Jeremias 31:40 - Marahay na Bareta Biblia

⁴⁰ Magigin banal sako an bilog na kapantayan na pinaglulubongan kan mga gadan saka pinagtatapokan kan mga ati, asin an gabos na oma sa itaas kan Sapa nin Kidron sagkod sa Trangkahan nin Kabayo sa parteng sirangan. Dai na nanggad magagaba o masasakop nin siisay man an syudad na ini.”

Jeremias 31:40 ပူးပေါင်းရင်းမြစ်များ

2 Samuel 15:23

Naghibi nin makosog an mga tawo kan maghale an mga parasunod ni David. Binalyo kan hade an sapa nin Kidron, kasunod kan saiyang mga tawohan dangan iriba sindang nagpasiring sa kalangtadan.

2 Mga Hade 11:16

Dinakop ninda siya, dinara sa palasyo dangan ginadan duman sa may Trangkahan nin Kabayo.

2 Mga Hade 23:12

Ipinagaba niya an mga altar na ginibo kan mga hade nin Juda sa atop kan erokan ni Ahaz, sagkod an mga altar na ibinugtak ni Hadeng Manases sa duwang patyo kan Templo; ipinaronot niya an mga altar dangan ipinatapok sa Kapantayan nin Kidron.

2 Mga Hade 23:6

Ipinahale niya sa Templo an tanda kan diosang si Asera. Ipinadara niya ini sa luwas kan syudad, sa kapantayan nin Kidron, asin duman ipinasulo. Dangan ipinabayo niya nin pino an abo saka ipinawarak sa lulubngan kan mga ordinaryong tawo.

2 Mga Cronica 23:15

Dinakop ninda siya, dinara sa palasyo dangan ginadan duman sa may Trangkahan nin Kabayo.

Nehemias 3:28

Sarong grupo nin mga padi an naghirahay kan sunod na kabtang, magpoon sa Trangkahan kan Kabayo pasiring sa parteng amihan; an lambang saro iyo an naghirahay kan kabtang kan kudal na kahampang kan saiyang sadiring harong.

Salmo 48:9

O Dios, an danay mong pagkamoot hinohorophorop mi sa laog kan saimong Templo.

Isaias 51:22

sinusurog kamo nin Kagurangnan na saindong Dios asin nagsasabi, “Uya, hinahale ko na sa saindong kamot an kalis nin sakong kaanggotan. Dai na kamo kaipuhan na mag-inom kan arak na sa saindo nakakapasayasay.

Jeremias 1:10

Itinatao ko saimo ngunyan an kapangyarihan sa mga nasyon saka sa mga kahadean, sa paggabot saka sa pagraot, sa paggaba saka sa paglaglag, asin sa pagtugdok patin sa pagtanom.”

Jeremias 18:7

Kun nagtaram ako sa sarong panahon na sakong gagaboton, ibabagsak o raraoton an arin man na nasyon o kahadean,

Jeremias 32:36

Nagtaram sako an Kagurangnan, an Dios nin Israel, “Jeremias, sinasabi kan mga tawo na an syudad na ini mahuhulog sa kamot kan hade nin Babilonia huli sa gera, gutom, asin peste. Hinanyoga ngunyan an iba pang sasabihon ko.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Ezekiel 37:2

Ilinibot niya ako sa kapantayan, saka nahiling ko na dakul nin marahay an mga tolang asin ini gabos alang na nin marahay.

Ezekiel 37:25

Mag-eerok sinda sa daga na itinao ko sa sakong sorogoon na si Jacob, an daga na pinag-erokan kan saindang mga ginikanan. Duman na sinda mag-eerok sagkod pa man, siring man an saindang mga aki asin an gabos nindang kapagarakian. Sarong hade na arog kan sorogoon kong si David an maghahade sa sainda sagkod lamang.

Ezekiel 39:29

Iuula ko an sakong espiritu sa banwaan nin Israel asin dai ko na nanggad sinda tatalikodan. Ako, an Kagurangnan Dios, an nagtaram.”

Ezekiel 48:35

An kahalabaan kan kudal sa apat na lado kan syudad kaipuhan nuebe mil metros. Poon ngunyan an ngaran kan syudad magigin “An Kagurangnan Uya Digdi!”

Joel 3:17

“Dangan, Israel, maaaraman mo na ako an Kagurangnan na saimong Dios. Nag-eerok ako sa Sion, an banal kong bulod. An Jerusalem magigin banal na syudad; dai na nanggad iyan masasakop kan mga dayuhan.

Zacarias 14:11

Duman mag-eerok na ligtas an mga tawo, huli ta mayo na nin pagkatakot na sinda pupuhoon.

Zacarias 14:20

Sa panahon na iyan, maski an mga kampanilya na nakagakod sa mga kabayo magkakaigwa kan mga tataramon na “Idinusay sa Kagurangnan.” An mga kagamitan sa pagluto sa Templo magigin sagrado man siring kan mga mangko sa atubangan kan altar.

Juan 18:1

Pakapamibi kaini ni Jesus, naghale siya kaiba an saiyang mga disipulo asin nag-ibong sa sapa nin Cedron. Igwa nin tatamnan sa Cedron na dinumanan ni Jesus saka kan saiyang mga disipulo.