabang kalayo.

Isaias 30:8

Tinaraman ako nin Dios na isurat sa sarong libro kun ano an kabaing kan banwaan, tanganing magkaigwa nin danay na talaan kun gurano sinda karaot.

Isaias 44:5

“Saro-sarong masabi an mga tawo, ‘Sadiri ako kan Kagurangnan.’ Madatong sinda nganing mag-apil sa banwaan nin Israel. Mamarkahan kan lambang saro an saiyang takyag kan ngaran nin Kagurangnan dangan aapodon niya an saiyang sadiri na kaayon sa banwaan nin Dios.”

Jeremias 32:12

saka itinao ko ki Baruc, na aking lalaki ni Nerias saka makoapo ni Maseias. Itinao ko saiya an mga kopya sa atubangan ni Hanamel, sa atubangan kan mga saksi na nagpirma kan kasuratan, asin kan mga Judio na nagtuturukaw sa patyo.

Jeremias 32:25

Alagad ika an nagsugo sako, o Kagurangnan Dios, na bakalon an oma sa atubangan kan mga saksi, maski an syudad na ini nakatalaan nang sakopon kan mga taga Babilonia.”

Jeremias 32:44

Babakalon iyan kan mga tawo, asin sa atubangan nin mga saksi, pipirmahan saka seselyohan an kasuratan nin pagpabakal. Mangyayari ini sa teritoryo ni Benjamin, sa mga baryo sa palibot kan Jerusalem, sa mga banwa nin Juda, sa mga banwa sa mabulod na daga, sa pamitisan kan mga bulod, asin sa parteng habagat nin Juda. An mga tawo ibabalik ko sa saindang daga. Ako, an Kagurangnan, an nagtaram.”

Daniel 8:26

Mangyayari an bisyon na ini dapit sa pangbanggi asin pang-agang atang na ipinaliwanag saimo. Alagad hilomon mo ngona ngunyan, huli ta haloy pang panahon bago mangyari iyan.”

Mateo 27:66

Kaya nagduman sinda sa lulubngan, kinandadohan an gapong pantakop saka pinabantayan.

Juan 3:33

An minaako kan saiyang patotoo minapahayag na totoo an sinasabi nin Dios.

Juan 6:27

Dai kamo magpagal para sa kakanon na nalalapa, kundi para sa kakanon na nagdadanay sagkod sa buhay na daing kataposan, na itatao saindo kan Aki nin Tawo; huli ta sa saiya ibinugtak kan Dios Ama an saiyang tanda.”

2 Corinto 1:22

Binugtakan niya kami kan saiyang tanda asin itinao niya samo an Espiritu Santo sa samong mga puso bilang garantiya.

Efeso 1:13

Kamo man nagin banwaan nin Dios kan maaraman nindo an Marahay na Bareta na nagdara nin kaligtasan saindo. Nagtubod kamo ki Cristo, kaya ipinadara saindo an Espiritu Santo na ipinanuga niya bilang tanda na sadiri na kamo nin Dios.

Efeso 4:30

Dai nindo pagpamondoon an Espiritu Santo nin Dios, an tanda nin Dios sa saindo para sa Aldaw nin pagtubos.

Deuteronomio 32:34

“Dai linilingawan nin Kagurangnan an ginibo kan saindang mga kaiwal; naghahalat siya kan tamang oras tanganing sinda padusahan.

Josue 18:9

Kaya linibot ninda an bilog na daga asin isinurat kun paano an pagbanga ninda kaiyan sa pitong parte; ilinista ninda an mga banwa. Dangan nagbalik sinda ki Josue duman sa kampo sa Shilo.

Kapahayagan 7:2

Dangan nahiling ko an saro pang anghel na nag-iitaas hale sa sirangan dara an selyo kan Dios na buhay. Sa makosog na tingog inapod kan anghel na ini an apat na anghel na tinawan nin Dios kan kapangyarihan sa pagraot kan daga asin dagat.

Kapahayagan 9:4

Pinagbotan sindang dai manraot kan mga doot o kan mga kahoy o kan iba pang tinanom. An raraoton sana ninda iyo an mga tawong mayong marka kan selyo nin Dios sa saindang mga angog.

Ruth 4:1

Nagduman si Boaz sa may trangkahan kan banwa, sa lugar na pinagtitiriponan kan mga tawo, asin nagtukaw duman. Dai nahaloy, nag-agi an sinabi niyang pinakaharaning kadugo ni Elimelek. Inapod siya ni Boaz, “Katood, madya asin tukaw ngona digdi.” Kaya nagrani an inapod asin nagtukaw.