Jeremias 31:2 - Marahay na Bareta Biblia

² An mga tawong nakaligtas sa kagadanan naherakan ko sa desyerto. Kan an Israel maghanap nin kapahingaloan,

Jeremias 31:2 ပူးပေါင်းရင်းမြစ်များ

Salmo 78:52

Dangan siring sa sarong pastor, pinangenotan niya an saiyang banwaan asin dinara sa desyerto.

Salmo 95:11

Kaya nagsumpa ako sa sakuyang kaanggotan, na dai nanggad sinda makakalaog sa sakong pahingaloan.”

Exodo 1:16

“Kun kamo magpaaki sa mga babaeng Hebreyo, gadanon nindo an aki kun lalaki alagad pabayaan nindong mabuhay kun babae.”

Exodo 1:22

Kaya nagboot an hade sa mga Egipcio, “Itapok nindo sa Salog nin Nilo an lambang bagong mamundag na lalaki sa mga Hebreyo, alagad pabayaan nindong mabuhay an gabos na aking babae.”

Exodo 12:37

Naglakaw an mga Israelita hale sa Rameses pasiring sa Sukkot. Maabot sa seis syentos mil an kalalakihan, dai pa kabilang an mga babae saka mga aki.

Exodo 2:23

Pakalihis nin halawig na panahon, nagadan an hade nin Egipto, alagad an mga Israelita padagos na nasa kaoripnan. Kaya nag-agrangay sinda sa sobrang pagtios—inagrangay na nakaabot sa Dios.

Exodo 33:14

Nagtaram an Kagurangnan, “Iibahan taka asin tatawan nin kapahingaloan.”

Exodo 5:21

Sinabihan ninda an duwa, “Nahiling nin Kagurangnan an ginibo nindo asin huhukoman niya kamo! Huli sa saindo, naanggot sa samo an hade asin an saiyang mga opisyal. Tinawan nindo sinda nin dahelan na gadanon kami.”

Jeremias 2:2

na ipahayag an mensaheng ini sa lambang saro sa Jerusalem. “Nagigiromdoman ko an saimong pagkamaimbod kan ika hoben pa, an saimong pagkamoot sako kan bago kitang kasalon; nagsunod ka sako sa kalangtadan, sa sarong daga na mayo nin maski anong tinanom.

Ezekiel 20:35

Dadarahon ko kamo sa ‘Kalangtadan nin mga Nasyon,’ asin hayag na kokondenaron ko kamo duman.

Oseas 11:4

Dinagka ko sinda sa sako huli sa pakikipagkatood asin pagkamoot. Initaas ko sinda dangan idinuta sa sakong pisngi; nagduko ako sainda asin pinakakan ko sinda.

Mga Bilang 10:33

Pakahale kan mga Israelita sa Sinai, an banal na bukid, tolong aldaw sindang naglakaw. Naenot sainda an Kaban nin Tipan nin Kagurangnan tanganing maghanap nin lugar na saindang mapapahingaloan.

Mga Bilang 14:20

Nagsimbag an Kagurangnan, “Pinapatawad ko sinda, siring kan saimong hinahagad.

Mateo 11:28

“Madya kamo sako, kamo gabos na napapagal asin nagagabatan, ta tatawan ko kamo nin kapahingaloan.

Deuteronomio 1:30

An Kagurangnan na saindong Dios an mangengenot saindo asin makikilaban para saindo, arog kan nahiling nindong ginibo niya sa Egipto

Deuteronomio 1:33

maski danay na nangenot siya saindo tanganing ihanap kamo nin lugar na tutugdokan kan saindong mga tolda saka tanganing itukdo niya saindo an dalan na aagihan, sa paagi nin hariging kalayo kun banggi, saka hariging panganoron kun aldaw.

Deuteronomio 12:9

huli ta dai pa kamo nakakalaog sa daga na itinatao saindo nin Kagurangnan na saindong Dios, saen mag-eerok kamo nin matoninong.

Deuteronomio 2:7

“Benendisyonan kamo nin Kagurangnan na saindong Dios sa gabos nindong gibo. Inataman niya kamo sa saindong pagparalibot sa desyerto asin inibahan niya kamo sa laog nin kwarentang taon; dai kamo nagkulang nin ano man.

Deuteronomio 8:16

Sa kalangtadan, pinakakan niya kamo nin manna, pagkakan na dai pa nanamitan kan saindong mga ginikanan. Pinasakitan niya kamo sa pagbalo saindo, tanganing sa kataposan, tawan niya kamo nin mga marahay na bagay.

Josue 1:13

“Giromdoma nindo an sinabi saindo kan sorogoon nin Kagurangnan na si Moises na an dagang ini sa sirangan kan Jordan itatao saindo nin Kagurangnan na saindong Dios tanganing saindong pag-erokan.