Jeremias 29:14 - Marahay na Bareta Biblia

¹⁴ Makukua nanggad nindo ako, asin ibabalik ko saindo an saindong mga kayamanan. Titiponon ko kamo hale sa gabos na nasyon saka mga lugar na inalawan ko saindo, dangan ibabalik sa lugar na pinaghalean nindo bago kamo itinapok. Ako, an Kagurangnan, an nagtaram.’

Jeremias 29:14 ပူးပေါင်းရင်းမြစ်များ

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

Salmo 126:1

Kan ibalik nin Kagurangnan an kayamanan nin Sion, nakabaing kita sa mga nangatorogan!

Salmo 126:4

Tawe kami giraray nin kauswagan, Kagurangnan, siring na an uran nagtatao nin tubig sa mamarang mga salog.

Salmo 32:6

Kaya kaipuhan mamibi saimo an gabos na tawong maimbod saimo sa panahon nin pangangaipo; kun mag-abot an sarong dakulang baha nin kasakitan, dai iyan makakaabot sainda.

Salmo 46:1

An Dios satong pailihan asin kosog, danay na andam sa pagtabang sa panahon nin kasakitan.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 43:5

Dai ka matakot—kaiba mo ako! “Ipupuli ko saimo an saimong namamanwaan hale sa sirangan asin sa solnopan.

Isaias 43:6

Tataraman ko an amihan na butasan sinda asin an habagat na dai sinda pagpugolon. Tugote nindong magbalik an sakong banwaan hale sa harayong mga daga, hale sa gabos na poro ka kinaban.

Isaias 45:19

Bakong sa hilom kan ako magtaram asin dai ko tinago an sakong katuyohan. Dai ko hinagad sa banwaan nin Israel na hanapon ako sa mamondong lugar. Ako an Kagurangnan, asin nagsasabi ako kan katotoohan; ipinapahayag ko kun ano an tama.”

Isaias 55:6

Hanapa nindo an Kagurangnan mantang makukua siya, pag-apod kamo saiya mantang harani siya.

Jeremias 12:15

Alagad pakatapos na haleon ko sinda, maheherakan ko giraray sinda; ibabalik ko an lambang nasyon sa sadiri niyang pamana saka daga.

Jeremias 3:14

“Bakong maimbod na banwaan, magbalik kamo huli ta ako an saindong Kagurangnan. Makua ako saindo nin saro sa lambang banwa asin duwa sa lambang kamaganakan, dangan ibabalik ko kamo sa Bukid nin Sion.

Jeremias 30:10

“Banwaan ko, dai kamo matakot; mga taga Israel, dai kamo makubhanan. Ililigtas ko kamo hale sa harayong daga na iyan, hale sa daga na pinagbilanggoan saindo. Mapuli kamo saka mamumuhay sa katoninongan; magigin matiwasay kamo, asin mayong mapatakot saindo.

Jeremias 30:18

Nagtataram an Kagurangnan, “Ibabalik ko an sakong banwaan sa saindang daga saka maheherakan ko an lambang pamilya; papatindogon giraray an Jerusalem asin an palasyo ibabalik sa dating lugar.

Jeremias 30:3

huli ta nagdadangadang na an aldaw na ibabalik ko an banwaan ko, an Israel asin an Juda, saka an saindang kayamanan. Ibabalik ko sinda sa daga na itinao ko sa mga ginikanan ninda, asin masasadirihan ninda giraray iyan. Ako, an Kagurangnan, an nagtaram.”

Jeremias 31:16

Ontoka an saimong pagtangis saka pahida an saimong mga luha. Huli ta babalosan an pagpagal mo para sa saimong mga aki; mabalik sinda hale sa daga kan mga kaiwal.

Jeremias 31:17

May paglaom para saimo sa maabot na panahon; an saimong mga aki mapuli sa saindong harong. Ako, an Kagurangnan, an nagtaram.

Jeremias 31:23

An Kagurangnan nin mga hukbo, an Dios nin Israel, nagtataram, “Kun ibalik ko na an banwaan sa saindang daga, masabi giraray sinda sa daga nin Juda asin sa saiyang mga banwa, ‘Bendisyonan logod nin Kagurangnan an sagradong bulod nin Jerusalem, an banal na lugar na saiyang pinag-eerokan.’

Jeremias 51:10

Nagsasabi an Kagurangnan, “Nagkukurahaw an sakong banwaan, ‘Ipinahiling nin Kagurangnan na tama kita. Magduman kita sa Sion saka ipahayag ta an ginibo nin Kagurangnan na satong Dios.’”

Jeremias 8:3

Para sa matatada sa makasalan na nasyon na ini na nag-eerok sa mga lugar na winarakan sa sainda, mas marahay pa an magadan ki sa padagos na mabuhay. Ako, an Kagurangnan nin mga hukbo, an nagtaram.”

Ezekiel 37:21

Dangan sabihan mo sinda na ako, an Kagurangnan Dios, an makua sainda hale sa mga nasyon na dinumanan ninda, titiponon ko sinda dangan ibabalik sa sadiri nindang daga.

Ezekiel 39:25

Nagtaram an Kagurangnan Dios, “Alagad ngunyan maheherak ako sa kapagarakian ni Jacob, sa banwaan nin Israel, asin papauswagon ko giraray sinda. Iingatan ko an banal kong ngaran.

Amos 9:14

Ibabalik ko an sakong banwaan sa saindang daga. Hihirahayon ninda an nagkararaot nindang syudad asin mag-eerok sinda duman; matanom sinda nin mga ubas asin iinomon ninda an arak; matanom sinda sa mga tatamnan patin makakan kan bunga kaiyan.

Mikas 4:12

Alagad dai aram kan mga nasyon na ini kun ano an nasa isip nin Kagurangnan. Dai ninda aram na tiniripon sinda tanganing padusahan siring na an trigo tinitipon tanganing ginikon.

Sofonias 3:20

Maabot an panahon na ibabalik ko sa saindang mga harong an nagkawararak mong mga namamanwaan; gigibohon takang bantog sa bilog na kinaban asin papauswagon taka giraray.” An Kagurangnan an nagtaram.

Roma 10:20

Mas pusoan si Isaias na minataram, “Nakua ako kan mga dai naghanap sako; nagpahiling ako sa mga dai naghapot kun haen ako.”

Deuteronomio 30:1

“Itinao ko saindo ngunyan an pagpipilian: sarong bendisyon asin sarong maldisyon. Kun mangyari na saindo an mga bagay na ini asin kun mag-erok na kamo sa mga nasyon na winarakan saindo nin Kagurangnan, magigiromdoman nindo ining pagpipilian na itinao ko saindo.

Deuteronomio 30:3

ibabalik saindo nin Kagurangnan an marahay na palad saka maheherak siya saindo. Titiponon niya giraray kamo hale sa mga nasyon na pinagwarakan niya saindo.

Deuteronomio 30:5

tanganing masadirihan giraray nindo an daga na sadiri kaidto kan saindong mga ginikanan. Gigibohon niya kamong mas mauswag saka mas dakul ki sa saindong mga ginikanan.

Deuteronomio 4:7

“Arin na mapangyaring nasyon an igwa nin dios na harani saiya, arog sa Kagurangnan na satong Dios, na harani nin marahay sa sato, kun minaapod kita saiya?