Jeremias 30:18 - Marahay na Bareta Biblia

¹⁸ Nagtataram an Kagurangnan, “Ibabalik ko an sakong banwaan sa saindang daga saka maheherakan ko an lambang pamilya; papatindogon giraray an Jerusalem asin an palasyo ibabalik sa dating lugar.

Jeremias 30:18 ပူးပေါင်းရင်းမြစ်များ

1 Mga Cronica 29:1

Sinabihan ni David an bilog na katiriponan, “Hoben pa saka kulang pa nin pakaaram an sakuyang aki na si Solomon, na pinili nin Dios. Dakula an trabaho, huli ta an papatindogon bakong palasyo para sa tawo kundi sarong Templo para sa Kagurangnan Dios.

1 Mga Cronica 29:19

Itao mo ki Solomon na sakuyang aki an tudok sa puso na pagmawot na maotob an saimong mga togon saka mga pagboot, asin na ikapatugdok niya an Templo, na inandaman ko kan mga bagay na ini.”

Nehemias 7:4

An Jerusalem sarong dakulang syudad, alagad dikit an mga nag-eerok sa laog kaiyan asin dikit man an mga harong.

Salmo 102:13

Mabangon ka asin maheherak sa Sion, huli ta panahon ini nin pagkaherak saiya; an talaan na panahon uminabot na.

Salmo 102:14

Padangat siya kan saimong mga sorogoon, maski ngani siya naraot; naheherak sinda saiya, maski ngani siya naronot.

Salmo 122:7

Magkaigwa logod nin katoninongan sa laog nin saimong mga kudal, asin katiwasayan sa saimong mga bantayan!”

Salmo 48:13

hilinga nin marahay an mga kudal asin siyasata an mga bantayan, tanganing ikaosip mo sa masunod na henerasyon:

Salmo 48:3

An Dios nagpapahiling na sa laog kan mga bantayan siya an pailihan.

Salmo 78:69

Duman niya itinugdok an saiyang Templo arog kan harong niya sa langit; pinakosog niya iyan arog kan daga, na saiyang pinamugtak sagkod lamang.

Salmo 85:1

Kagurangnan, naherakan mo an saimong daga; ibinalik mo an mga kayamanan ni Jacob.

Isaias 44:26

Alagad kun minahula an sakong sorogoon, kun minasubol ako nin sugo nganing ipahayag an sakong plano an mga plano saka mga hula na iyan ginigibo kong magkatotoo. Sinasabihan ko an Jerusalem na mag-eerok giraray duman an mga tawo, asin an mga syudad nin Juda, na hihirahayon sinda. An mga syudad na iyan hihirahayon giraray.

Isaias 44:28

Sinasabihan ko si Ciro, ‘Ika an maghahade para sa sako; gigibohon mo an boot kong ipagibo saimo: ipagboboot mong pakarhayon an Jerusalem asin ibugtak an pundasyon kan Templo.

Jeremias 23:3

Titiponon ko an natada sa sakong banwaan hale sa mga nasyon na tinapokan ko sainda. Ibabalik ko sinda sa dagang namundagan ninda dangan mag-aaki giraray sinda saka madakul.

Jeremias 29:11

Ako sana an nakakaaram kan mga plano ko para saindo, mga plano na darahan kamo nin kaginhawahan asin bakong karatan, mga plano na tawan kamo nin paglaom sa saindong huring mga aldaw.

Jeremias 29:14

Makukua nanggad nindo ako, asin ibabalik ko saindo an saindong mga kayamanan. Titiponon ko kamo hale sa gabos na nasyon saka mga lugar na inalawan ko saindo, dangan ibabalik sa lugar na pinaghalean nindo bago kamo itinapok. Ako, an Kagurangnan, an nagtaram.’

Jeremias 30:3

huli ta nagdadangadang na an aldaw na ibabalik ko an banwaan ko, an Israel asin an Juda, saka an saindang kayamanan. Ibabalik ko sinda sa daga na itinao ko sa mga ginikanan ninda, asin masasadirihan ninda giraray iyan. Ako, an Kagurangnan, an nagtaram.”

Jeremias 31:23

An Kagurangnan nin mga hukbo, an Dios nin Israel, nagtataram, “Kun ibalik ko na an banwaan sa saindang daga, masabi giraray sinda sa daga nin Juda asin sa saiyang mga banwa, ‘Bendisyonan logod nin Kagurangnan an sagradong bulod nin Jerusalem, an banal na lugar na saiyang pinag-eerokan.’

Jeremias 31:38

“Maabot an panahon,” an sabi nin Kagurangnan, “na itutugdok giraray an Jerusalem bilang syudad ko, magpoon sa Tore nin Hananel sagkod sa Kantong Trangkahan.

Jeremias 31:4

Papatindogon ko giraray kamo. Magtutugtog giraray kamo kan saindong mga tamborin asin maogma kamong magsasayaw.

Jeremias 31:40

Magigin banal sako an bilog na kapantayan na pinaglulubongan kan mga gadan saka pinagtatapokan kan mga ati, asin an gabos na oma sa itaas kan Sapa nin Kidron sagkod sa Trangkahan nin Kabayo sa parteng sirangan. Dai na nanggad magagaba o masasakop nin siisay man an syudad na ini.”

Jeremias 32:15

Nagtaram an Kagurangnan nin mga hukbo, an Dios nin Israel, na magkakaigwa giraray nin pagbabarakalan nin mga harong, oma, asin ubasan sa dagang ini.”

Jeremias 32:44

Babakalon iyan kan mga tawo, asin sa atubangan nin mga saksi, pipirmahan saka seselyohan an kasuratan nin pagpabakal. Mangyayari ini sa teritoryo ni Benjamin, sa mga baryo sa palibot kan Jerusalem, sa mga banwa nin Juda, sa mga banwa sa mabulod na daga, sa pamitisan kan mga bulod, asin sa parteng habagat nin Juda. An mga tawo ibabalik ko sa saindang daga. Ako, an Kagurangnan, an nagtaram.”

Jeremias 33:11

an mga tingog nin kaogmahan asin kagayagayahan saka an maogmang tingog kan mga bagong kasal. Madadangog mo na nag-aawit an mga tawo mantang dinadara ninda an saindang mga dolot nin pasasalamat sa sakong Templo; masabi sinda, ‘Magpasalamat sa Kagurangnan nin mga hukbo, huli ta siya marahayon asin an saiyang pagkamoot mayo nin kataposan.’ Gigibohon kong magin mauswag giraray an dagang ini arog kan dati. Ako, an Kagurangnan, an nagtaram.”

Jeremias 33:7

Papauswagon ko an Juda saka an Israel, asin papatindogon ko giraray sinda arog kan dati.

Jeremias 46:27

“Banwaan ko, dai kamo matakot; mga taga Israel, dai kamo makubhanan. Ililigtas ko kamo hale sa harayong daga na iyan, sa daga na pinagbilanggoan saindo. Mapuli kamo saka mamumuhay na matoninong; magigin matiwasay kamo, asin mayong mapatakot saindo.

Jeremias 49:39

Alagad maabot an panahon na papauswagon ko giraray an Elam. Ako, an Kagurangnan, an nagtaram.”

Jeremias 49:6

“Alagad pakalihis kaini, papauswagon ko giraray an Ammon. Ako, an Kagurangnan, an nagtaram.”

Ezekiel 36:11

Papadakulon ko an bilang kan mga tawo saka mga hayop. Magigin mas dakul sinda ki sa kaidto, asin magkakaigwa kamo nin dakul na aki. Mag-eerok kamo duman arog kaidtong panahon asin orog ko kamong papauswagon. Dangan maaaraman nindo na ako an Kagurangnan.

Amos 9:14

Ibabalik ko an sakong banwaan sa saindang daga. Hihirahayon ninda an nagkararaot nindang syudad asin mag-eerok sinda duman; matanom sinda nin mga ubas asin iinomon ninda an arak; matanom sinda sa mga tatamnan patin makakan kan bunga kaiyan.

Zacarias 1:12

Dangan nagtaram an anghel, “O Kagurangnan nin mga hukbo, setentang taon na ngunyan na naaanggot ka sa Jerusalem saka sa mga syudad nin Juda. Sagkod nuarin pa kaya bago mo ipahiling sainda an pagkaherak?”

Zacarias 1:16

Kaya nagbalik ako sa Jerusalem tanganing pahilingan nin pagkaherak an syudad. Papakarahayon giraray an sakong Templo asin papatindogon man an syudad.”

Zacarias 12:6

“Sa panahon na iyan, gigibohon ko an mga kamaganakan nin Juda na magin arog sa kalayo sa sarong kadlagan o sa sarong oma na madali nang anihon—raraoton ninda an gabos na nasyon sa palibot. An mga taga Jerusalem magdadanay na ligtas sa laog kan syudad.

Zacarias 12:7

“Ako, an Kagurangnan, an matao nin kapangganahan enot sa mga hukbo nin Juda, tanganing an onra na aakoon kan mga kapagarakian ni David asin kan banwaan nin Jerusalem dai makaorog kan aakoon kan ibang kabtang nin Juda.

Zacarias 14:10

An bilog na daga, magpoon sa Geba sa amihan sagkod sa Rimmon sa habagat, magigin sarong kapatagan. Alagad magdadanay na halangkaw an Jerusalem ki sa ibang daga sa palibot kaini; an syudad minapoon sa Trangkahan ni Benjamin sagkod sa Trangkahan sa Kanto, sa namumugtakan kaidto kan enot na trangkahan, asin minapoon sa Tore ni Hananel sagkod sa mga pugaan nin ubas kan hade.