Jeremias 31:25 - Marahay na Bareta Biblia

²⁵ Papakosogon ko an mga napapagal saka pakakakanon ko an mga nanluluya huli sa gutom.

Jeremias 31:25 ပူးပေါင်းရင်းမြစ်များ

Salmo 107:9

Huli ta pinapainom niya an mga napapaha, asin an mga nagugutom pinapakakan nin mga marahay na bagay.

Salmo 23:3

Giraray pinapakosog niya an sakong kalag. Pinapangenotan niya ako sa mga dalan nin katanosan, huli sa saiyang ngaran.

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Isaias 40:29

Pinapakosog niya an mga nanluluya asin napapagal.

Isaias 41:17

“Kun an sakong banwaan maghanap nin tubig dangan mayong makua, kun magmara an saindang halonan sa paha, ako, an Kagurangnan, an masimbag sainda; ako, an Dios nin Israel, dai nanggad mapabaya sainda.

Isaias 50:4

Tinukdoan ako nin Kagurangnan Dios kan sakong sasabihon, tanganing mapakosog ko an napapagal. Aga-aga, pinupukaw niya ako tanganing magdangog kan itutukdo niya.

Jeremias 31:12

Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Jeremias 31:14

Babasogon ko nin masiram na kakanon an mga padi, asin makokontento an sakong banwaan kan sakong karahayan. Ako, an Kagurangnan, an nagtaram.”

Ezekiel 34:14

Ligtas na pasasabsabon ko sinda sa kabukidan nin Israel, sa mga kapatagan asin sa mga berdeng pasabsaban kan daga.

Mateo 11:28

“Madya kamo sako, kamo gabos na napapagal asin nagagabatan, ta tatawan ko kamo nin kapahingaloan.

Mateo 5:6

“Paladan an mga nagugutom asin napapaha sa katanosan, huli ta sinda pakababasogon!

Lukas 1:53

Binasog niya nin mga marahay na bagay an mga nagugutom, asin isinubol niya sa kadaihan an mga mayaman.

Juan 4:14

alagad an siisay man na uminom kan tubig na itatao ko, dai na nanggad mapapaha. Huli ta an tubig na itatao ko magigin sarong burabod na magtatao saiya nin buhay na daing kataposan.”

2 Corinto 7:6

Alagad an Dios, na nagraranga kan mga nagluluya an boot, iyo man an nagranga samo huli kan pag-abot ni Tito.