Jeremias 31:12 - Marahay na Bareta Biblia

¹² Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Jeremias 31:12 ပူးပေါင်းရင်းမြစ်များ

Salmo 130:4

Alagad yaon saimo an pagpatawad, tanganing ika samong katakotan.

Isaias 1:30

Makakaarog kamo sa hamurawon na naluluyos an dahon, asin siring sa tatamnan na mayo nin tubig.

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Isaias 51:11

May kaogmahan na makakaabot sa Jerusalem an mga ilinigtas mo, na nag-aawit saka nagkukurahaw sa kaogmahan. Magigin maogma sinda sagkod lamang, sagkod pa man ligtas sa dusa asin sa kamondoan.

Isaias 52:8

Nagkukurahaw an mga nagbabantay kan syudad, sarabay sindang nagkukurahaw sa kaogmahan! Nahihiling nanggad ninda an pagbalik nin Kagurangnan sa Sion!

Isaias 58:11

Danay ko kamong papangenotan asin tatawan kan marahay na mga bagay. Papakosogon ko kamo asin dai papahelangon. Makakaagid kamo sa sarong tatamnan na danay na binabaribi, siring sa burabod na dai nanggad nagmamara.

Isaias 60:20

An kamondoan mo magkakaigwa nin kataposan. Ako, an Kagurangnan, an saimong magigin ilaw sagkod lamang, na magliliwanag nin mas haloy ki sa aldaw asin bulan.

Isaias 65:19

Ako mismo mapapano nin kaogmahan huli kan Jerusalem asin kan saiyang namamanwaan. Dai na magkakaigwa nin pagtangis diyan, ni paghagad nin tabang.

Jeremias 3:14

“Bakong maimbod na banwaan, magbalik kamo huli ta ako an saindong Kagurangnan. Makua ako saindo nin saro sa lambang banwa asin duwa sa lambang kamaganakan, dangan ibabalik ko kamo sa Bukid nin Sion.

Jeremias 31:24

An mga tawo mag-eerok sa Juda asin sa gabos niyang banwa, siring man an mga paraoma asin an mga pastor kaiba an saindang mga karnero.

Jeremias 31:25

Papakosogon ko an mga napapagal saka pakakakanon ko an mga nanluluya huli sa gutom.

Jeremias 31:4

Papatindogon ko giraray kamo. Magtutugtog giraray kamo kan saindong mga tamborin asin maogma kamong magsasayaw.

Jeremias 31:6

Maabot nanggad an panahon na makurahaw an mga bantay hale sa kabubuldan nin Efraim, ‘Magtukad kita sa Sion, pasiring sa Kagurangnan na satong Dios.’”

Jeremias 31:7

Nagsasabi an Kagurangnan, “Mag-awit kamo sa kaogmahan para sa Israel, an pinakadakula sa mga nasyon. Mag-awit kamo kan awit nin pag-omaw, ‘Ilinigtas nin Kagurangnan an saiyang banwaan, an mga natada sa Israel.’

Jeremias 32:15

Nagtaram an Kagurangnan nin mga hukbo, an Dios nin Israel, na magkakaigwa giraray nin pagbabarakalan nin mga harong, oma, asin ubasan sa dagang ini.”

Jeremias 33:12

Nagtaram an Kagurangnan nin mga hukbo, “Sa dagang ini, na garo desyerto saka mayo nin nag-eerok na tawo o hayop, magkakaigwa giraray nin mga pasabsaban na pagdadarahan kan mga pastor kan saindang mga karnero.

Jeremias 33:13

Sa mga banwa kan mabulod na daga, sa pamitisan kan mga bulod, sa parteng habagat kan Juda, sa daga nin Benjamin, sa mga baryo sa palibot nin Jerusalem, asin sa mga banwa nin Juda, an mga pastor magbibilang giraray kan saindang mga karnero. Ako, an Kagurangnan, an nagtaram.”

Ezekiel 17:23

sa pinakahalangkaw na bukid nin Israel. Magkakaigwa iyan nin mga sanga asin mga bunga, dangan magigin sarong magayon na kahoy na sedro. Manlaen-laen na klase nin gamgam an mag-eerok diyan, asin magpapaili sa limpoy kaiyan.

Ezekiel 20:40

Duman sa daga, sa sakong banal na bukid, an halangkaw na bukid nin Israel, kamo gabos na Israelita masamba sako. Mawiwilihan ko kamo, asin hahagadon ko sa saindong darahan ako nin mga sakripisyo, an saindong pinakamarahay na mga dolot, asin an saindong mga banal na regalo.

Ezekiel 34:14

Ligtas na pasasabsabon ko sinda sa kabukidan nin Israel, sa mga kapatagan asin sa mga berdeng pasabsaban kan daga.

Ezekiel 36:30

Papadakulon ko an bunga kan saindong mga kahoy saka mga oma, tanganing dai na kamo magkaigwa nin gutom na masopog sa saindo sa tahaw kan mga nasyon.

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Joel 3:18

Sa panahon na iyan matatahoban nin mga ubasan an kabukidan, asin sa gabos na bulod makukua an kabakahan; an gabos na sapa nin Juda magbubulos nin tubig. Sarong sapa an mabulos hale sa Templo nin Kagurangnan, dangan babaribihon kaiyan an Sittim.

Hageo 2:19

Maski mayo nang natadang trigo, asin dai nagbunga an mga ubas, an mga kahoy na higera, granada asin oliba, alagad poon ngunyan bebendisyonan ko kamo.”

Zacarias 8:12

Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Juan 16:22

Arog kamo kaiyan: mamondo kamo ngunyan, alagad mahihiling ko kamo liwat, asin an saindong puso mapapano nin kaogmahan na dai maaagaw saindo nin siisay man.

Roma 2:4

O tibaad hinahaboan mo an saiyang dakulang pagkamaboot, pagkamatinios asin pagkapasensyoso? Dai mo aram na maboot siya saimo huli ta boot ka niyang magbakle?

Kapahayagan 21:4

Papahidon niya an gabos nindang luha. Mayo na nin kagadanan, kamondoan, pagtangis o kasakitan, huli ta napara na an mga daan na bagay.”

Kapahayagan 7:17

huli ta an Kordero na nasa tahaw kan trono iyo an saindang pastor. Dadarahon niya sinda sa mga burabod nin tubig na nagtatao nin buhay, asin papahidon nin Dios an gabos na luha sa saindang mga mata.”