Jeremias 30:16 - Marahay na Bareta Biblia

¹⁶ Alagad ngunyan, hahalonon an gabos na naghahalon saindo, asin an gabos nindong kaiwal dadarahon bilang mga bihag. An gabos na nag-aapi saindo aapihon asin an gabos na nananamsam saindo sasamsaman.

Jeremias 30:16 ပူးပေါင်းရင်းမြစ်များ

Salmo 129:5

Magkasoropog logod asin magsiribog an gabos na naoongis sa Sion.

Exodo 23:22

Alagad kun sunodon nindo siya asin gibohon an gabos kong itinaram, lalabanan ko an gabos nindong kaiwal.

Mga Talinhaga 22:23

Susurogon sinda nin Kagurangnan, asin hohomaan niya an buhay nin siisay man na naghohoma kan buhay ninda.

Isaias 14:2

Magtatarabang an dakul na nasyon sa pagbalik nin Israel sa saiyang sadiring daga, asin paglilingkodan ninda an Israel bilang mga oripon. An mga nagsakop kaidto sa Israel iyo an sasakopon nin Israel, asin an Israel iyo an mahade sa mga tawong nag-api sainda kaidto.

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Isaias 54:15

Kun may magsalakay saimo iyan bakong kabotan ko; madadaog an siisay man na makikilaban saimo.

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Jeremias 10:25

Iula mo an labi-labi mong kaanggotan sa mga nasyon na dai nagmimidbid saimo, asin sa mga tawo na dai nag-aapod kan saimong ngaran. Ginadan ninda an saimong banwaan; rinonot nanggad ninda kami asin binayaan nindang raot an samong daga.

Jeremias 12:14

Nagtataram an Kagurangnan, “Igwa ako nin sasabihon manongod sa mga kataed nin Israel na nagraot kan daga na sakong itinao sa banwaan kong Israel. Hahaleon ko an mga maraot na tawong iyan sa sadiri nindang daga na garo ginabot na tinanom, asin ililigtas ko sa sainda an Juda.

Jeremias 2:3

Israel, ika para sa sakuya sana; ika an sakong banal na rogaring. Pinadarahan ko nin kasakitan asin kapahamakan an siisay man na nagkulog saimo. Ako, an Kagurangnan, an nagtaram.”

Jeremias 25:12

Pakatapos kaiyan papadusahan ko an Babilonia asin an saiyang hade huli kan saindang kasalan. Rurumpagon ko an nasyon na iyan saka papabayaan na raot sagkod lamang.

Jeremias 30:15

Tadaw ta nag-aagrangay kamo manongod kan saindong kulog? Dai na mabobolong iyan. Pinadusahan ko kamo nin siring kaini huli ta dakula an saindong karatan asin kadakul kan saindong ginibong kasalan.

Jeremias 50:28

May mga tawong nagdurulag hale sa Babilonia saka nakaabot sa Jerusalem, asin inosip ninda an pagbalos na ginibo nin Kagurangnan na satong Dios sa Babilonia huli kan ginibo kaini sa saiyang Templo.)

Jeremias 8:16

An satong mga kaiwal yaon na sa syudad nin Dan; madadangog hale duman an sinogrot kan saindang mga kabayo. Sa hinirihiri kan saindang mga kabayo, nagtatakig an bilog na daga. Huli ta nag-abot na an mga kaiwal na maraot kan satong daga, na magaba kan satong syudad asin magadan kan mga nag-eerok diyan.”

Mga Panambitan 1:21

“Dangoga an sakong inagrangay; mayo nin nagraranga sako. Naoogma an mga kaiwal ko kan madangog an mga kasakitan na ipinadara mo sako. Paabota na an aldaw na saimong panuga, asin arog sako pasakitan mo man an mga kaiwal ko.

Mga Panambitan 1:22

“Kondenara sinda huli kan saindang mga karatan, siring na pinadusahan mo ako huli kan sakong mga kasalan. Minaagrangay ako sa kasakitan, asin pinanluluya an sakuyang puso.”

Ezekiel 29:6

Dangan maaaraman kan gabos na tawo sa Egipto na ako an Kagurangnan.” Nagtataram an Kagurangnan, “Ika, Egipto, an sinarigan kan mga Israelita, alagad maluya ka man arog sa sarong bariw.

Ezekiel 35:5

“Danay na kaiwal ka nin Israel asin pinabayaan mong magkagaradan an mga namamanwaan diyan sa panahon nin saindang kasakitan, an panahon nin huring pagpadusa sainda huli kan saindang mga kasalan.

Joel 3:8

Itutugot kong ipabakal man an saindong mga aking lalaki saka mga babae sa mga taga Juda; ini an mapabakal sainda sa mga Sabeo, sa sarong nasyon na harayo nin marahay. Ako, an Kagurangnan, an nagtaram.

Mikas 4:11

Dakul na nasyon an nagtiripon tanganing salakayon ka. Nagsasabi sinda, “Kaipuhan raoton an Jerusalem! Mahihiling ta an pagkaraot kan syudad na ini!”

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Nahum 1:8

Arog sa sarong masulog saka dakulang baha pinupuho niya an saiyang mga kaiwal; an mga minasalungat saiya isinusubol niya sa saindang kagadanan.

Habakkuk 2:16

Sosopogon man kamo embes na oomawon. Mainom man kamo asin magsasayasay. Papainomon kamo nin Kagurangnan sa sadiri nindong kalis nin padusa, asin magigin kasosopgan an saindong kaomawan.

Sofonias 2:8

An Kagurangnan nin mga hukbo nagtataram, “Nadangog ko an pagtuyatuya asin pag-olog-olog kan mga taga Moab saka Ammon sa sakong banwaan, asin naghahambog sinda na sasakopon ninda an daga kaini.

Zacarias 1:14

dangan sinabihan ako kaini na ipahayag ko an itinaram kan Kagurangnan nin mga hukbo: “Namomotan ko nin marahay asin igwa ako nin pagmakulog sa Jerusalem, an sakong banal na syudad.

Zacarias 1:15

Anggot ako nin marahay sa mga nasyon na nakakamate ngunyan nin katoninongan. Huli ta mantang pinupugolan ko an sakong kaanggotan laban sa sakong banwaan, orog pang dinagdagan kan mga nasyon an kasakitan kan sakong banwaan.

Zacarias 12:2

“An Jerusalem gigibohon kong arog sa sarong kalis nin arak; mainom an mga nasyon sa palibot niya asin magsasayasay sinda siring sa mga burat. Kun palibotan na ninda an Jerusalem, an mga syudad sa natatada pang kabtang nin Juda mapapalibotan man.

Zacarias 14:2

Titiponon nin Kagurangnan an gabos na nasyon tanganing labanan an Jerusalem. Masasakop an syudad, sasamsaman an mga harong, asin lulupigan an kababaehan. Itatapok an kabanga kan mga tawo, alagad dai bibihagon an kabanga sainda.

Zacarias 2:12

An Juda magigin sarong mahalagang rogaring giraray nin Kagurangnan sa banal na daga, asin an Jerusalem iyo an syudad na mamomotan niya nin orog sa gabos.

Zacarias 2:8

An siisay man na makikiaram saindo, makikiaram kan pinakamahalaga para sako.” Kaya sinugo ako kan Kagurangnan nin mga hukbo na darahon an mensaheng ini sa mga nasyon na nanamsam kan saiyang banwaan;

Deuteronomio 30:7

Ipapadara nin Kagurangnan an mga maldisyon na ini sa saindong mga kaiwal na naongis asin nag-api saindo.

Kapahayagan 13:10

An para sa pagkabihag, mabibihag mananggad; an para sa espada, magagadan sa espada. Kaya an mga banal dapat na magkaigwa nin pakatagal saka pagtubod.”

1 Samuel 17:53

Pagbalik kan mga Israelitang nagralamag sa mga Filisteo, nanamsam sinda sa kampo kan mga Filisteo.