Jeremias 31:15 - Marahay na Bareta Biblia

¹⁵ Nagsasabi an Kagurangnan, “Nadangog sa Rama an sarong tingog— an pagtangis asin pag-agrangay na makosog. Tinatangisan ni Rachel an mga aki niya; habo siyang magparanga, huli ta gadan na sinda.

Jeremias 31:15 ပူးပေါင်းရင်းမြစ်များ

Genesis 35:19

Nagadan si Rachel asin ilinubong sa may dalan pasiring sa Efrat (na ngunyan inaapod Betlehem).

Genesis 37:35

Dinalaw si Jacob kan gabos niyang aking lalaki asin babae tanganing rangahon, alagad padagos siyang nagmondo. Olay niya, “Magagadan akong nagmomondo para sa sakong aki.” Siring kaiyan an pagmondo ni Jacob para ki Jose.

Genesis 42:13

Nagsimbag sinda, “Dose kaming magturugang; mga aki nin saro sanang ama sa daga nin Canaan. Gadan na an saro ming tugang, asin an samong ngohod idtoon ngunyan sa kaibahan kan samong ama.”

Genesis 42:36

Sinabihan sinda ni Jacob, “Gusto nindong mawara an gabos kong aki. Mayo na si Jose; mayo na man si Simeon; asin ngunyan gusto nindong ipag-iba si Benjamin. Ako an nakukulogan!”

Genesis 5:24

Naglakaw si Enoc sa kaibahan nin Dios dangan nawara siya, huli ta kinua siya nin Dios.

An Libro ni Job 7:21

Dai mo na daw ako mapapatawad kan sakong kasalan? Dai mo na daw malilingawan an sala kong ginibo? Huli ta madali na akong magadan; hahanapon mo ako, alagad dai mo ako makukua.”

Salmo 37:36

Nag-agi ako giraray, asin mayo na siya duman; hinanap ko siya, alagad dai ko siya nakua.

Salmo 77:2

Sa aldaw nin sakong kasakitan hinahanap ko an Kagurangnan; magdamlag na iniitaas ko an sakong mga kamot sa pagpamibi, alagad daing nakukuang karangahan an sakong kalag.

Isaias 10:29

Nakalampas na sinda sa hayakpit na dalan asin sa Geba sinda nagpapalihis nin banggi! Nagkakatarakot an mga tawo sa banwaan nin Rama; nagdurulag na an mga tawo sa banwaan ni Hadeng Saul na iyo an Gibea.

Isaias 22:4

Kaya pabayae nindo ako sa mapait kong paghibi para sa sakong mga kahimanwa na nagadan. Hare ako nindo pagrangaha.

Jeremias 10:20

Raot na an samong mga tolda; nagkaparatod na an mga lubid kaini. Mayo na an gabos ming aki; mayo na nin natadang matugdok giraray kan samong mga tolda; mayo na nin masabit kan mga kurtina.”

Jeremias 40:1

Nagtaram sako an Kagurangnan pakatapos na talingkasan ako sa Rama ni Nebuzaradan, an pinakahalangkaw na opisyal kan hukbo. Nakakadenahan na dinara ako kaidto duman, kaiba an ibang mga taga Jerusalem saka taga Juda, na dadarahon bilang mga bilanggo sa Babilonia.

Mga Panambitan 5:7

Nagkasala an samong mga ginikanan, asin mayo na sinda ngunyan, alagad kami an nagtitios para sa saindang mga kasalan.

Ezekiel 2:10

Binukasan kan kamot an libro asin nahiling ko na an mag-ibong kaini pano nin surat—nasusuratan ini nin mga panambitan, mga pagmondo, asin mga pag-agrangay.

Josue 18:25

Kairiba man an Gibeon, Rama, Beerot,

Hukom 4:5

Nakaugalean na ni Debora an pagtukaw sa lindong nin sarong palma, sa pagultanan kan Rama asin Betel sa mabulod na daga nin Efraim. Dinadalaw siya kan mga Israelita huli sa saiyang mga hatol.

1 Samuel 7:17

Dangan minapuli siya sa saiyang harong sa Rama, na pinaglilingkodan man niya bilang hukom. Nagpatugdok siya duman nin altar para sa Kagurangnan.