Jeremias 3:24 - Marahay na Bareta Biblia

²⁴ Alagad an pagsamba nyamo ki Baal, an dios nin kasosopgan, iyo an nagin dahelan kan pagkaubos kan samong mga hayop, mga aking lalaki saka babae, patin kan gabos na pinagalan kan samong mga ginikanan.

Jeremias 3:24 ပူးပေါင်းရင်းမြစ်များ

Jeremias 11:13

An mga dios-dios kan mga taga Juda arog kadakul kan saindang mga syudad asin an mga altar na itinugdok kan mga nag-eerok sa Jerusalem para sa makauuyam na dios-dios na si Baal arog kadakul kan mga tinampo nin Jerusalem.

Jeremias 22:21

Nagtaram saindo an Kagurangnan kan mauswag pa an saindong pamumuhay, alagad habo kamong maghinanyog. Iyo na iyan an gibo nindo poon kan kamo aki pa; dai nanggad kamo nagkuyog sa Kagurangnan.

Jeremias 44:7

“Kaya ako, an Kagurangnan nin mga hukbo, an Dios nin Israel, minahapot ngunyan saindo kun tadaw ta ginigibo nindo an siring na karatan sa saindong mga sadiri. Boot nindong darahan nin kapahamakan an mga lalaki saka an mga babae, an mga aki saka an mga omboy, tanganing mayo nin matada sa saindong banwaan?

Jeremias 8:16

An satong mga kaiwal yaon na sa syudad nin Dan; madadangog hale duman an sinogrot kan saindang mga kabayo. Sa hinirihiri kan saindang mga kabayo, nagtatakig an bilog na daga. Huli ta nag-abot na an mga kaiwal na maraot kan satong daga, na magaba kan satong syudad asin magadan kan mga nag-eerok diyan.”

Jeremias 9:18

Nagsabi an mga tawo, “Pahidalion nindo sinda tanganing manambitan para sato sagkod na magburulos an luha sa satong mga mata, asin maghurubag ini huli kan satong pagtangis.”

Ezekiel 16:19

Tinawan taka nin kakanon—an pinakamarahay na arina, lana nin oliba asin dugos—alagad an mga ini idinolot mo bilang atang tanganing mawilihan ka kan mga dios-dios.” Ini an tataramon nin Kagurangnan Dios.

Ezekiel 16:20

“Dangan kinua mo an mga aking lalaki asin babae na nagin aki ko saimo asin isinakripisyo mo sa mga dios-dios. Kulang pa daw an saimong pagkabakong maimbod sako

Ezekiel 16:61

Magigiromdoman mo an mga ginibo mo dangan ikakasopog mo iyan kun makua mo na giraray an matua asin an ngohod mong mga tugang na babae. Gigibohon ko sindang garo mga aki mong babae, maski bako man ini kaayon sa tipan ko saimo.

Ezekiel 16:63

Papatawadon ko an mga karatan na naginibo mo, alagad magigiromdoman mo an mga iyan asin masosopog ka maski sa pagbuka kan saimong ngoso.” An Kagurangnan Dios an nagtaram.

Oseas 10:6

Dadarahon iyan sa Asiria bilang buhis sa dakulang emperador. Mapapasopog an Israel huli kan hatol na saiyang sinunod.

Oseas 2:8

Dai niya nanggad aakoon na ako an nagtao saiya nin trigo, arak, lana nin oliba, asin kan gabos na plata saka bulawan na ginamit niya sa pagsamba ki Baal.

Oseas 9:10

Nagsasabi an Kagurangnan, “Kan manumpongan ko an Israel, nakakaagid iyan sa pakanumpong nin ubas sa desyerto. Kan mahiling ko an saindong mga ginikanan, nakakaagid iyan sa pakahiling kan enot na hinog na bunga nin higera. Alagad kan makaabot sinda sa Bukid nin Peor, nagpoon sinda sa pagsamba ki Baal asin dai nahaloy, nakaarog sinda sa mga makauuyam na mga dios-dios na saindang namotan.