Jeremias 31:32 - Marahay na Bareta Biblia

³² Bako iyan arog kan tipan na ginibo ko sa saindang mga ginikanan kan kabiton ko sinda saka giyahan paluwas sa Egipto. Maski ako nagin arog sa sarong agom na lalaki sa sainda, dai ninda kinuyog an tipan na idto.

Jeremias 31:32 ပူးပေါင်းရင်းမြစ်များ

1 Mga Hade 8:9

Mayo nin ibang laog an Kaban kundi an duwang tablang gapo na ibinugtak duman ni Moises kan yaon siya sa Bukid nin Sinai, saen nakipagtipan an Kagurangnan sa banwaan nin Israel pakahale ninda sa Egipto.

Salmo 73:23

Alagad padagos akong nasa kaibahan mo, asin kinaptan mo an too kong kamot.

Salmo 78:37

An saindang puso bakong dayupot sa saiya; bako sindang maimbod sa saiyang tipan.

Exodo 19:5

Kaya ngunyan, kun susunodon nindo ako asin kun ootobon nindo an sakong tipan, pipilion ko kamo bilang sadiri ko sa gabos na banwaan huli ta rogaring ko an bilog na kinaban.

Exodo 32:8

Tinalikodan na ninda an ipinagboot kong gibohon ninda. Naggibo sinda nin metal na baka, asin sinamba ninda ini saka dinolotan nin atang. Nagsarabi sinda na iyo idto an saindang dios na nagluwas sainda sa Egipto.”

Awit nin mga Awit 8:5

Siisay ining nagdadangadang hale sa kalangtadan, na nakasandig sa saiyang namomotan? Sa irarom nin kahoy na mansanas pinukaw taka, sa lugar na namundagan mo.

Isaias 24:5

Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Isaias 41:13

Ako an Kagurangnan na saimong Dios; pinapakosog taka asin sinasabihan, ‘Dai ka matakot; tatabangan taka.’”

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Jeremias 11:3

na ako, an Kagurangnan Dios nin Israel, nagbugtak nin sarong maldisyon sa siisay man na dai nagkukuyog sa kahagadan kan tipan na ini.

Jeremias 11:4

Iyo ini an tipan na ginibo ko sa saindang mga ginikanan kan iluwas ko sinda sa Egipto, an daga na garo sarong nagkakalayong horno sa sainda. Tinaraman ko sinda na kuyogon ninda ako saka gibohon an gabos na pagboot ko. Nagtaram pa ako na kun magkuyog sinda, magigin banwaan ko sinda asin ako an magigin Dios ninda.

Jeremias 2:2

na ipahayag an mensaheng ini sa lambang saro sa Jerusalem. “Nagigiromdoman ko an saimong pagkamaimbod kan ika hoben pa, an saimong pagkamoot sako kan bago kitang kasalon; nagsunod ka sako sa kalangtadan, sa sarong daga na mayo nin maski anong tinanom.

Jeremias 22:9

Dangan masirimbag sinda, ‘Huli ta tinalikodan ninda an tipan nin Kagurangnan na saindang Dios, asin sinamba ninda saka pinaglingkodan an ibang mga dios.’”

Jeremias 3:14

“Bakong maimbod na banwaan, magbalik kamo huli ta ako an saindong Kagurangnan. Makua ako saindo nin saro sa lambang banwa asin duwa sa lambang kamaganakan, dangan ibabalik ko kamo sa Bukid nin Sion.

Jeremias 31:1

Nagtataram an Kagurangnan, “Maabot an panahon na ako an magigin Dios kan gabos na tribu sa Israel, asin sinda an magigin banwaan ko.

Jeremias 34:13

an Dios nin Israel, na magsabi sa mga tawo, “Nakipagtipan ako sa saindong mga ginikanan kan iligtas ko sinda sa Egipto asin haleon sa kaoripnan. Tinaraman ko sinda na sa

Jeremias 34:14

lambang ikapitong taon tatalingkasan ninda an siisay man na Hebreyong oripon na naglingkod sainda sa laog nin anom na taon. Alagad dai nagkuyog an saindong mga ginikanan ni naghinanyog kan sinabi ko sainda.

Ezekiel 16:8

“Pag-agi ko giraray, nahiling kong panahon na tanganing mamoot ka. Tinahoban ko kan sakong alikboy an huba mong hawak, saka nanuga akong mamomotan taka. Nakipagtipan ako saimo kaya nagin sadiri taka.” Ini an tataramon nin Kagurangnan Dios.

Ezekiel 20:37

“Didisiplinahon ko kamo asin ipapaotob ko nanggad saindo an sakong tipan.

Ezekiel 23:4

An ngaran kan matua Ohola, asin Oholiba an ngaran kan ngohod. (Si Ohola iyo an minarepresentar kan Samaria, asin si Oholiba, kan Jerusalem.) Inagom ko sindang duwa asin nagkaigwa ako nin mga aking lalaki saka babae.

Oseas 11:1

Nagsasabi an Kagurangnan, “Kan an Israel aki pa, namotan ko siya, asin bilang aki kong lalaki inapod ko siya paluwas sa Egipto.

Oseas 2:2

Mga aki ko, makimaherak kamo sa saindong ina—maski bako na siya sarong agom para sako, asin bako na ako an saiyang agom. Makimaherak kamo saiya na ontokon na niya an pakikidorog sa ibang lalaki asin an saiyang pagigin sarong maraot na babae.

Oseas 3:1

Sinabihan ako nin Kagurangnan, “Lakaw giraray asin pahilingan an saimong pagkamoot sa sarong babaeng nagpapasambay. Kaipuhan na mamotan mo siya siring na namomotan ko pa an banwaan nin Israel, maski nagsasamba na sinda sa mga dios-dios asin namomoot na magdara nin mga dolot na pasas sa mga ladawan.”

Levitico 26:15

Kun sayumahan nindo an sakuyang mga togon asin kaongisan nindo an sakuyang mga pagboot saka talikodan an sakong tipan,

Markos 8:23

Kinabit ni Jesus an buta paluwas sa baryo. Linutaban niya an mga mata kan buta, asin ibinugtak an mga kamot saiya, dangan hinapot, “May nahihiling ka?”

Juan 3:29

An nobya para sa nobyo; an katood kan nobyo na nagtitindog asin nagdadangog saiya naoogma nin marahay sa tingog kan nobyo. Kaya nagsusupay an kaogmahan ko ngunyan.

Mga Gibo 23:19

Kinabit kan komandante an hoben, irinayo dangan hinapot, “Ano an sasabihon mo sako?”

2 Corinto 11:2

Arog sa Dios, maimon ako para saindo. Kamo garo daragang birhen na ipinanuga kong ipakasal sa saro sanang lalaki, na iyo si Cristo.

Deuteronomio 1:31

asin sa kalangtadan. Nahiling nindo kun paano niya kamo dinara sa lugar na ini, siring sa pagdara nin sarong ama sa saiyang aki.’

Deuteronomio 29:1

Iyo ini an mga tataramon kan tipan na ipinagboot nin Kagurangnan ki Moises na gibohon sa mga Israelita sa daga nin Moab; kadagdagan an mga ini sa tipan na ginibo nin Kagurangnan sainda duman sa Bukid nin Sinai.

Deuteronomio 29:21

Isisiblag siya nin Kagurangnan hale sa komunidad nin Israel tanganing ipanamit saiya an gabos na maldisyon kan tipan na nasusurat sa librong ini nin mga katukdoan.

Deuteronomio 29:24

Dangan mahapot an bilog na kinaban, ‘Tano ta ginibo ini nin Kagurangnan sa saindang daga? Ano an dahelan kan saiyang dakulang kaanggotan?’

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.

Deuteronomio 31:20

Dadarahon ko sinda sa dagang mayaman sa gabos na bagay, siring sa sakong ipinanuga sa saindang mga ginikanan. Makukua ninda duman an gabos na pagkakan na saindang kaipuhan, asin toninong sindang mabubuhay. Alagad masamba sinda saka malingkod sa mga dios-dios. Matalikod sinda sako asin lalapason ninda an sakong tipan;

Deuteronomio 5:2

Duman sa Bukid nin Sinai, nakipagtipan an Kagurangnan na satong Dios

Deuteronomio 5:3

bako sana sa satong mga magurang kundi sa satuya gabos na nabubuhay ngunyan.

Hebreyo 8:9

Bako iyan arog kan tipan na ginibo ko sa saindang mga ginikanan kan aldaw na kabiton ko sinda paluwas sa daga nin Egipto. Dai sinda nagin maimbod sa tipan na ginibo ko sainda, kaya pinabayaan ko sinda.