Jeremias 3:13 - Marahay na Bareta Biblia

¹³ Akoon mo sana na nagkasala ka asin nagrebelde tumang sa Kagurangnan, na saimong Dios. Ikumpisal mo na sa lindong nin lambang berdeng kahoy, itinao mo an saimong pagkamoot sa dayuhan na mga dios-dios asin dai ka nagkuyog kan sakong mga pagboot. Ako, an Kagurangnan, an nagtaram.

Jeremias 3:13 ပူးပေါင်းရင်းမြစ်များ

Nehemias 9:2

Nagsiblag an mga Israelita sa gabos na dayuhan, dangan nagtindog sinda saka nagkumpisal kan saindang mga kasalan asin kan kasalan kan saindang mga ginikanan.

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Isaias 57:5

Sinasamba nindo an mga dios-dios huli sa pakikidorog sa tangod kan sagrado nindong mga kahoy. Idinodolot nindo an saindong mga aki bilang sakripisyo sa mga magapong lungib na harani sa mga sapa.

Jeremias 14:10

Nagsasabi an Kagurangnan manongod sa mga tawong ini, “Mas boot nindang magharayo sako, asin dai ninda pinugol an saindang sadiri. Kaya dai ko sinda nawiwilihan. Gigiromdomon ko an mga maraot nindang gibo asin papadusahan ko sinda huli kan mga kasalan ninda.”

Jeremias 14:20

Nagkasala kami saimo, Kagurangnan; ikinukumpisal nyamo an samong mga kasalan asin an mga kasalan kan samong mga ginikanan.

Jeremias 2:20

Nagsasabi an Kagurangnan na Makakamhan, “Israel, haloy mo nang isinikwal an kapangyarihan ko; habo mo akong kuyogon saka sambahon. sa ibabaw nin lambang halangkaw na bulod asin sa lindong nin lambang berdeng kahoy nagsamba ka arog sa sarong babaeng maraot.

Jeremias 2:25

Israel, dai mo pagpagalon an saimong mga bitis, ni pagpamarahon an saimong halonan sa pagparalamag kan ibang dios. Alagad nagsasabi ka, ‘Dai ako pwedeng tumalikod. Namotan ko na an mga dayuhan na dios-dios asin susunodon ko sinda.’”

Jeremias 3:2

Hilinga an alitoktok kan mga bulod. Igwa daw nin lugar duman na dai mo dinigtaan? Naghalat ka nin mga lalaki sa gilid kan tinampo, arog kan Arab na naghihipa nin mga mabibiktima sa kalangtadan. Dinigtaan mo an daga huli kan saimong karigsokan.

Jeremias 3:25

Dapat kaming pahigdaon sa kasosopgan, asin tahoban nin disonra. Kami asin an samong mga ginikanan danay na nagkasala sa Kagurangnan na samuyang Dios; dai mi nanggad kinuyog an saiyang mga pagboot.”

Jeremias 3:6

Kan panahon ni Hadeng Josias, nagsabi sako an Kagurangnan, “Nahiling mo an ginibo kan Israel, an bakong maimbod na babae? Nagtalikod siya sako, asin sa ibabaw nin lambang halangkaw na bulod saka sa lindong nin lambang berdeng kahoy naggibo siya kan karigsokan kan babaeng maraot.

Jeremias 7:24

Alagad dai sinda nagkuyog; dai ninda ako dinangog. Ginibo ninda an lambang ipinapagibo sainda kan matagas saka maraot nindang puso. Orog sindang nagin maraot embes na nagin marahay.

Jeremias 7:26

Alagad mayo nin nagdangog ni nagpahalaga kan sakong tataramon. Orog na nagin matagas an saindang payo asin mas rebelde pa kamo ki sa saindong mga ginikanan.

Ezekiel 16:15

“Alagad ginamit mo an saimong kagayonan asin kabantogan tanganing makidorog sa kiisay man na mag-agi.

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Deuteronomio 12:2

Sa daga na saindong sasakopon, gabaon nindo an gabos na lugar na pinagsasambahan kan mga tawo sa saindang mga dios-dios: sa kabukidan, sa kabubuldan asin sa lindong nin mga kahoy.