Jeremias 30:9 - Marahay na Bareta Biblia

⁹ Embes kaiyan, maglilingkod sinda sako, an Kagurangnan na saindang Dios, saka sa sarong kapagarakian ni David, na patutukawon ko bilang hade.

Jeremias 30:9 ပူးပေါင်းရင်းမြစ်များ

Salmo 89:49

Kagurangnan, haen na an danay mong pagkamoot kaidto, na isinumpa mo ki David sa saimong pagkamaimbod?

Jeremias 23:5

Nagsasabi an Kagurangnan, “Maabot an panahon na pipilion ko an sarong matanos na kapagarakian ni David tanganing magin hade. May kadonongan niyang paghahadean an bilog na daga dangan gigibohon niya an tama asin matanos.

Jeremias 29:11

Ako sana an nakakaaram kan mga plano ko para saindo, mga plano na darahan kamo nin kaginhawahan asin bakong karatan, mga plano na tawan kamo nin paglaom sa saindong huring mga aldaw.

Jeremias 30:21

An saindang pamayo magikan sa sadiri nindang nasyon, an saindang prinsipe maghahale sa sainda man sana. Madolok siya sako kun alokon ko siya, huli ta siisay an mangangahas na dumolok na dai inalok? Sinda magigin banwaan ko, asin ako an magigin Dios ninda. Ako, an Kagurangnan, an nagtaram.”

Jeremias 33:15

Sa panahon na iyan, pipilion ko bilang hade an sarong matanos na kapagarakian ni David. Gigibohon kan hade an tama saka matanos sa bilog na daga.

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Mateo 2:2

Naghapot sinda, “Haen an omboy na namundag na magigin hade kan mga Judio? Nahiling mi an saiyang bitoon sa sirangan kaya nagdigdi kami nganing sambahon siya.”

Lukas 1:69

Nagpadara siya sato nin sarong mapangyaring Paraligtas, sarong gikan ki David na saiyang sorogoon.

Mga Gibo 13:23

Ining si Jesus, na saro kan kapagarakian ni David, an ginibo nin Dios na Paraligtas kan mga Israelita, siring sa ipinanuga niya.

Mga Gibo 13:34

Ipinahayag nin Dios na si Jesus bubuhayon niya liwat, tanganing dai nanggad malapa an saiyang hawak kan magsabi siya sa mga Kasuratan: ‘Itatao ko saindo an banal asin masasarigan na mga bendisyon na ipinanuga ko ki David.’

Mga Gibo 2:30

Propeta siya; aram niya an panuga nin Dios na an sarong gikan saiya matukaw sa saiyang trono: