Jeremias 31:10 - Marahay na Bareta Biblia

¹⁰ Nagtataram an Kagurangnan, “Mga nasyon, maghinanyog kamo sako saka ipahayag nindo an sakong mga tataramon sa hararayong baybayon. Iwinarak ko an sakong banwaan, alagad titiponon ko sinda saka babantayan arog kan pagbantay kan pastor sa saiyang mga karnero.

Jeremias 31:10 ပူးပေါင်းရင်းမြစ်များ

Genesis 10:5

Sinda an mga ginikanan kan mga tawong nag-eerok sa mga baybayon asin sa mga isla. Sinda an mga aking lalaki ni Jafet, na an lambang saro nagin dakulang nasyon na may sadiring daga saka lengwahe.

Salmo 147:2

Pinapatindog nin Kagurangnan an Jerusalem; ibinabalik niya an mga nabihag na Israelita.

Salmo 23:1

An Kagurangnan iyo an sakong pastor; daing ano man na magkukulang sako.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Mga Talinhaga 27:23

Atamana nin marahay an saimong mga karnero asin mga baka,

Isaias 24:14

An mga matatada mag-aawit sa kaogmahan. Magbabareta an mga nasa solnopan kun gurano kadakula an Kagurangnan,

Isaias 27:12

Sa aldaw na iyan, magpoon sa Salog nin Eufrates sagkod sa pagdolonan kan Egipto, saro-sarong titiponon nin Kagurangnan an saiyang banwaan, siring sa sarong tawo na naglalaen kan trigo sa ata.

Isaias 40:1

“Rangaha nindo an sakong banwaan,” an sinasabi kan satong Dios. “Rangaha nindo sinda!

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Isaias 41:1

Nagsabi an Dios, “Pag-alo kamo asin pagdangog sako, kamo na mga harayong daga! Mag-andam kamo sa pagdara kan saindong kaso sa hukoman; tatawan kamo nin panahon na magtaram. Magtiripon kita tanganing maaraman ta kun siisay an tama.

Isaias 42:10

Awitan nindo nin bagong awit an Kagurangnan; awita nindo an saiyang pag-omaw, bilog na kinaban! Omawon nindo siya, gabos na linalang sa dagat. Mag-awit kamo, mga harayong daga asin kamo gabos na nag-eerok diyan!

Isaias 42:4

Dai siya mawawaraan nin paglaom o kosog nin boot; papupusogon niya an hustisya sa kinaban. Hinahalat kan mga harayong daga an saiyang katukdoan.”

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 54:7

“Sa kadikit na panahon binayaan taka; sa dakulang pagkamoot kukuahon taka.

Isaias 60:9

An mga sakayan na ini harale sa harayong mga daga; nakalunad diyan an banwaan nin Dios. May dara sindang plata saka bulawan tanganing omawon an ngaran nin Kagurangnan, an banal na Dios nin Israel, na nagpamuraway kan saiyang banwaan sa mata kan gabos na nasyon.

Isaias 66:19

asin maaaraman ninda na ako an nagpapadusa sa sainda. “Alagad dai ko gagadanon an iba sainda. Susugoon ko sinda sa mga nasyon asin sa mga hararayong lugar na dai pa nakakadangog kan sakong kabantogan saka kapangyarihan: sa Espanya, sa Libya, asin sa Lydia, na igwang ekspertong mga parapana, patin sa Tubal saka sa Grecia. Ipapahayag kan mga tawong ini an sakong kadakulaan sa mga nasyon na ini.

Jeremias 23:4

Mapili ako nin mga pamayo na mag-aataman sainda. An sakong banwaan dai na nanggad matatakot ni matitikbahan; mayo na nin mawawara sainda. Ako, an Kagurangnan, an nagtaram.”

Jeremias 3:15

Tatawan ko kamo nin mga pamayo na nagkukuyog sako, asin papamayohan ninda kamo na may kadonongan saka pakasabot.

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Jeremias 50:19

Ibabalik ko sa sadiri nindang daga an Israel. Kakakanon ninda an kakanon na nagtatalubo sa Bukid nin Carmelo saka sa rehiyon nin Basan. Kakakanon ninda an gabos na magustohan ninda sa mga tinanom na nagtatalubo sa mga teritoryo nin Efraim saka sa Gilead.

Ezekiel 11:16

“Kaya taraman mo an kapwa mo itinapok kaining sinasabi ko. Ako an nagdara sainda tanganing mag-erok sa harayong mga nasyon asin ako an nagwarak sainda sa ibang mga daga. Alagad makakaibahan ninda ako sa mga daga na saindang dinumanan sa laog kan panahon na iyan.

Ezekiel 20:34

Ipapahiling ko saindo an sakong kaanggotan asin an sakong kapangyarihan kun tiponon ko na kamo hale sa gabos na daga na nagkawararakan saindo.

Ezekiel 34:12

siring na an sarong pastor nag-aataman kan saiyang mga karnerong nagkawararak, asin tinitipon niya giraray. Ibabalik ko sinda hale sa mga lugar na pinagkawararakan ninda kaidtong madiklom saka makuri na aldaw.

Ezekiel 37:24

Sarong hade na arog ki David na sakuyang sorogoon an magigin hade ninda. Magkakasararo sinda sa irarom kan pamamayo nin sarong hade asin maimbod na kukuyogon ninda an sakuyang mga togon.

Ezekiel 5:10

Mangyayari na an mga aki sa Jerusalem kakakanon kan saindang mga magurang, asin an mga magurang kakakanon kan saindang mga aki. Papadusahan taka asin an mga matadang buhay iwawarak ko sa gabos na direksyon.

Ezekiel 5:2

An saro sa tolong kabtang suloon mo sa tahaw kan syudad kun tapos na an pagsalakay. An ikaduwang kabtang kan buhok purutolon mo kan saimong espada mantang naglilibot ka sa syudad, dangan an ikatolong kabtang kan buhok iwarak mo tanganing ipadpad kan doros asin lalamagon ko iyan kan sakong espada.

Daniel 11:18

Pakatapos kaiyan, sasalakayon niya an mga nasyon sa tampi kan dagat asin sasakopon niya an kadaklan sainda. Alagad dadaogon siya kan sarong dayuhan na lider asin tataposon kaini an saiyang kapaabaw-abawan; sa katotoohan ipapakakan kan lider na ini sa hade nin Siria an kapalangkawan kaini.

Levitico 26:33

Dadarahan ko kamo nin gera, asin iwawarak ko kamo sa mga dayuhan na daga. Mababayaan an sadiri nindong daga dangan magkakagaraba an saindong mga syudad.

Mikas 2:12

“Alagad titiponon ko kamo, kamo gabos na natada sa Israel. Sarabay ko kamong dadarahon siring sa mga karnero na nagbabalik sa toril. Arog sa pasabsaban na pano nin karnero, magigin pano giraray nin tawo an saindong daga.”

Mikas 4:6

Nagsasabi an Kagurangnan, “Maabot an panahon na titiponon ko an mga tawong sakong pinadusahan, an mga nagtios sa pagkatapokan.

Mikas 5:4

Pagdatong niya, papamayohan niya an saiyang banwaan sa kosog na naghahale sa Kagurangnan asin sa kamurawayan kan ngaran nin Kagurangnan na saiyang Dios. Mamumuhay sa katoninongan an saiyang banwaan huli ta an mga tawo sa bilog na daga magmimidbid kan saiyang kadakulaan,

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.

Sofonias 3:19

Maabot an panahon na papadusahan ko an nag-api saimo; ililigtas ko an mga lopog asin ibabalik ko sa saindang mga harong an mga itinapok. An saindang kasosopgan riribayan ko nin kaomawan asin kabantogan sa bilog na daga.

Zacarias 10:8

“Aapodon ko an sakong banwaan asin titiponon. Ililigtas ko sinda dangan papadakulon siring kaidto.

Zacarias 2:6

Tinaraman nin Kagurangnan an saiyang banwaan, “Iwinarak ko kamo sa gabos na direksyon, alagad dumulag kamo hale sa Babilonia asin bumalik kamo sa Jerusalem.

Zacarias 9:16

Pag-abot kan aldaw na iyan, ililigtas nin Kagurangnan an saiyang banwaan, siring kan pagligtas nin sarong pastor sa saiyang mga karnero na nasa pag-alaman. Magliliwanag sinda sa saiyang daga arog sa mamahalon na bato sa sarong korona.

Lukas 12:32

“Dai kamo matakot, sadit na ariponpon, huli ta kaogmahan kan saindong Ama na itao saindo an Kahadean.

Juan 10:27

Nagdadangog sako an mga karnero ko; midbid ko sinda asin sinusunod ninda ako.

Juan 11:52

asin bako sanang para sa nasyon, kundi tanganing tiponon man an gabos na nagkawaragas na mga aki nin Dios.

Deuteronomio 30:4

Maski nagkawararak kamo sa pinakaharayong parte kan daga, titiponon kamo nin Kagurangnan na saindong Dios asin ibabalik,

Deuteronomio 32:26

Gabos kuta sinda sakong gagadanon tanganing sa sainda mayo nang makagiromdom.