Jeremias 31:36 - Marahay na Bareta Biblia

³⁶ Nanunuga siya na sagkod na nagdadanay an siring na orden, magdadanay man an Israel bilang sarong nasyon.

Jeremias 31:36 ပူးပေါင်းရင်းမြစ်များ

An Libro ni Job 38:33

Aram mo daw an mga katogonan kan kalangitan? Magagamit mo daw iyan para sa kinaban?

Salmo 102:28

An samuyang mga aki mabubuhay na ligtas; sa saimong atubang mayong kahandalan an saindang kapagarakian.

Salmo 119:89

An saimong tataramon, Kagurangnan, nagdadanay sagkod lamang sa kalangitan.

Salmo 148:6

Nagboot siya na mamugtak sinda sa saindang mga lugar sagkod pa man, asin dai ninda pwedeng lapason iyan.

Salmo 72:17

An saiyang ngaran magdanay logod sagkod lamang, an saiyang kabantogan magpadagos siring sa aldaw! An mga tawo bendisyonan logod huli sa saiya; apodon logod siyang paladan kan mga nasyon.

Salmo 72:5

Mabuhay logod siya mantang nagdadanay an aldaw, mantang nagliliwanag an bulan sa gabos na henerasyon.

Isaias 65:9

Bebendisyonan ko an mga Israelita na kabilang sa tribu ni Juda, asin sasadirihon kan saindang mga kapagarakian an sakong daga na dakul an bukid. An sakong piniling banwaan na naglilingkod sako iyo an mag-eerok duman.

Jeremias 46:28

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo. Ako, an Kagurangnan, an nagtaram.”

Deuteronomio 32:26

Gabos kuta sinda sakong gagadanon tanganing sa sainda mayo nang makagiromdom.