Jeremias 29:17 - Marahay na Bareta Biblia

¹⁷ An Kagurangnan nin mga hukbo nagsasabi, ‘Papadarahan ko sinda nin gera, gutom, asin peste; iaarog ko sinda sa ralapang higera na dai na pwedeng kakanon.

Jeremias 29:17 ပူးပေါင်းရင်းမြစ်များ

Jeremias 27:8

“Alagad kun dai maglingkod ki Nebukadnezzar na hade nin Babilonia an arin man na nasyon o kahadean, asin dai magpairarom sa saiyang kapangyarihan, papadusahan ko an nasyon na iyan sa paagi nin gera, gutom saka peste sagkod na dai ko pa itinutugot ki Nebukadnezzar na raoton nanggad an nasyon na iyan.

Jeremias 29:18

Lalamagon ko sinda sa paagi nin gera, gutom, saka peste, asin an gabos na nasyon sa kinaban magkakatirikbahan dangan magkakatarakot sa mangyayari sainda. Sa gabos na nasyon na pagwawarakan ko sainda, pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 32:24

“An mga taga Babilonia nagtambak na nin daga sa palibot kan syudad tanganing masakop ini, asin nagsasalakay na sinda. An syudad mahuhulog sa saindang kamot huli kan gera, gutom, asin peste. Nagkakatotoo na an gabos mong itinaram.

Jeremias 43:11

Maabot si Nebukadnezzar saka dadaogon niya an Egipto. An mga tawong nakatalaan na magadan sa peste, magagadan sa peste; an mga nakatalaan na mabihag, mabibihag, asin an mga nakatalaan na magadan sa gera, magagadan sa gera.

Jeremias 52:6

Kan ikasiyam na aldaw kan ikaapat na bulan kan taon na idto, kan makuri na an gutom sa syudad, mala ta mayo na nin nakakakan an mga tawo,

Lukas 21:11

malinog nin makosog, asin magkakaigwa nin gutom saka peste sa manlaen-laen na lugar; magkakaigwa nin makangingirhat saka darakulang tanda hale sa kalangitan.

Lukas 21:23

Herak man sa mga bados asin sa mga ina na may pinapasuso sa mga aldaw na iyan! Huli ta maabot an makuring kasakitan sa kinaban asin an padusa nin Dios sa banwaan na ini.

Kapahayagan 6:8

Nahiling ko an sarong kabayong malongsi. An ngaran kan nangangabayo, Kagadanan, asin nagsusunod saiya an Hades. Itinao sainda an kapangyarihan sa ikaapat na kabtang kan kinaban tanganing manggadan sa paagi nin gera, gutom, helang saka sa paagi nin lalaw na mga hayop.