Jeremias 31:19 - Marahay na Bareta Biblia

¹⁹ Nagtalikod kami saimo, alagad boot ming magbalik ngunyan. Pakatapos na padusahan mo kami, idinuko mi an samong mga payo huli sa kamondoan. Nasopog kami saka nawaraan nin onra huli ta nagkasala kami mantang kami mga hoben pa.’

Jeremias 31:19 ပူးပေါင်းရင်းမြစ်များ

Esdras 9:6

Nagsabi ako, “O Dios, nasosopog ako na iitaas an sakong lalawogon sa atubangan mo, huli ta mas halangkaw an samong mga kasalan ki sa samong mga payo, asin an samong karatan nakakaabot sagkod sa kalangitan.

An Libro ni Job 13:26

“Mga mapait na sumbong an dara mo laban sako, sagkod kaidtong nagibo ko kan aki pa ako.

An Libro ni Job 20:11

Dating hoben saka makosog an saiyang hawak, alagad madali na iyan na magin alpog.

Salmo 119:67

Ako nalagalag bago nagtios, alagad ngunyan inootob ko na an saimong tataramon.

Salmo 25:7

Lingawe an sakong mga kasalan kan ako aki pa; huli kan danay mong pagkamoot asin pagkamarahayon, Kagurangnan, ako saimong giromdomon.

Isaias 54:4

Dai ka matakot—dai ka na masosopgan giraray; dai ka na mawawaraan nin onra. Malilingawan mo nang dai ka nagin maimbod sa agom kan ika hoben pa. Malilingawan mo an makuring kapongawan bilang sarong balo.

Jeremias 22:21

Nagtaram saindo an Kagurangnan kan mauswag pa an saindong pamumuhay, alagad habo kamong maghinanyog. Iyo na iyan an gibo nindo poon kan kamo aki pa; dai nanggad kamo nagkuyog sa Kagurangnan.

Jeremias 3:25

Dapat kaming pahigdaon sa kasosopgan, asin tahoban nin disonra. Kami asin an samong mga ginikanan danay na nagkasala sa Kagurangnan na samuyang Dios; dai mi nanggad kinuyog an saiyang mga pagboot.”

Jeremias 32:30

Magpoon sa kapinonan pinauyam na ako saka pinaanggot kan mga taga Israel asin taga Juda huli kan saindang mga gibo.

Ezekiel 21:12

Aki nin tawo, maghibi ka asin maghaya; huli ta an espadang iyan para sa sakong banwaan, asin para sa gabos na prinsipe nin Israel. Gagadanon sinda sa espada kaiba an sakong banwaan. Tumboka an saimong daghan sa kawaraan nin paglaom!

Ezekiel 21:17

Maupak man ako, asin mawawara an sakong kaanggotan. Ako, an Kagurangnan, an nagtaram.”

Ezekiel 23:3

Kan hoben pa sinda, asin nag-eerok pa sa Egipto, nawara an saindang pagkabirhen asin nagin sinda mga maraot na babae.

Ezekiel 36:26

Tatawan ko kamo nin bagong puso, asin bubugtakan ko kamo nin bagong espiritu. Hahaleon ko sa saindo an sutil na pusong gapo asin tatawan ko kamo nin pusong makinuyog.

Ezekiel 36:31

Dangan magigiromdoman nindo an maraot nindong mga ugale saka mga gawe. Mauuyam kamo sa saindong sadiri huli kan saindong mga kasalan asin kasombikalan.

Ezekiel 6:9

saen mamumuhay sinda sa pagkatapokan. Duman ninda ako magigiromdoman asin maaaraman ninda na pinadusahan saka hinahalean ko sinda nin onra, huli ta tinalikodan ako kan saindang bakong maimbod na mga puso asin pinaorog ninda an mga dios-dios ki sa sako. Ikakaongis ninda an saindang sadiri huli sa mga karatan saka makauuyam na mga bagay na saindang ginibo.

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.

Lukas 15:30

Alagad pagpuli kan aki mong iyan na nagsayang kan saimong pagsadiri sa mga maraot na babae, ipinabuno mo pa an pinatabang ogbon na baka!’

Lukas 18:13

Alagad an parasingil nin buhis na nakatindog sa harayo, dai nangangahas magtangad sa langit, kundi tinutumbok an saiyang daghan asin nagsasabi, ‘O Dios ko, kaheraki man ako na sarong parakasala!’

Roma 6:21

Alagad anong karahayan an nakua nindo sa paggibo kan mga bagay na idto na ngunyan ikinakasopog nindo? An bunga kan mga bagay na idto, kagadanan!

Deuteronomio 30:2

Kun kamo asin an saindong mga kapagarakian magbalik sa Kagurangnan na saindong Dios, asin kun kuyogon nindo sa bilog nindong puso an mga pagboot na itinatao ko saindo ngunyan,

2 Timoteo 2:25

patin mahuyo maski kun nagsasagwe kan saiyang mga kalaban, huli ta tibaad pa tawan sinda nin Dios nin oportunidad na makapagbakle saka makamidbid kan katotoohan.