Jeremias 3:17 - Marahay na Bareta Biblia

¹⁷ Sa panahon na iyan, aapodon an Jerusalem na ‘An Trono nin Kagurangnan,’ asin an gabos na nasyon matiripon duman sa pagsamba sako. Dai na ninda susunodon an ipinapagibo sainda kan matagas saka maraot nindang mga puso.

Jeremias 3:17 ပူးပေါင်းရင်းမြစ်များ

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

1 Mga Hade 8:41

“Kun an sarong dayuhan na nag-eerok sa harayong lugar makadangog kan saimong dakulang ngaran asin kan saimong makangangalas na mga gibo para sa saimong banwaan, dangan magdigdi tanganing magsamba saka mamibi sa Templong ini,

Salmo 102:23

Pinangagin niya akong maluya sa kaodtohan nin sakong buhay; pinangagin niyang halipot an sakuyang mga aldaw.

Salmo 78:8

asin tanganing dai sinda makaarog sa saindang mga ginikanan, na sarong matumang asin bakong makinuyog na banwaan; banwaan na bakong masarig an pagtubod sa Dios asin dai nagdanay na maimbod sa saiya.

Salmo 87:3

Mga magayon na bagay sinasabi manongod saimo, O syudad nin Dios:

Isaias 26:8

Sinusunod mi an saimong kabotan asin naglalaom kami saimo; ika an bilog ming kamawotan.

Isaias 56:6

An Kagurangnan nagsasabi sa mga dayuhan na nagin kabtang na kan saiyang banwaan, na namomoot saka naglilingkod saiya, na nag-ootob kan Sabbath asin maimbod na nag-ootob kan saiyang tipan:

Isaias 59:19

Magpoon sa sirangan sagkod sa solnopan, an saiyang dakulang kapangyarihan, katatakotan kan gabos. Maabot siya siring sa sarong masulog na salog, arog sa sarong makosog na doros.

Isaias 6:1

Kan taon na magadan si Hadeng Uzzias, nahiling ko an Kagurangnan. Nagtutukaw siya sa saiyang trono, halangkaw saka mamuraway, asin an bilog na Templo napapano kan saiyang gubing.

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Isaias 66:18

Aram ko an saindang mga iniisip saka ginigibo. Madatong ako sa pagtipon kan katawohan kan gabos na nasyon. Kun magkatiripon na sinda, mahihiling ninda kun ano an nagigibo kan sakong kapangyarihan

Isaias 66:20

Ibabalik ninda an saindong mga kahimanwa hale sa mga nasyon bilang regalo sako. Dadarahon ninda an mga tawong ini sa sakong banal na bulod sa Jerusalem. Malunad sinda sa mga kabayo, mga mula, asin mga kamelyo, patin sa mga karwahe saka mga kariton. Dadarahon ninda an mga kahimanwa ninda siring sa pagdara kan mga Israelita kan mga dolot na pagkakan sa Templo na nakabugtak sa mga malinig na laogan.

Jeremias 11:8

Alagad dai sinda naghinanyog ni nagkuyog, kundi an lambang saro nagdanay sa katagasan kan saiyang makasalan na puso. Pinagbotan ko sinda na otobon an sakong tipan, alagad habo ninda akong kuyogon. Kaya dinara ko sainda an gabos na padusa na sinasabi sa sakong tipan.”

Jeremias 12:15

Alagad pakatapos na haleon ko sinda, maheherakan ko giraray sinda; ibabalik ko an lambang nasyon sa sadiri niyang pamana saka daga.

Jeremias 12:16

Kun bilog na puso nindang aakoon an pagtubod kan sakong banwaan saka manumpa nin ‘Siring na nabubuhay an Kagurangnan,’—arog kan itinukdo ninda sa sakong banwaan na pagsumpa ki Baal—magigin kaayon sinda kan sakong banwaan saka magigin mauswag sinda.

Jeremias 14:21

Giromdoma an saimong mga panuga asin dai mo kami ipagsikwal; dai mo paghalean nin onra an Jerusalem, an namumugtakan kan mamuraway mong trono. Dai mo paglapason an tipan na ginibo mo samo.

Jeremias 16:12

Alagad mas maraot an ginibo nindo ki sa ginibo kan saindong mga ginikanan. Kamo gabos matatagas an payo asin mararaot. Dai kamo nagkukuyog sako.

Jeremias 16:19

Kagurangnan, ika an nag-iingat sako asin nagtataong kosog; tinatabangan mo ako sa panahon nin kasakitan. Hale sa mga poro kan kinaban madolok saimo an mga nasyon saka masabi, “An mga dios kan samong mga ginikanan gabos mayong halaga.

Jeremias 17:12

An satong Templo arog sa mamuraway na trono, na nagtitindog sa halangkaw na bukid magpoon pa kaidto.

Jeremias 18:12

Masimbag sinda, ‘Dai, tadaw ta magbabago kami? Susundon mi an sadiri nyamong plano asin gabos kami magibo sosog sa katagasan kan maraot nyamong mga puso!’”

Jeremias 3:19

Nagsasabi an Kagurangnan, “Israel, binoot kong akoon ka bilang sakong aking lalaki asin tawan ka nin sarong matubang na daga, an daga na pinakamagayon sa bilog na kinaban. Binoot kong apodon mo akong ama, asin dai ka na nanggad matalikod sako.

Jeremias 31:23

An Kagurangnan nin mga hukbo, an Dios nin Israel, nagtataram, “Kun ibalik ko na an banwaan sa saindang daga, masabi giraray sinda sa daga nin Juda asin sa saiyang mga banwa, ‘Bendisyonan logod nin Kagurangnan an sagradong bulod nin Jerusalem, an banal na lugar na saiyang pinag-eerokan.’

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Jeremias 7:24

Alagad dai sinda nagkuyog; dai ninda ako dinangog. Ginibo ninda an lambang ipinapagibo sainda kan matagas saka maraot nindang puso. Orog sindang nagin maraot embes na nagin marahay.

Jeremias 9:14

Embes kaiyan, nagmatagas sinda saka nagsamba kan mga ladawan ni Baal arog kan itinukdo sainda kan saindang mga ama.

Ezekiel 1:26

Sa ibabaw kan arko igwa nin garo trono na gibo sa safiro; asin nagtutukaw sa trono an sarong garo tawo.

Ezekiel 43:7

“Aki nin tawo, uya digdi an sakong trono. Mag-eerok ako digdi sa kaibahan kan banwaan nin Israel asin paghahadean ko sinda sagkod pa man. An sakong banal na ngaran dai na nanggad didigtaan kan mga Israelita asin kan saindang mga hade, sa paagi nin pagsamba sa ibang dios-dios o sa paglubong kan mga bangkay kan saindang mga hade sa lugar na ini.

Ezekiel 48:35

An kahalabaan kan kudal sa apat na lado kan syudad kaipuhan nuebe mil metros. Poon ngunyan an ngaran kan syudad magigin “An Kagurangnan Uya Digdi!”

Zacarias 2:11

Sa panahon na iyan dakul na nasyon an madolok sa Kagurangnan asin magigin saiyang banwaan. Maerok siya sa kaibahan nindo, dangan maaaraman nindo na sinugo niya ako sa saindo.

Zacarias 8:8

dangan ibabalik hale sa sirangan saka solnopan tanganing mag-erok sa Jerusalem. Sinda an magigin banwaan ko, asin ako an magigin Dios ninda, na maimbod saka matanos na mamamayo sainda.

Mga Bilang 15:39

An mga kordon magigin mga pagiromdom, kaya sa panahon na mahiling nindo iyan, magigiromdoman nindo an gabos kong pagboot asin makuyog kamo kaiyan; dangan dai na kamo matalikod sako patin dai na kamo magibo kan gabos nindong magustohan.

Roma 1:21

Maski midbid ninda an Dios, dai ninda siya tinawan kan kaomawan bilang Dios, asin dai sinda nagpasalamat saiya. Kundi nagparaisip sinda nin mga bagay na mayong halaga asin nadikloman an isip ninda.

Roma 6:14

Dai kamo dapat na magpasakop sa kasalan, huli ta bako na kamong nabubuhay sa irarom kan katogonan kundi sa irarom kan biyaya nin Dios.

Galacia 4:26

Alagad an langitnon na Jerusalem talingkas asin iyan an satong ina.

Deuteronomio 29:29

“May mga bagay na pinagmarahay nin Kagurangnan na satong Dios na magin hilom, alagad ipinahayag niya an saiyang Togon tanganing kuyogon nyato asin kan satong mga kapagarakian sagkod lamang.

Hukom 2:19

Alagad sa oras na magadan an hukom, minabalik an mga tawo sa dati nindang gibo, asin an bagong henerasyon nagigin orog na maraot ki sa saindang mga magurang. Minalingkod sinda asin minasamba sa ibang mga dios; habo nindang bayaan an mga maraot nindang gibo.