Jeremias 29:31 - Marahay na Bareta Biblia

^31-32 padarahan an gabos na bilanggo sa Babilon kan mensaheng ini manongod ki Semaias: “Ako, an Kagurangnan, an mapadusa ki Semaias asin sa gabos niyang kapagarakian. Dai ko siya sinugo, alagad nagtaram siya saindo na garo baga siya sarong propeta saka pinatubod niya kamo sa kaputikan. Dai siya magkakaigwa nin mga kapagarakian sa kaibahan nindo. Dai siya mabubuhay tanganing mahiling an mararahay na bagay na gigibohon ko para sa sakong banwaan, huli ta tinaraman niya sinda na magrebelde tumang sako. Ako, an Kagurangnan, an nagtaram.”

Jeremias 29:31 ပူးပေါင်းရင်းမြစ်များ

1 Mga Hade 13:18

Dangan nagsabi saiya an gurang na propeta, “Propeta man akong arog saimo, asin sinabihan ako nin sarong anghel huli sa pagboot nin Kagurangnan na ipag-iba taka sa sakong harong tanganing pakakanon asin painomon.” Alagad nagpuputik an gurang na propeta.

Jeremias 23:21

Nagtaram an Kagurangnan, “Dai ko sinugo an mga propetang ini, alagad nagralakaw sinda. Dai ko sinda tinawan nin mensahe, alagad nagtaram sinda sa sakong ngaran.

Jeremias 29:20

Kamo gabos na itinapok ko sa Babilonia, hinanyoga nindo ako, an Kagurangnan.’

Jeremias 29:30

asin tinaraman ako nin Kagurangnan na

Jeremias 29:9

Nagsasabi sinda saindo nin mga kaputikan sa ngaran ko. Dai ko sinda sinugo. Ako, an Kagurangnan nin mga hukbo, an nagtaram.’

2 Pedro 2:1

Kun kaidtong panahon may nagluwas na mga bakong tunay na propeta sa mga tawo, siring man may maluwas na mga bakong tunay na paratukdo diyan saindo. Hilom na itutukdo ninda an mga nakakaraot saka salang doktrina; nenegaran ninda an Kagurangnan na nagtubos sainda. Dahel kaiyan, biglang maabot sainda an kapahamakan.