Jeremias 31:4 - Marahay na Bareta Biblia

⁴ Papatindogon ko giraray kamo. Magtutugtog giraray kamo kan saindong mga tamborin asin maogma kamong magsasayaw.

Jeremias 31:4 ပူးပေါင်းရင်းမြစ်များ

2 Mga Hade 19:21

an Kagurangnan nagsabi, “An syudad nin Jerusalem nagngingisi saimo, Senakerib, asin kinakawatan ka.

Salmo 149:3

Magsayaw sa kaomawan nin saiyang ngaran; mag-awit saiya sa tanog kan tamborin asin lira.

Salmo 30:11

An sakong kamondoan sinanglean mo nin pagsayaw; hinale mo an sakong pagmondo asin hinagkosan mo ako nin kaogmahan.

Salmo 51:18

Sa saimong pagkamarahayon, tabangan mo an Sion; an mga lanob nin Jerusalem saimong pakarahayon.

Salmo 69:35

Ililigtas nin Dios an Sion, asin giraray papatindogon an mga banwa nin Juda. Duman mag-eerok an saiyang banwaan asin sasadirihon ninda an daga,

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 30:32

An lambang paghampak sainda nin Kagurangnan sasabayan kan tanog nin mga tamborin saka lira kan saiyang banwaan. An Dios mismo an makikilaban sa mga taga Asiria.

Isaias 37:22

na an Kagurangnan nagsabing, “Pinagngingisihan ka, Senakerib, kan syudad nin Jerusalem, asin pinag-oolog-olog.

Jeremias 1:10

Itinatao ko saimo ngunyan an kapangyarihan sa mga nasyon saka sa mga kahadean, sa paggabot saka sa pagraot, sa paggaba saka sa paglaglag, asin sa pagtugdok patin sa pagtanom.”

Jeremias 14:17

Pinagbotan ako nin Kagurangnan na itaram ko sa banwaan an manongod sa sakong kamondoan asin magsabi: “Magbulos logod an mga luha sa sakong mga mata aldaw banggi; dai logod ako mag-ontok sa pagtangis, huli ta hararom an lugad kan sakong banwaan asin an kulog na saiyang namamatean makuring marahay.

Jeremias 18:13

Nagtataram an Kagurangnan, “Hapoton mo an lambang nasyon kun may nangyari nang siring kaini kaidto. An banwaan nin Israel guminibo nin sarong mangirhat na bagay!

Jeremias 24:6

Babantayan ko sinda asin ibabalik sa dagang ini. Papatindogon ko sinda asin dai ko rurumpagon; itatanom ko asin dai ko sinda gagaboton.

Jeremias 31:13

Dangan masayaw sa kaogmahan an mga daraga, asin an kalalakihan, hoben saka gurang, mag-oogma. Rarangahon ko sinda asin an saindang kamondoan magigin kaogmahan, an saindang kasakitan magigin kagayagayahan.

Jeremias 31:21

Magbugtak ka nin mga tanda sa saimong agihan; hanapa giraray an dalan na saimong linakawan. Magbalik ka, banwaan nin Israel, magbalik ka sa mga syudad na saimong binayaan.

Jeremias 31:38

“Maabot an panahon,” an sabi nin Kagurangnan, “na itutugdok giraray an Jerusalem bilang syudad ko, magpoon sa Tore nin Hananel sagkod sa Kantong Trangkahan.

Jeremias 33:7

Papauswagon ko an Juda saka an Israel, asin papatindogon ko giraray sinda arog kan dati.

Jeremias 46:11

Mga taga Egipto, dumuman kamo sa Gilead saka maghanap duman nin pambolong! Mayo nin halaga an kadakul bolong; mayo na nin pampaomay saimo.

Mga Panambitan 1:15

“Nginisihan nin Kagurangnan an makokosog kong mga soldados. Sarong hukbo an inatubang niya sako tanganing ronoton an mga hoben kong lalaki. Siring sa mga ubas, an aking daraga nin Juda tinimaktimakan nin Kagurangnan.

Mga Panambitan 2:13

O Jerusalem, ano an masasabi ko para saimo? Saen taka ikakabaing, tanganing ika sakuyang maranga? An pagkarumpag mo arog kahiwas kan kadagatan; siisay an makakahirahay saimo?

Amos 5:2

Buminagsak, an birhen na Israel, asin dai na siya makakabangon! Naghihigda siya sa daga, asin mayo nin minatabang tanganing makatindog siya.

Amos 9:11

An Kagurangnan nagtataram, “Maabot an panahon na papakarahayon ko an kahadean ni David, na nakakaagid sa sarong harong na nagaba. Hihirahayon ko an mga kudal kaiyan asin papatindogon ko giraray iyan arog kan dating kamugtakan kaiyan.

Lukas 15:23

Dangan daraha digdi an pinatabang ogbon na baka asin bunoa! Mag-ogma kita! Magbangkete kita!

Mga Gibo 15:16

‘Pakatapos kaini, mabalik ako; papatindogon ko giraray an harong ni David na nagaba; hihirahayon ko an naraot na iyan, dangan papatindogon ko liwat,

Hukom 11:34

Kan magpuli si Jefta sa Mizpa, sinabat siya kan aki niyang babae na nagsasayaw mantang nagtutugtog nin tamborin. Siya an bugtong na aki ni Jefta,