Jeremias 29:26 - Marahay na Bareta Biblia

²⁶ An Kagurangnan iyo an nagbugtak saimo bilang padi na kasalihid ni Jehoiada asin ika ngunyan an pamayong opisyal sa Templo. Katongdan mo na mabugtakan nin kadena saka lansang na kwelyo an liog kan lambang bua-bua na nagsasagin-sagin na propeta.

Jeremias 29:26 ပူးပေါင်းရင်းမြစ်များ

2 Mga Hade 11:15

Habo ni Jehoiada na gadanon si Atalia sa laog kan Templo kaya pinagbotan niya an mga opisyal kan hukbo, “Isiblag siya sa grupo kan mga bantay, asin gadanon nindo an siisay man na maghingowang magligtas saiya.”

2 Mga Hade 11:18

Pakatapos, nagduman an mga tawo sa templo ni Baal asin rinumpag idto. Rinonot ninda an saiyang mga altar saka mga imahen, asin ginadan sa atubang kan mga altar si Mattan, an padi ni Baal. Nagbugtak si Jehoiada nin mga bantay sa Templo.

2 Mga Hade 9:11

Kan magbalik si Jehu sa kapwa niya mga opisyal, naghapot sinda, “Ano an nangyari? Ano an kaipuhan saimo kan lolong na idto?” “Naaaraman nindo kun ano an kaipuhan niya,” an simbag ni Jehu.

2 Mga Cronica 16:10

Naanggot si Asa sa propeta asin ini saiyang ipinabilanggo. Kan panahon man na ini nagpoon na magin makuri si Asa sa nagkapira niyang mga tawohan.

2 Mga Cronica 18:26

Sabihan nindo sinda na ibilanggo ninda an tawong ini asin dikit sanang tinapay saka tubig an itao saiya sagkod na magbalik akong tiwasay.”

Jeremias 29:27

Tadaw ta dai mo ginibo ini ki Jeremias nin Anatot, na nagtataram sa mga tawo bilang sarong propeta?

Jeremias 38:28

Nag-ontok ako sa patyo kan palasyo sagkod kan aldaw na nasakop an Jerusalem.

Jeremias 38:6

Kaya kinua ninda ako saka itinunton sa bubon ni Prinsipe Malkias, na yaon sa patyo kan palasyo. Bakong tubig kundi laboy an laog kan bubon, asin nag-irarom ako sa laboy.

Oseas 9:7

Nag-abot na an panahon nin pagpadusa, an panahon na maako an mga tawo kan maninigo sainda. Kun mangyari na iyan, maaaraman iyan kan mga Israelita! Nagsasabi kamo, “Lolong an propetang ini. Bua an tawong ini na pinasabongan nin espiritu.” Anggot kamo sako huli ta dakulang marahay an saindong kasalan.

Zacarias 13:1

“Pag-abot kan panahon na iyan,” nagtataram an Kagurangnan nin mga hukbo, “bubukasan an sarong burabod tanganing linigan kaini kan saindang kasalan saka karigsokan an mga kapagarakian ni David asin an mga nag-eerok sa Jerusalem.

Mateo 21:23

Nagbalik si Jesus sa Templo, asin mantang nagtutukdo siya, nagdolok an mga poon na padi asin an mga kamagurangan kan mga tawo dangan naghapot saiya, “Ano an kapangyarihan mo sa paggibo kan mga bagay na ini? Siisay an nagtao saimo kan kapangyarihan na iyan?”

Markos 3:21

Kan madangog ini kan saiyang mga kadugo, nagduman sinda tanganing kuahon siya huli ta may mga tawong nagsasabing nabubua na siya.

Juan 10:20

Dakul sainda an nagsabi, “Igwa siya nin demonyo asin nabubua na siya. Tadaw ta nagdadangog kamo saiya?”

Juan 10:33

Sinimbag ninda si Jesus, “Dai mi ika gagapoon huli sa mga marhay mong gibo, kundi huli ta naglanghad ka sa Dios! Tawo ka sana, alagad nagsasabi kang ika Dios!”

Juan 8:53

Mas dakula ka pa ki sa samong ama na si Abraham? Nagadan siya, siring man an mga propeta. Ano an paghona mo, siisay ka man?”

Mga Gibo 16:24

Kaya sosog sa pagboot, ilinaog sinda kan bantay sa pinakalaog na selda, saka ilinaog an mga bitis ninda sa luho kan duwang magabat na kahoy.

Mga Gibo 26:11

Dakul na beses na ipinahampak ko sinda sa mga sinagoga asin hiningowa kong talikdan ninda an saindang pagtubod. Anggot ako nin marahay, kaya nakaabot ako sagkod sa mga syudad nin ibang nasyon sa pagpasakit sainda.

Mga Gibo 26:24

Mantang nagpapahayag si Pablo kan saiyang depensa kinurahawan siya ni Festo, “Bua ka, Pablo! An sobrang adal mo iyo an nakakapabua saimo!”

Mga Gibo 26:25

Alagad sinimbag siya ni Pablo, “Bako akong bua ginagalangan na Festo. An itinataram ko iyo an malinaw na katotoohan.

Mga Gibo 4:1

Nagtataram pa sa mga tawo si Pedro asin si Juan, kan mag-abot an nagkapirang padi, an kapitan kan mga bantay sa Templo, saka an mga Saduceo.

Mga Gibo 5:18

Dinakop ninda an mga apostol saka ibinilanggo.

Mga Gibo 5:24

Kan madangog ini kan kapitan kan mga bantay sa Templo asin kan mga poon na padi, nagkarilibong sinda kun ano an nangyari sa mga apostol.

2 Corinto 11:33

Alagad ilinaog ako sa sarong basket saka itinunton sa ibong kan kudal, kaya nakadulag ako.

Kapahayagan 2:10

Dai ka matakot sa mga nagdadangadang mong kasakitan. Uya, an iba saindo ipapabilanggo kan Diablo tanganing baloon kamo, asin sampolong aldaw kamong magtitios. Alagad magin maimbod ka sagkod sa kagadanan asin itatao ko saimo an korona nin buhay.