Jeremias 31:35 - Marahay na Bareta Biblia

³⁵ An Kagurangnan iyo an nagtatao kan aldaw, bilang ilaw kun aldaw, an bulan asin an mga bitoon tanganing maliwanag kun banggi. Pinapahiro niya an dagat kaya naghahagubohob an mga alon; Kagurangnan nin mga hukbo an saiyang ngaran.

Jeremias 31:35 ပူးပေါင်းရင်းမြစ်များ

An Libro ni Job 26:12

Huli kan saiyang kapangyarihan, napatoninong an dagat; huli kan saiyang pakasabot, an impaktong si Rahab nagadan.

An Libro ni Job 38:33

Aram mo daw an mga katogonan kan kalangitan? Magagamit mo daw iyan para sa kinaban?

Salmo 106:9

Pinagbotan niya an Dagat na Pula, kaya ini nagin mamara. Pinangenotan niya sinda sa paglakaw sa kairaroman, na garo naglalakaw sa desyerto.

Salmo 119:89

An saimong tataramon, Kagurangnan, nagdadanay sagkod lamang sa kalangitan.

Salmo 119:91

Nagdadanay sagkod ngunyan an gabos na bagay huli kan saimong kabotan; huli ta sorogoon mo an mga iyan.

Salmo 148:6

Nagboot siya na mamugtak sinda sa saindang mga lugar sagkod pa man, asin dai ninda pwedeng lapason iyan.

Salmo 72:17

An saiyang ngaran magdanay logod sagkod lamang, an saiyang kabantogan magpadagos siring sa aldaw! An mga tawo bendisyonan logod huli sa saiya; apodon logod siyang paladan kan mga nasyon.

Salmo 72:5

Mabuhay logod siya mantang nagdadanay an aldaw, mantang nagliliwanag an bulan sa gabos na henerasyon.

Salmo 74:13

Binanga mo an dagat kan saimong kosog; rinonot mo an payo kan mga dragon sa katubigan.

Salmo 74:16

Linalang mo an aldaw asin an banggi; ibinugtak mo an aldaw, an bulan saka mga bitoon.

Salmo 78:13

Binanga niya an dagat asin duman sinda pinalakaw; pinatindog niya an katubigan siring sa mga lanob.

Salmo 89:2

Huli ta an pagkamoot mo magdadanay sagkod pa man; an kaimbodan mo masarig siring sa kalangitan.

Isaias 48:2

Alagad nag-oorgulyo kamo sa pagsabi na mga namamanwaan kamo kan banal na syudad, asin nananarig kamo sa Dios nin Israel, na Kagurangnan nin mga hukbo an ngaran.

Isaias 51:15

“Ako an Kagurangnan na saindong Dios, na nagbubukag kan dagat asin nagpapahagubohob kan mga alon. Kagurangnan nin mga hukbo an sakong ngaran!

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Isaias 63:12

Haen na an Kagurangnan na sa paagi kan saiyang kapangyarihan, naggibo nin darakulang bagay huli ki Moises, na nagbanga kan tubig kan dagat asin nangenot sa saiyang banwaan sa hararom na tubig, saka nagkamit nin daing tapos na kabantogan?” Sa pangenot nin Kagurangnan, maliksing naglakaw an mga Israelita siring sa mga maliksing lalaw na kabayo sa desyerto, asin dai sinda nagkaturumba.

Jeremias 10:16

Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Jeremias 32:18

Nagpahiling ka nin danay na pagkamoot sa rinibong tawo, alagad pinadusahan mo an mga aki huli kan kasalan kan saindang mga magurang. O dakula asin mapangyaring Dios, na an ngaran Kagurangnan nin mga hukbo,

Jeremias 33:20

“Nakipagtipan ako sa aldaw saka sa banggi, tanganing magdatong sinda sa tama nindang panahon, asin an tipan na iyan dai nanggad mababago.

Jeremias 33:25

Alagad ako, an Kagurangnan, nakipagtipan sa aldaw saka sa banggi, asin an ginibo ko an mga pagboot na sinusunod sa daga saka sa langit.

Jeremias 33:26

Siring na ginibo ko nanggad ini, siring man papadanayon ko an sakong tipan sa mga kapagarakian ni Jacob asin ni David na sakong sorogoon. Pipilion ko an saro sa mga kapagarakian ni David tanganing paghadean an mga kapagarakian ni Abraham, Isaac, asin ni Jacob. Maheherakan ko an sakong banwaan saka papauswagon ko giraray sinda.”

Jeremias 46:18

Ako, an Kagurangnan nin mga hukbo, iyo an hade. Ako, iyo an Dios na buhay. Arog sa Bukid nin Tabor sa tahaw kan mga bukid, asin arog kan Bukid nin Carmelo sa gilid kan dagat, an kosog kan sarong maabot na masalakay saindo.

Jeremias 5:22

Ako an Kagurangnan; tadaw ta dai kamo natatakot sako? Tadaw ta dai kamo tinatakigan sa atubangan ko? Ibinugtak ko an baybay bilang kasagkoran kan dagat, sarong kasagkoran na dai nanggad pwedeng balyohon. Maski mag-apwak digdi an dagat, o maghagubohob an mga alon, alagad dai sinda makakaibong.

Jeremias 50:34

Alagad makosog an saindang Paratubos; an ngaran niya iyo an Kagurangnan nin mga hukbo. Siya an nakikilaban para sainda, asin mapadara siya nin katoninongan sa daga, alagad kahorasaan sa mga taga Babilonia.”

Jeremias 51:19

An Dios ni Jacob bakong arog sainda; huli ta siya an naglalang kan gabos saka pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Oseas 13:14

Dai ko ililigtas an banwaan na ini sa kinaban kan mga gadan o sa kapangyarihan nin kagadanan. Kagadanan, padagosa an pagpapasakit mo! Kinaban kan mga gadan, padagosa an panggagaba mo! Dai ko na nanggad maheherakan an banwaan na ini.

Amos 9:8

Ako, an Kagurangnan Dios, nagmamasid sa makasalan na kahadean na ini nin Israel, asin paparaon ko iyan sa ibabaw kan daga. Alagad dai ko pupuhoon an kapagarakian ni Jacob.

Mateo 5:45

tanganing magin mga aki kamo kan saindong Ama na nasa langit. Huli ta parehong pinapasaldangan nin aldaw saka pinapauranan nin Dios an tawong marahay asin an maraot, an tawong banal saka an parakasala.

Deuteronomio 4:19

Magmaan kamo ta tibaad sambahon nindo asin paglingkodan an nahihiling nindo sa langit—an aldaw, an bulan, saka an mga bitoon. Itinao nin Kagurangnan na saindong Dios an mga ini sa ibang mga banwaan tanganing saindang pagsambahon.