Jeremias 31:6 - Marahay na Bareta Biblia

⁶ Maabot nanggad an panahon na makurahaw an mga bantay hale sa kabubuldan nin Efraim, ‘Magtukad kita sa Sion, pasiring sa Kagurangnan na satong Dios.’”

Jeremias 31:6 ပူးပေါင်းရင်းမြစ်များ

2 Mga Cronica 13:4

An duwang hukbo naghampangan sa mabulod na banwa nin Efraim. Nagtukad si Hadeng Abias sa Bukid nin Zemaraim asin kinurahawan si Jeroboam saka an mga Israelita, “Dangoga ako nindo!

Esdras 1:5

Dangan an mga pamayo kan kamaganakan ni Juda asin ni Benjamin, an mga padi saka mga Levita, asin an lambang saro na an puso hiniro nin Dios, nag-andam sa pagbalik sa Jerusalem asin sa paghirahay kan Templo nin Kagurangnan duman.

Salmo 84:5

Paladan sinda na an kosog yaon saimo, na nasa puso an mga dalan pasiring sa Sion.

Isaias 27:13

Pag-abot kan aldaw na iyan, patatanogon an sarong trompeta tanganing apodon an gabos na Israelita hale sa Asiria saka Egipto na itinapok duman. Madatong sinda asin masamba sa Kagurangnan sa Jerusalem, sa banal niyang bulod.

Isaias 40:9

Jerusalem, sumakat ka sa sarong halangkaw na bukid asin ipahayag mo an marahay na bareta! Magkurahaw ka sa makosog na tingog, Sion; ibalangibog mo an marahay na bareta! Magtaram ka asin dai ka matakot. Sabihi an mga banwa nin Juda, “Uya na an saindong Dios!”

Isaias 62:6

Sa ibabaw nin saimong mga kudal, O Jerusalem, nagbugtak ako nin mga bantay; kaipuhan na dai nanggad sinda mag-alo banggi man o aldaw. Kaipuhan ipagiromdom ninda sa Kagurangnan an saiyang ginibong mga panuga asin dai sinda magtugot na malingawan niya an mga iyan.

Jeremias 3:14

“Bakong maimbod na banwaan, magbalik kamo huli ta ako an saindong Kagurangnan. Makua ako saindo nin saro sa lambang banwa asin duwa sa lambang kamaganakan, dangan ibabalik ko kamo sa Bukid nin Sion.

Jeremias 31:12

Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Jeremias 50:19

Ibabalik ko sa sadiri nindang daga an Israel. Kakakanon ninda an kakanon na nagtatalubo sa Bukid nin Carmelo saka sa rehiyon nin Basan. Kakakanon ninda an gabos na magustohan ninda sa mga tinanom na nagtatalubo sa mga teritoryo nin Efraim saka sa Gilead.

Jeremias 6:17

An Kagurangnan nagbugtak sa Israel nin mga bantay na saiyang tinaraman, “Dangogon nindo an tanog kan trompeta!” Alagad nagsabi sinda, “Dai mi iyan dadangogon.”

Ezekiel 3:17

“Aki nin tawo, ginigibo takang bantay kan nasyon nin Israel. Itataram mo sainda an anoman na patanid na madangog mo sako.

Ezekiel 33:2

“Aki nin tawo, ipahayag mo sa saimong banwaan an mangyayari kun magpadara na ako nin gera sa sarong lugar. An mga nag-eerok sa lugar na iyan mapili nin sarong bantay.

Oseas 1:11

Magkakasararo giraray an mga taga Juda saka an mga taga Israel. Mapili sinda nin saro sanang lider, asin siring sa dati, madakul sinda saka mauswag sa saindang daga. Iyo, magigin dakula an aldaw nin Jezreel!

Oseas 9:8

Sinugo ako nin Dios bilang propeta tanganing patanidan an saiyang banwaan na Israel. Alagad saen man ako magduman, hiningowa nindong siodon ako siring sa sarong gamgam. Sa sadiring daga nin Dios, an mga tawo kaiwal kan propeta.