Jeremias 3:15 - Marahay na Bareta Biblia

¹⁵ Tatawan ko kamo nin mga pamayo na nagkukuyog sako, asin papamayohan ninda kamo na may kadonongan saka pakasabot.

Jeremias 3:15 ပူးပေါင်းရင်းမြစ်များ

Mga Talinhaga 10:21

An mga tataramon kan matanos papakinabangan nin dakul na tawo, alagad pwedeng magadan an lolong huli kan saiyang kapatalan.

Jeremias 23:4

Mapili ako nin mga pamayo na mag-aataman sainda. An sakong banwaan dai na nanggad matatakot ni matitikbahan; mayo na nin mawawara sainda. Ako, an Kagurangnan, an nagtaram.”

Jeremias 31:10

Nagtataram an Kagurangnan, “Mga nasyon, maghinanyog kamo sako saka ipahayag nindo an sakong mga tataramon sa hararayong baybayon. Iwinarak ko an sakong banwaan, alagad titiponon ko sinda saka babantayan arog kan pagbantay kan pastor sa saiyang mga karnero.

Ezekiel 34:2

“Aki nin tawo, magpropesiya ka laban sa mga namamayo nin Israel. Sabihan mo sinda na ini an tataramon ko, an Kagurangnan Dios: Herak man saindo, mga pastor nin Israel! Binabasog nindo an saindong sadiri, alagad dai nindo inaataman an mga karnero.

Ezekiel 34:23

Tatawan ko sinda nin sarong hade na arog kan sorogoon kong si David, tanganing iyo sana an magpastor asin mag-ataman sainda.

Ezekiel 37:24

Sarong hade na arog ki David na sakuyang sorogoon an magigin hade ninda. Magkakasararo sinda sa irarom kan pamamayo nin sarong hade asin maimbod na kukuyogon ninda an sakuyang mga togon.

Lukas 12:42

Nagsimbag an Kagurangnan, “Siisay an maimbod saka madonong na sorogoon? Siya idtong ibubugtak kan saiyang kagurangnan na mamahala kan ibang mga sorogoon, asin marasyon sainda nin kakanon sa oras nin pagkakan.

Mga Gibo 20:28

Kaya ingati nindo an saindong sadiri asin an bilog na katiriponan na ipinapaataman saindo kan Espiritu Santo. Magin pastor kamo kan simbahan nin Dios, na nagin sadiri niya huli kan kagadanan nin saiyang Aki.

1 Corinto 2:6

Alagad sa mga tawong pusog na an pagtubod, nagtutukdo ako nin kadonongan. Alagad an kadonongan na iyan bakong gikan sa panahon na ini, o sa mga namamayo kan kinaban na ini, na mga minaagi sana.

1 Pedro 2:2

Magin siring kamo sa bagong mamundag na aki, na danay na paha para sa purong gatas na espiritwal, tanganing sa pag-inom kaiyan, magtalubo kamo sagkod na makamtan nindo an kaligtasan.

1 Samuel 13:14

Alagad dai na madanay an saimong kahadean; sinuhay mo an Kagurangnan, kaya mahanap siya nin lalaking naooyonan niya na gigibohon niyang hade kan saiyang banwaan.”