Jeremias 31:30 - Marahay na Bareta Biblia

³⁰ Embes kaiyan, kun siisay an magkakan kan maalsom na ubas, iyo an mangingilohan; an sarong tawo magagadan huli kan sadiri niyang kasalan.”

Jeremias 31:30 ပူးပေါင်းရင်းမြစ်များ

2 Mga Hade 14:6

Alagad dai niya ipinagadan an mga aki ninda, kundi sinunod niya an pagboot nin Kagurangnan sa katogonan ni Moises: “An mga magurang dai gagadanon para sa kasalan na ginibo kan saindang mga aki, ni an mga aki para sa kasalan na ginibo kan saindang mga magurang. An sarong tawo gagadanon para sa kasalan na siya nanggad an naggibo.”

An Libro ni Job 21:20

Dapat pasanon kan mga nagkasala an saindang padusa; dapat na mamatean ninda an kaanggotan kan Makakamhan na Dios.

Isaias 3:11

Herak man sa mga maraot! Madatong sainda an kapahamakan, huli ta kun ano an saindang ginibo iyo man an gigibohon sainda.

Ezekiel 18:20

An nagkakasala iyo an magagadan. An aki dai magtitios huli sa mga kasalan kan saiyang ama, asin an ama dai magtitios huli sa kasalan kan saiyang aki. An marahay na tawo babalosan sosog sa marahay na naginibo niya, asin an maraot na tawo magtitios huli sa maraot na naginibo niya.

Ezekiel 18:4

Kapot ko an buhay nin lambang tawo, an buhay kan magurang asin kan aki. An tawong nagkakasala iyo an magagadan.

Ezekiel 3:24

alagad naglaog sako an espiritu nin Dios asin pinatindog ako. Nagtaram sako an Kagurangnan, “Magpuli ka na asin dai ka magluwas sa saimong harong.

Ezekiel 33:13

Pwede akong manuga na an matanos mabubuhay, alagad kun mag-isip siyang tama na an mga karahayan na ginibo niya kaidto dangan magpoon siyang magkasala, dai ko gigiromdomon an mga karahayan na ginibo niya. Magagadan siya huli kan saiyang mga kasalan.

Ezekiel 33:18

Kun ontokon kan sarong matanos an paggibo nin marahay dangan maggibo siya nin karatan, magagadan siya huli kaiyan.

Ezekiel 33:8

Kun magtaram akong magagadan an sarong maraot na tawo alagad dai mo siya pinatanidan tanganing mabago an saiyang gawe tanganing makaligtas an saiyang buhay, magagadan siya sa saiyang kasalan, alagad ika an babasolon ko sa saiyang pagkagadan.

Galacia 6:5

Huli ta an lambang saro kaipuhan na magdara kan sadiri niyang pasan.

Deuteronomio 24:16

“An mga magurang dai dapat paggadanon huli sa kasalan kan saindang mga aki; an mga aki dai dapat paggadanon huli sa kasalan kan saindang mga magurang. An sarong tawo gagadanon huli sa kasalan na siya nanggad an nakaginibo.

Santiago 1:15

Kun an mga maraot na kamawotan na iyan nakagamot na, iyan magbubunga nin kasalan; kun nagtalubo na an kasalan, iyan magbubunga nin kagadanan.