Jeremias 30:23 - Marahay na Bareta Biblia

^23-24 An kaanggotan nin Kagurangnan sarong bagyo, sarong makosog na doros na naghahagubohob sa ibabaw kan mga payo kan mga tampalasan. Dai iyan matatapos sagkod na dai niya nagigibo an gabos na boot niyang gibohon. Malinaw na masasabotan iyan kan saiyang banwaan sa maabot na aldaw.

Jeremias 30:23 ပူးပေါင်းရင်းမြစ်များ

Salmo 58:9

Siring sa doot, berde man o alang, sighidon logod sinda nin Dios, bago magkaigwa nin tonok.

Mga Talinhaga 1:27

kun ini mag-abot saindo siring sa bagyo, na may darang doros nin kasakitan, asin kun kamo nakukulogan saka nagmomondo.

Jeremias 25:32

An Kagurangnan nin mga hukbo nagsasabi na maabot an karatan sa lambang nasyon, asin sarong makosog na bagyo an nag-iitaas hale sa harayong mga poro kan kinaban.

Jeremias 4:11

Maabot an panahon na an mga taga Jerusalem sasabihan na may mainit na doros na mahoyop sainda hale sa desyerto. Bako iyan maluyang doros na mapalid sana kan ata,

Mga Panambitan 1:12

“Kamo na mga nag-aagi, mayo daw nin halaga ini saindo? Hilinga kun igwa nin kamondoan arog kan sakuyang kamondoan, na dinadara sako nin Kagurangnan kan aldaw nin labi-labi niyang kaanggotan.

Zacarias 9:14

An Kagurangnan matunga sa ibabaw kan saiyang banwaan; garo kikilat na bubutasan niya an saiyang mga bosog. Papatanogon kan Kagurangnan Dios an trompeta, dangan mamartsa siya sa mga bagyong hale sa habagat.