Jeremias 31:28 - Marahay na Bareta Biblia

²⁸ Kun paano ako nagin maingat kan sinda sakong gaboton, gabaon, pabagsakon, raoton saka pahaleon, maingat ko man sindang itatanom saka papatindogon.

Jeremias 31:28 ပူးပေါင်းရင်းမြစ်များ

An Libro ni Job 29:2

“Kun ikakabalik ko sana an nakaaging mga aldaw, mga aldaw kan an Dios ako inaataman;

Salmo 102:16

Kun an Sion pakarahayon na nin Kagurangnan, ipapahiling niya an saiyang kadakulaan.

Salmo 147:2

Pinapatindog nin Kagurangnan an Jerusalem; ibinabalik niya an mga nabihag na Israelita.

Salmo 69:35

Ililigtas nin Dios an Sion, asin giraray papatindogon an mga banwa nin Juda. Duman mag-eerok an saiyang banwaan asin sasadirihon ninda an daga,

Jeremias 1:10

Itinatao ko saimo ngunyan an kapangyarihan sa mga nasyon saka sa mga kahadean, sa paggabot saka sa pagraot, sa paggaba saka sa paglaglag, asin sa pagtugdok patin sa pagtanom.”

Jeremias 1:12

“Tama ka”, an sabi nin Kagurangnan “asin nagbabantay ako huli ta boot kong magkatotoo an sakong mga tataramon.”

Jeremias 24:6

Babantayan ko sinda asin ibabalik sa dagang ini. Papatindogon ko sinda asin dai ko rurumpagon; itatanom ko asin dai ko sinda gagaboton.

Jeremias 32:41

Ikakaogma ko an paggibo nin marahay na mga bagay para sainda, saka papagdanayon ko sindang pusog sa dagang ini.

Jeremias 32:42

“Siring kan pagpadara ko kan dakulang kasakitan na ini sa banwaan na ini, papadarahan ko man sinda kan marahay na mga bagay na ipinanuga ko sainda.

Jeremias 42:10

‘Kun magdanay kamo sa dagang ini, papatindogon ko kamo asin dai rurumpagon; itatanom ko kamo asin dai gagaboton. An karatan na dinara ko saindo nagin dahelan kan dakulang kamondoan ko.

Jeremias 44:27

Babantayan ko nanggad na dai kamo mabuhay kundi magadan. Gabos kamo magagadan sa gera o sa peste, sagkod na mayo saindo nin matada.

Jeremias 45:4

“Alagad ako, an Kagurangnan, an naggagaba kan sakong itinugdok saka naggagabot kan sakong itinanom. Gigibohon ko ini sa bilog na daga.

Ezekiel 19:12

Alagad ginabot ini nin anggot na mga kamot dangan itinapok sa daga. An mga bunga kaini naalang sa huyop kan doros na hale sa sirangan. Binari an mga sanga kaini, naalang dangan sinulo.

Ezekiel 36:10

Papadakulon ko an saindong bilang. Mag-eerok kamo sa mga syudad asin hihirahayon nindo giraray an mga nagkararaot.

Daniel 9:14

Andam ka sa pagpadusa samo, O Kagurangnan na samong Dios, asin pinadusahan mo mananggad kami huli ta danay na tama an saimong ginigibo, asin dai kami nagdangog saimo.

Daniel 9:25

Midbida kun siring asin sabota ini: Magpoon sa panahon na itao an pagboot na hirahayon an Jerusalem sagkod na umabot an pamayo na pinili nin Dios, maagi ngona an kwarenta y nuebeng taon. Hihirahayon giraray an Jerusalem. Magkakaigwa diyan nin mga tinampo saka makokosog na kudal, asin matindog iyan sa laog nin kwatro syentos treynta y kwatrong taon, alagad sarong panahon iyan nin kasakitan.

Amos 9:11

An Kagurangnan nagtataram, “Maabot an panahon na papakarahayon ko an kahadean ni David, na nakakaagid sa sarong harong na nagaba. Hihirahayon ko an mga kudal kaiyan asin papatindogon ko giraray iyan arog kan dating kamugtakan kaiyan.

Amos 9:14

Ibabalik ko an sakong banwaan sa saindang daga. Hihirahayon ninda an nagkararaot nindang syudad asin mag-eerok sinda duman; matanom sinda nin mga ubas asin iinomon ninda an arak; matanom sinda sa mga tatamnan patin makakan kan bunga kaiyan.

Zacarias 8:14

Nagtataram an Kagurangnan nin mga hukbo, “Kan paanggoton ako kan saindong mga ginikanan, inisip kong maldisyonon sinda, asin dai ko liniwat an sakong inisip kundi ginibo ko iyan.

Zacarias 8:15

Alagad ngunyan pinaplano kong bendisyonan an banwaan nin Jerusalem asin Juda. Kaya dai kamo matakot.

Mga Gibo 15:16

‘Pakatapos kaini, mabalik ako; papatindogon ko giraray an harong ni David na nagaba; hihirahayon ko an naraot na iyan, dangan papatindogon ko liwat,

Deuteronomio 30:9

Papauswagon kamo nin Kagurangnan sa gabos nindong gibo; papadakulon niya an saindong mga aki, mga hayop, sagkod mga bunga kan saindong daga. Maoogma siya sa pagpauswag saindo, siring na naogma siya sa pagpauswag kan saidong mga ginikanan,