Jeremias 3:21 - Marahay na Bareta Biblia

²¹ May nadangog na ribok sa mga alitoktok kan kabubuldan: iyan mga paghibi saka pagtangis kan banwaan nin Israel, huli ta namuhay sinda sa karatan asin an Kagurangnan na saindang Dios saindang nalingawan.

Jeremias 3:21 ပူးပေါင်းရင်းမြစ်များ

An Libro ni Job 33:27

Masabi siya sa atubang nin mga tawo, ‘Nagkasala ako. Dai ako naggibo kan matanos alagad ilinigtas ako nin Dios.

Mga Talinhaga 10:9

An naglalakaw sa katanosan naglalakaw na matiwasay, alagad madadakop an may bikong pamumuhay.

Mga Talinhaga 19:3

Huli sa kalolongan, rinaraot kan tawo an saiyang sadiri, dangan binabasol an Kagurangnan.

Isaias 15:2

An mga taga Dibon minasarakat sa itaas kan bulod tanganing magtangis sa paganong mga lugar na pagsasambahan. Sa kamondoan, tatangisan kan mga taga Moab an mga syudad nin Nebo saka Medeba; inaris ninda an buhok sa saindang mga payo asin barabas sa kamondoan.

Isaias 17:10

Israel, nalingawan mo na an Dios nin saimong kaligtasan asin an Gapo na saimong pailihan. Embes kaiyan, nagtanom ka nin sagradong mga tatamnan tanganing magsamba sa sarong dayuhan na dios.

Isaias 57:11

Nagsasabi an Kagurangnan, “Siisay an mga dios-dios na ini na natatakotan nindo, kaya nagibo nindong magputik sako asin malingawan ako? Dahelan daw an dai ko paggirong sa halawig na panahon kun kaya dai na nindo ako ginagalangan?

Jeremias 12:12

Hale sa gabos na kalangkawan nin desyerto nag-abot an mga lalaking mananamsam. Nagpadara ako nin gera tanganing raoton an bilog na daga; mayong makakapamuhay na matoninong.

Jeremias 13:25

Sinabi niya na iyan an saimong aabotan. Gigibohon niya iyan saimo huli ta liningawan mo siya asin nagsarig ka sa bakong totoong mga dios.

Jeremias 18:15

Alagad liningawan ako kan sakong banwaan; nagtututong sinda nin insenso sa mga dios-dios. Nagkadarapa sinda sa dalan na dapat nindang lakawan; dai na ninda sinusunod an dating mga agihan; naglalakaw sinda sa mga dalan na dai pa pinag-aagihan.

Jeremias 2:32

Malilingawan daw nin sarong daraga an saiyang mga alahas, o nin sarong nobya an saiyang gubing na pangkasal? Alagad nalingawan ako kan sakong banwaan sa halawig na panahon.

Jeremias 3:2

Hilinga an alitoktok kan mga bulod. Igwa daw nin lugar duman na dai mo dinigtaan? Naghalat ka nin mga lalaki sa gilid kan tinampo, arog kan Arab na naghihipa nin mga mabibiktima sa kalangtadan. Dinigtaan mo an daga huli kan saimong karigsokan.

Jeremias 31:9

Nagtatangis na mabalik an sakong banwaan; namimibi mantang sakong pinapangenotan. Dadarahon ko sinda sa mga sapang may tubig, sa sarong patag na agihan tanganing dai sinda madapa. Huli ta saro akong ama para ki Israel asin si Efraim an aki kong matua.”

Jeremias 7:29

“Pagmondo kamo, mga taga Jerusalem; putolon nindo an saindong buhok asin tapokan sa harayo. Manambitan kamo sa ibabaw kan kabubuldan, huli ta ako, an Kagurangnan, naaanggot asin isinisikwal ko an sakong banwaan.

Ezekiel 23:35

Kaya ini an itinataram kan Kagurangnan Dios: “Huli ta nalingawan mo ako asin nagtalikod ka sako, titioson mo an bunga kan saimong kadustaan asin karompotan.”

Ezekiel 7:16

An nagkapira makakadulag pasiring sa kabukidan siring sa mga salampating tinakot sa mga kapantayan. Sinda gabos mag-aagrangay para sa saindang mga kasalan.

Oseas 13:6

Alagad kan makalaog kamo sa marahay na daga asin magkabarasog kamo, nagin mapaabaw-abaw kamo dangan nalingawan nindo ako.

Oseas 8:14

“Nagpatindog nin mga palasyo an banwaan nin Israel, alagad nalingawan ninda an Kaglalang sainda. An mga taga Juda nagpatindog nin pinapusog na mga syudad, alagad mapadara ako nin kalayo na masulo kan saindang mga palasyo saka mga syudad.”

Mikas 3:9

Dangoga nindo ako, kamong mga pamayo nin Israel, na naoongis sa hustisya asin nagbibiko sa katanosan.

Mga Bilang 22:32

Naghapot an anghel, “Tadaw ta hinampak mo nin makatolo an saimong asno? Napadigdi ako tanganing olangon an saimong agihan, huli ta dai mo dapat ginibo an paglakaw na ini.

2 Corinto 7:10

Huli ta an kamondoan na ginagamit nin Dios nagbubunga nin pagsolsol na minadara sa kaligtasan—iyan dai dapat pagbasolan! Alagad an kamondoan na itinatao kan kinaban nagdadara nin kagadanan.