Jeremias 31:23 - Marahay na Bareta Biblia

²³ An Kagurangnan nin mga hukbo, an Dios nin Israel, nagtataram, “Kun ibalik ko na an banwaan sa saindang daga, masabi giraray sinda sa daga nin Juda asin sa saiyang mga banwa, ‘Bendisyonan logod nin Kagurangnan an sagradong bulod nin Jerusalem, an banal na lugar na saiyang pinag-eerokan.’

Jeremias 31:23 ပူးပေါင်းရင်းမြစ်များ

Salmo 128:5

Bendisyonan ka logod nin Kagurangnan hale sa Sion! Mahiling mo logod an pag-uswag nin Jerusalem sa bilog mong pagkabuhay!

Salmo 129:8

Mayo sa mga minaagi an nagsasabi sainda, “Bendisyonan ka logod nin Kagurangnan! Benebendisyonan mi ika sa ngaran nin Kagurangnan!”

Salmo 134:3

Hale sa Sion, bendisyonan logod kamo nin Kagurangnan, na naggibo kan langit asin daga!

Salmo 28:9

Ligtasan, Kagurangnan, an saimong banwaan; an pamana mo saimong bendisyonan. Magin pastor ka ninda, atamana sinda sagkod lamang.

Isaias 1:21

Paano nagin arog sa maraot na babae an maimbod na syudad, na pano kaidto nin katanosan? Kaidto nag-erok saiya an mga matanos, alagad ngunyan mga paragadan an yaon diyan.

Isaias 1:26

Dangan ibabalik ko an saimong mga hukom siring kaidto, asin man an saimong mga parahatol siring sa kapinonan. Dangan aapodon kang syudad nin katanosan, an maimbod na syudad.”

Isaias 11:9

Mayo nin anoman na maraot na mangyayari sa sainda sa Sion, sa banal na bulod nin Dios, huli ta an kinaban magigin pano kan pakaaram nin Kagurangnan, siring na an kadagatan pano nin katubigan.

Isaias 32:16

Maghahade saen man sa daga an katanosan saka an hustisya,

Isaias 33:5

Dakula nin marahay an Kagurangnan! Naghahade siya sa gabos na bagay. Papanoon niya nin hustisya saka katanosan an Jerusalem

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Jeremias 29:14

Makukua nanggad nindo ako, asin ibabalik ko saindo an saindong mga kayamanan. Titiponon ko kamo hale sa gabos na nasyon saka mga lugar na inalawan ko saindo, dangan ibabalik sa lugar na pinaghalean nindo bago kamo itinapok. Ako, an Kagurangnan, an nagtaram.’

Jeremias 30:18

Nagtataram an Kagurangnan, “Ibabalik ko an sakong banwaan sa saindang daga saka maheherakan ko an lambang pamilya; papatindogon giraray an Jerusalem asin an palasyo ibabalik sa dating lugar.

Jeremias 32:44

Babakalon iyan kan mga tawo, asin sa atubangan nin mga saksi, pipirmahan saka seselyohan an kasuratan nin pagpabakal. Mangyayari ini sa teritoryo ni Benjamin, sa mga baryo sa palibot kan Jerusalem, sa mga banwa nin Juda, sa mga banwa sa mabulod na daga, sa pamitisan kan mga bulod, asin sa parteng habagat nin Juda. An mga tawo ibabalik ko sa saindang daga. Ako, an Kagurangnan, an nagtaram.”

Jeremias 50:7

Sinalakay sinda kan gabos na nakanumpong sainda. Nagsabi an saindang mga kaiwal, ‘Nagkasala sinda sa Kagurangnan, kaya bakong maraot an samong ginibo. Nagsarig sa Kagurangnan an saindang mga ginikanan, asin kutana, nagdanay man sindang maimbod saiya.’

Obadias 1:17

“Alagad may nagkapirang makakadulag pasiring sa Bukid nin Sion, asin iyan magigin sarong banal na lugar. Masasadirihan giraray kan banwaan ni Jacob an daga na talagang pagsadiri ninda.

Mikas 4:1

Sa maabot na mga aldaw, an bukid na namumugtakan kan Templo iyo an magigin pinakahalangkaw sa gabos, mas halangkaw ki sa kabubuldan. Dakul na nasyon an madorolok diyan,

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

Ruth 2:4

Dangan pakalihis nin nagkapirang oras, nag-abot si Boaz hale sa Betlehem. “Mapasaindo an Kagurangnan,” an sabi niya sa mga paraani. “Bendisyonan ka logod nin Kagurangnan,” an simbag ninda.