Jeremias 31:14 - Marahay na Bareta Biblia

¹⁴ Babasogon ko nin masiram na kakanon an mga padi, asin makokontento an sakong banwaan kan sakong karahayan. Ako, an Kagurangnan, an nagtaram.”

Jeremias 31:14 ပူးပေါင်းရင်းမြစ်များ

2 Mga Cronica 6:41

“Tumindog ka, O Kagurangnan Dios, asin kaiba an Kaban nin Tipan, an tanda kan saimong kapangyarihan, lumaog ka sa Templo dangan mag-erok ka digdi sagkod lamang. Magubingan logod nin kaligtasan, Kagurangnan, an saimong kapadian, asin mag-ogma logod an mga banal sa saimong karahayan.

Nehemias 10:39

An gabos na dolot na trigo, arak saka lana nin oliba dadarahon kan banwaan nin Israel asin kan mga Levita, sa mga kwartong sarayan na namumugtakan kan mga kagamitan sa Templo. Digdi nag-eerok an mga padi na naglilingkod sa panahon na iyan, asin an mga bantay saka mga parakanta sa Templo. Dai nyamo papabayaan an Templo nin samuyang Dios.

Salmo 107:9

Huli ta pinapainom niya an mga napapaha, asin an mga nagugutom pinapakakan nin mga marahay na bagay.

Salmo 132:16

An saiyang mga padi gugubingan ko nin kaligtasan, asin an saiyang mga banal makurahaw sa kaogmahan.

Salmo 132:9

An saimong mga padi magubingan logod nin katanosan; an saimong mga banal magkurahaw logod sa kaogmahan!

Salmo 17:15

Para sako, mahihiling ko sa katanosan an saimong lalawogon; pagmata ko dangan mahiling ka, mayo na akong ibang mamawoton.

Salmo 36:8

Nagpipyesta sinda sa dakul na pagkakan sa saimong harong; pinapainom mo sinda sa salog nin saimong pagkamarahayon.

Salmo 63:2

Magpahiling ka sako sa santwaryo; pahilingan sako an saimong kapangyarihan asin kamurawayan.

Salmo 63:5

Magkakakan an sakong kalag asin mababasog; maogmang mag-aawit ako nin pag-omaw sa saimo.

Salmo 63:6

Mantang naghihigda ako, nagigiromdoman taka; bilog na banggi ika sana an sakong iniisip,

Salmo 65:4

Paladan an saimong pinili asin dinara sa saimong santwaryo tanganing duman mag-erok. Tama na para samo an pagkamarahayon nin saimong harong, nin saimong banal na Templo.

Salmo 85:13

An katanosan mangengenot sa Kagurangnan, maandam kan dalan na saiyang lalakawan.

Salmo 90:14

Pagkaaga panoa kami kan danay mong pagkamoot, tanganing mag-awit kami asin mag-ogma sa bilog nyamong pagkabuhay.

Awit nin mga Awit 5:1

Naglaog na ako sa sakong tatamnan, sakong namomotan, sakong agom. Tinitipon ko an sakong pahamot saka mira; kinakakan ko an sakong dugos asin anira; iniinom ko an sakong arak saka gatas. Kakan kamo asin inom o nagkakaminootan sagkod na maburat kamo sa pagkamoot!

Isaias 25:6

Digdi sa Bukid nin Sion, maandam nin bangkete an Kagurangnan nin mga hukbo para sa gabos na nasyon kan kinaban—sarong bangkete nin masiram na mga pagkakan asin managom na mga arak.

Isaias 61:6

Mimidbidon kamo bilang mga padi kan Kagurangnan, an mga sorogoon kan satong Dios. Magkikinabang kamo sa kayamanan kan mga nasyon asin mag-oorgulyo na iyan sadiri nindo.

Jeremias 31:25

Papakosogon ko an mga napapagal saka pakakakanon ko an mga nanluluya huli sa gutom.

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Jeremias 50:19

Ibabalik ko sa sadiri nindang daga an Israel. Kakakanon ninda an kakanon na nagtatalubo sa Bukid nin Carmelo saka sa rehiyon nin Basan. Kakakanon ninda an gabos na magustohan ninda sa mga tinanom na nagtatalubo sa mga teritoryo nin Efraim saka sa Gilead.

Ezekiel 34:14

Ligtas na pasasabsabon ko sinda sa kabukidan nin Israel, sa mga kapatagan asin sa mga berdeng pasabsaban kan daga.

Hageo 2:19

Maski mayo nang natadang trigo, asin dai nagbunga an mga ubas, an mga kahoy na higera, granada asin oliba, alagad poon ngunyan bebendisyonan ko kamo.”

Mateo 5:6

“Paladan an mga nagugutom asin napapaha sa katanosan, huli ta sinda pakababasogon!

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

Efeso 3:19

Masabotan logod nindo an saiyang pagkamoot—maski dai nanggad iyan matugkad nin isip. Mapano logod kamo kan kapanoan nin Dios.

Deuteronomio 33:23

Nagsabi siya manongod ki Neftali: “Benendisyonan nin Kagurangnan si Neftali, pinano kan saiyang biyaya. Abot sa habagat an saiyang daga magpoon sa Danaw nin Galilea.”

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

Kapahayagan 5:10

Ginibo mo sindang kahadean nin mga padi tanganing maglingkod sa satong Dios; maghahade sinda sa daga.”