Jeremias 30:15 - Marahay na Bareta Biblia

¹⁵ Tadaw ta nag-aagrangay kamo manongod kan saindong kulog? Dai na mabobolong iyan. Pinadusahan ko kamo nin siring kaini huli ta dakula an saindong karatan asin kadakul kan saindong ginibong kasalan.

Jeremias 30:15 ပူးပေါင်းရင်းမြစ်များ

Esdras 9:13

Maski pakatapos kan gabos na nangyari samo bilang padusa kan samong mga kasalan asin kasombikalan, aram nyamo na kulang pa nin marahay an padusa mo samo, O samuyang Dios, asin tinugotan mo pa kaming mabuhay.

An Libro ni Job 34:29

“Kun siya magtoninong, siisay an makondenar? Kun tagoon niya an saiyang lalawogon, siisay an makakahiling saiya, nasyon man o tawo?

An Libro ni Job 34:6

maski igwa ako nin deretso, ibinibilang akong putikon; an sakong lugad dai nabobolong, maski mayo akong kasalan.’

Salmo 107:17

An nagkapira sainda mga lolong, nagtitios huli kan saindang mga kasalan asin huli kan saindang karatan;

Isaias 1:6

Magpoon sa bitis sagkod sa payo, mayo nin kaginhawahan, kundi mga bakros saka mga gatok asin nagdudugong mga lugad; dai nagkahurugasan o nabugkosan, o nalahidan nin lana.

Isaias 5:2

Kinalot niya an daga asin hinale an mga gapo, dangan tinanoman nin mga piling balagon. Nagpatindog siya nin sarong bantayan sa tahaw kaiyan, asin naggibo nin kalot na pagpupugaan kan mga ubas. Naghalat siyang maghinog an mga ubas alagad kan ini mahinog, maalsom an lambang saro.

Jeremias 11:13

An mga dios-dios kan mga taga Juda arog kadakul kan saindang mga syudad asin an mga altar na itinugdok kan mga nag-eerok sa Jerusalem para sa makauuyam na dios-dios na si Baal arog kadakul kan mga tinampo nin Jerusalem.

Jeremias 15:18

Tadaw ta dai na natatapos an sakong kasakitan? Tadaw ta dai na nabobolong an sakong mga lugad? Tinutuyo mo daw na, para sako, ika magin arog sa sarong sapa na nagmamara sa tig-init?”

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Jeremias 30:12

An Kagurangnan nagtataram sa saiyang banwaan, Dai mabobolong an saindong kulog, saka hararom an saindong lugad.

Jeremias 30:14

Liningawan na kamo kan saindong ilusyon; dai na sinda nagmamakulog saindo. Huli ta tinawan ko kamo kan hampak nin sarong kaiwal, kan padusa nin sarong mayong herak na kalaban, huli ta dakula an saindong karatan asin kadakul kan saindong kasalan.

Jeremias 30:16

Alagad ngunyan, hahalonon an gabos na naghahalon saindo, asin an gabos nindong kaiwal dadarahon bilang mga bihag. An gabos na nag-aapi saindo aapihon asin an gabos na nananamsam saindo sasamsaman.

Jeremias 30:17

Itatao ko giraray saindo an marahay na hawak; bobolongon ko an mga lugad nindo maski nagsasabi an mga kaiwal nindo, ‘Isinikwal an Sion; mayo nin siisay man na nagmamakulog saiya!’ Ako, an Kagurangnan, an nagtaram.”

Jeremias 46:11

Mga taga Egipto, dumuman kamo sa Gilead saka maghanap duman nin pambolong! Mayo nin halaga an kadakul bolong; mayo na nin pampaomay saimo.

Jeremias 6:13

An lambang saro, poon sa kasaradayan sagkod sa haralangkaw na tawo, nandadaya tanganing yumanan. Nandadaya maski an mga propeta saka mga padi.

Mga Panambitan 1:5

Mga kaiwal an nagsakop saiya, nagin mauswag an mga kalaban niya; pinasakitan siya nin Kagurangnan huli kan dakul niyang mga kasalan. Nagharale an saiyang kaakian, binihag kan mga kaiwal.

Mga Panambitan 2:13

O Jerusalem, ano an masasabi ko para saimo? Saen taka ikakabaing, tanganing ika sakuyang maranga? An pagkarumpag mo arog kahiwas kan kadagatan; siisay an makakahirahay saimo?

Mga Panambitan 3:39

Tano ta magrereklamo an tawo kun pinapadusahan an saiyang mga kasalan?

Mga Panambitan 4:13

Alagad nangyari ini, huli sa kasalan kan saiyang mga propeta, sa kasombikalan kan saiyang mga padi, na nagpabulos kan dugo nin mga matanos.

Mikas 1:9

Dai na mabobolong an mga lugad nin Samaria, asin madali na man na magtios sa siring na paagi an Juda; an pagkarumpag nakaabot na sa mga trangkahan nin Jerusalem, sa lugar na pinag-eerokan kan sakong banwaan.”

Mikas 7:9

Nagkasala kami sa Kagurangnan, kaya kaipuhan tioson mi sa kadikit na panahon an saiyang kaanggotan. Alagad susurogon niya giraray kami asin babaloson an mga nagkasala samo. Dadarahon niya kami sa liwanag; mahihiling nyamo an pagligtas niya samo.

Nahum 3:19

Mayo nin bolong para sa saimong namamatean, asin mayong karahayan an saimong mga lugad. Mag-ooropak an mga makadangog kan saimong pagbagsak. May nakaligtas daw sa saimong mayong ontok na kakurihan?